اسعار المستعمل فى بلدنا ... لو البايع مجنون يبقى المشتري مغفل

**gade2** · 13-06-2015 07:23 PM

بص انت جيت على الجرح
انا بقالى 6 شهور ...اه 6 شهور ... بدور على عربيه وبشوف العجب ويقولك فابريقه وتروح تلاقيها متنيله بنيله واللى تلاقى مبالغ بشده فى سعرها وتكلمه يقولك دى سوق وعرض وطلب واجى ادور على عربيه محترمه -رينو- مثلا يقولك قطع غيار وميكانيكيه قليلون ترجع تفكر فى العربيات الشعبيه تلاقيها ولعت والناس ماسكه فيها
انا زهقت وحاسس انى مش مكتوبالى العربيه

**Almaestromomen** · 13-06-2015 07:56 PM

المشاركة الأصلية كتبت بواسطة abo_mazen

يبقى برضه هي ظروف شعب ..من جهل وفقر ..أو فقر وجهل ..أيهما أولا مش هتفرق

الظبط بابو مازن لان اللي بيشتري عربيه زي حالاتي كده بيكون تقريبا تحويشة عمره يقولك حرام احطها مثلا في صيني او في عربيه لسه نازله جديد وماسمعتش جامد في السوق وناس بتكون خايفه من كلام الناس ؟؟ انا الحمد لله جبت الصيني وعجباني وزي الفل والحمد لله رضا مارضتش اجيب حاجه مستعمله لانه غالي جدا وغير كده مهريه ليها 7 او 8 سنين وياعالم يقولك بقي اصلها فابريكه وشركه وراشه وماعرفش ايه ... ريحت بالي ولله الحمد

**Abo_Mazen** · 13-06-2015 10:01 PM

المشاركة الأصلية كتبت بواسطة almaestromomen

الظبط بابو مازن لان اللي بيشتري عربيه زي حالاتي كده بيكون تقريبا تحويشة عمره يقولك حرام احطها مثلا في صيني او في عربيه لسه نازله جديد وماسمعتش جامد في السوق وناس بتكون خايفه من كلام الناس ؟؟ انا الحمد لله جبت الصيني وعجباني وزي الفل والحمد لله رضا مارضتش اجيب حاجه مستعمله لانه غالي جدا وغير كده مهريه ليها 7 او 8 سنين وياعالم يقولك بقي اصلها فابريكه وشركه وراشه وماعرفش ايه ... ريحت بالي ولله الحمد

السؤال بقى ...كام واحد فاهم زي حضرتك كده وكسر القاعده ؟؟؟

**محمد دسوقى72** · 13-06-2015 10:57 PM

فى اوربا والدول المتقدما عفوا الدول العربية المتقدمة السيارات تستخدم لمدة معينة وبعدها تسلم للمفرمة ا ا للى فى مصر المحروسة العربيا ت بنشغلها 30 40 سنة وعمرى ماشوفت عربية بتتفرم اللى بشوفة بشر بيتفرم من الجهل والفقر والمرض وفساد وظلم وقهر مصر المفرمة المحروسة سابقا

**miam0502788391** · 14-06-2015 03:48 PM

المشاركة الأصلية كتبت بواسطة abo_mazen

السؤال بقى ...كام واحد فاهم زي حضرتك كده وكسر القاعده ؟؟؟

الإجابة ....... مش اكتر من 20% من المشترين
انا بكلم نسيبى عن البى واى دى l3 لقيته اصلا مسمعمش عن الماركة وعاوز يغير عربيته بواحدة عائلية ومعاه استرا 2002
لسه 5-10 سنين على ما الناس تعرف ان الصين خطت خطوات للأمام فى تصنيع السيارات وسبقت دول كتير زى الهند ومالزيا اللى بدأت موضوع التجميع قبلها

**م أحمد** · 14-06-2015 04:14 PM

بلطجة اسمها

جمارك السيارات

بس خلاص

**Abo_Mazen** · 14-06-2015 04:37 PM

المشاركة الأصلية كتبت بواسطة miam0502788391

الإجابة ....... مش اكتر من 20% من المشترين
انا بكلم نسيبى عن البى واى دى l3 لقيته اصلا مسمعمش عن الماركة وعاوز يغير عربيته بواحدة عائلية ومعاه استرا 2002
لسه 5-10 سنين على ما الناس تعرف ان الصين خطت خطوات للأمام فى تصنيع السيارات وسبقت دول كتير زى الهند ومالزيا اللى بدأت موضوع التجميع قبلها

متفائل ..ده ولا سبعين سنة على الناس ما تفهم حاجات كتير

**Almaestromomen** · 15-06-2015 03:54 PM

هههه حلوة 70 سنه دي .. يعني مثلا اتعرض عليا من ضمن الي اتعرض مستعمل رينو لوجان 2013 تقريبا الشكل القديم .. الراجل كان عايز 85 وبعدين قالك انا اخري 82 .. ماعرفش اذا كان هو يعرف ان الزيرو بتاعها ب 92000 - 2015 .. ده غير ان اللوجان كنزه كده وصغيره واسعار قطع غيارها مولعه .. وفي حاجات بتقع والله بس بتبقي لقطات كده حسب الظروف

**miam0502788391** · 15-06-2015 05:27 PM

المشاركة الأصلية كتبت بواسطة almaestromomen

هههه حلوة 70 سنه دي .. يعني مثلا اتعرض عليا من ضمن الي اتعرض مستعمل رينو لوجان 2013 تقريبا الشكل القديم .. الراجل كان عايز 85 وبعدين قالك انا اخري 82 .. ماعرفش اذا كان هو يعرف ان الزيرو بتاعها ب 92000 - 2015 .. ده غير ان اللوجان كنزه كده وصغيره واسعار قطع غيارها مولعه .. وفي حاجات بتقع والله بس بتبقي لقطات كده حسب الظروف

وطبعا بيقولك دى فابريكة دى مفيش فيه خدش دى بحالة الزيرو دى مش عارف مالها
ده تقوله كلمه واحدة
حموك فى كنكنه

**Almaestromomen** · 16-06-2015 04:15 PM

المشاركة الأصلية كتبت بواسطة miam0502788391

وطبعا بيقولك دى فابريكة دى مفيش فيه خدش دى بحالة الزيرو دى مش عارف مالها
ده تقوله كلمه واحدة
حموك فى كنكنه

مانت فاهم كله بيزيط في الزيطه الصالح علي الطالح الفبريكه واللي راشه واللي شركه جوة بره واللي مش عارف ايه والله حاجات تعقد وده عمل مشكلة لان في فعلا ناس محترمه وفي ناس بتبقي مضطره ( ربنا مايكتبها علي حد ويهونها علي عباده ) تبيع وياحول الله ناس بتستغل كده وتوقع السعر في الارض.. هههههه لا انا بعتله رساله مع صديق انه اخرها معايا 75 .. وطبعا مارضيش يتنازل قلتله شكرااا