الموضوع: اسعار المستعمل فى بلدنا ... لو البايع مجنون يبقى المشتري مغفل

السلام عليكم و رحمة الله و بركاته

يعنى أنا أما آجى أبيع عربيتنا البيجو ال505 مو 1980 أطلب كام؟؟؟

أنا كنت ناوى أطلب 45000, بس كلامك ده هيخلينى أنزل لأرض الواقع و أطلب 42000 بس و ربنا يعوض عليا.

على فكرة فابريكة دواخل بالكامل.

ثقافة شعب ..بتحكمه ظروف الفقر والجهل ...ظروف الفقر بتخليك تدور على حاجه قطع غيارها عند البقال ...حتى لو دفعت في تمنها كتير في الأول ..بس أهو ..بتستريح في الآخر ..وظروف الجهل ..اللي بتخليك ما تفهمش إن حتة حديده ماشيه في الشارع بقالها 25 سنة ..أكيد ..مواصفتها إتغيرت وبقت أقرب لكونها خشب من كونها حديد

ده اولا و اخيرا مشتري مغفل هو السبب
لان المجنون لقي اللي موافقه
يعني بالعقل ادفع 120-130 الف في عربية كورولا 1300cc او 1600cc اللي هو ليه يعني لا ثابتة و لا اوبشن و لا فرامل ولا اي حاجة..... لو المشتري شغل دماغه في حاجة اسمها عربيةمبتعطلش؟؟قطع الغيار بتاعت البقال 3/4 مضروب غير اللي مش بيبص علي الموتور و الكهرباء و يبص علي فابريكة....

يا باشا ولا تزعل نفسك السوق مليان شمال ولمين
فلوسك فى جيبك والعربيات قدامك وكل عربية وليها ثمن والثمن دة قسمة عدل يعنى لا تيقى ظالمنى ولا انا ظالمك
انا نزلت السوق اربع جمعات ورا بعض من حوالى 6 شهور وكان معاية 65 الف وكنت عاوز فرنا موديل 2013 فضلت انزل واسمع الاسعار لحد ما ربنا كرمنى بواحد وخدتها منة ب 62 بلعفية وفيها كل حاجة .
كل حاجة وليها ثمن

يا جماعة فعلا الموضوع ده بقى مستفز جدا لاى حد عايز يشترى عربية مستعملة يعنى انا مثلا على سبيل المثال حصلى ظروف مادية واضطريت ان ابيع عربيتى وكنت شاريها كسر زيرو لما جيت اعرضها وكنت طالب سعر معقول جدا واللى يتصل عايز ينزل 5000 من تمنها والمهم واحد جالى اتفرج على العربية واشتراها فى سعتها ودلوقتى الحمد لله الظروف اتحسنت وعايز اشترى عربية تانى شوفت العجب واقسم بالله جالى اكتئاب من العربيات ادخل اشوف الاقى عربية زى اللى كانت معايا شكلا وموديل فقط وليس مضمونا والاقى صاحبها مثلا طالب اكتر من الثمن اللى انا بعت بيه ب8الف جنيه وانا بايع العربية من 4شهور طيب بأمارة ايه وتخيل بقى الاحساس انك يكون معاك عربية وتضطر تبيعها وتيجى تجيب زيها تانى بس اغلى ومش زى اللى كانت معاك خالص احساسك هيكون ايه سعتها الله المستعان يا جماعة