السلام عليكم
رجاء إفادتي أيهما أفضل
شراء بي إم 523i موديل 2006 هاي لاين عاملة 160 ألف كيلو ، ورشة نضافة أم شراء سيارة جديدة (جوك 2015) ؟
وعامة لو حبيت أجيب بي أم 523i من 2006 : 2009 رنج أسعارها إيه ؟
عرض للطباعة
السلام عليكم
رجاء إفادتي أيهما أفضل
شراء بي إم 523i موديل 2006 هاي لاين عاملة 160 ألف كيلو ، ورشة نضافة أم شراء سيارة جديدة (جوك 2015) ؟
وعامة لو حبيت أجيب بي أم 523i من 2006 : 2009 رنج أسعارها إيه ؟
اى عربيه زيرو احسن من المستعمل الا لو هتشترى البى ام من حد معرفه وعارف عربيته ايه اللى فيها وبيغير ليه
بخلاف ذلك
لو هتجيب بى ام او اى عربيه مستعمله لازم تكشف عليها فى التوكيل ومش معقوله هتكشف على كذا عربيه فى التوكيل ده غير ان المستعمل هتشوف كل يوم عربيه فى منطقه شكل
طبعاً البى ام لا يعلى عليها لو حالتها تمام فلو هتكشف عليها فى التوكيل وطلعت تمام يبقى توكل على الله لانى بقولك عن تجربه ان المستعمل فى البى ام لو حالته مش تمام هتصرف عليها كتير جداً وهتتعبك وممكن تعطل منك فى اى مكان بخلاف الزيرو اللى مش هتعمل حاجه فيه غير الصيانه الدوريه وبالتوفيق
الe60 أكتر شكل BMW بحبه لكن عدادها كتير شويةو حوار إنها رشة نضافة ده مش مريح و خصوصاً إن البي ام بيتلعب كتير في عدادها ... شوف حالة عدادها أقل لأنها أحسن من الجوك 100 مرة ... في حالات هتلاقيها نضيفة و عاملة كل صيانتها في التوكيل ... دور شوية و هتلاقي و ماتستعجلش ... range أسعارها من 180 ل 220 ... و ربنا يوفقك لما فيه الخير إن شاء الله :)
لازم تكشف فى الوكيل لان العربيات دى ممكن تصرفلك 30 الف جنيه صيانات عاديه من غير ما يكون فيه مشكله فى ماتور او فتيس لا قدر الله يعنى شويه سيور و زيوت و تيل و طنابير و و ردياتير