-
استلمت البيرسونا
الحمد لله بفضله و كرمه بعت الويرا اللى كانت معايا و جبت بيرسونا 2105 اتوماتيك استلمتها امبارح بس و حبيت افرح مع احلى ناس و عندي بس كام سؤال
1- هو الكمبيوتر بتاع العربيه ده بيشتغل ازاى انا شفت زرارين فى التابلوه باضغط عليهم واحد بيجيب الاستهلااك و الحراره و التانى مش عارف بيعمل ايه
2 - ازاى اقدر اظبط الساعه
يمكن ملاحظتى على العربيه من تجربة سواقة امبارح لحد البيت من العجوزه لحلوان ان العربيه ناعمه جدا و ما بتصدق تجرى و طبعا العفشه مختلفه تماما عن عفشة الويرا انا شايف انها احسن بكتير و العربيه برضه اعلى و الحمد لله هيا اكتر حاجه ملفته للنظر هيا الفرامل انا عارف انها abs بس مختلفه جدا عن فرامل عربيات تانيه زى الصنى مثلا . هل هيا كده فعلا ؟
و فى الاخر شكرا لكل رجالة اجدع منتدى
-
1000 مبروك يا فندم و ربنا يديك خيرها و يكفيك شرها :)
-
الف مبروك و ربنا يباركلك فيها
-
-
الف مبروك
الفرامل قصدك طول المشوار بتاع الدواسة ولا انها مش بتفرمل غير بالكبس؟؟؟؟؟ظ
-
اقصد ان المشوار طويل
و حاجه تانيه كمان معلش المفتاح العجيب و الانذار شويه ادوس يقفل عادي و شويه يقفل و يفضل الانذار يصفر ااقوم افصله و اقفل الباب بالمفتاح عادي من ما اشغل الانذار
اخر حاجه بالمره بقي هو ينفع افتح الشنطه بالريموت من ما افتح ﺍﻟﻌﺮﺑﻴﻪ
-
المشوار الطويل ده طبيعة فرامل البروتون
الانذار تسال في التوكيل في اول صيانة
و الف مبروك
-
مبروك ياباشا
أنا جارك من حلوان وجبت قبلك چين٢ من عز العرب في العجوزة برضو. ربنا يباركلك فيها ويحافظ عليك وعليها
لو محتاج أي إستفسار إحنا في الخدمة. وألف مبروك ياباشا
-
اه الحقيقه الاستفسار عن الكمبيوتر و ايه الوظائف اللي بيظهرها علي ﺍﻟﺸﺎﺷﻪ
-
استهلاك البنزين
وكميةالبنزين اللي في التنك تكفي اد ايه
Content Relevant URLs by
vBSEO 3.6.0 PL2