دي صورة من كتالوج السيارة مرفقة ومحتاج اعرف ايه افضل زيت تخليقي ولزوجته تبقى كام بالظبط لجو لمصر.. واجيبو منين لو سمحتم.. وشكراا
عرض للطباعة
دي صورة من كتالوج السيارة مرفقة ومحتاج اعرف ايه افضل زيت تخليقي ولزوجته تبقى كام بالظبط لجو لمصر.. واجيبو منين لو سمحتم.. وشكراا
5w30 ممكن زيت موبيل ...........
صورة الكتالوج مش واضحة للأسف..
لو تقدر ترفعها على مركز رفع الصور بتاع نايل موتورز يكون أفضل بكتير
في الموقع ده: مركز تحميل نايل موتورز
هتدخل بنفس الأكونت بتاعك بتاع المنتدى وبنفس الباسوورد.
وأحنا في انتظار الصورة.
...
الف شكر ياباشا.. اللينك اهو
http://nileup.com/up/uploads/nilemotors_14361530161.jpg
Viscosity 15 w 40
Quality use from SG downwards
حسب الصورة دي..
أنواع اللزوجة اللي تنفع معاك هي كالتالي:
5W-30
10W-30
10W-40
15W-40
20W-40
مستوى الأداء أو مستوى الجودة
أعلى من SG... يعني زي ما هو كاتب كده : SG , SH, SJ, SL, SM وكمان SN حاليا.
الكتالوج كمان كاتب إن لزوجة 5W-30 مفضلة علشان التوفير في البنزين..
عموما.. صعب إنك تلاقي في مصر زيوت تخليقية بلزوجة 10W-40 أو 10W-30... وبالتالي فالزيت التخليقي المناسب لموتور عربيتك حتكون لزوجته 5W-30.
أعتقد الزيوت المناسبة لحضرتك هي كالتالي:
Mobil 1 ESP Formula 5W-30
Mobil 1™ ESP Formula 5W-30 | Mobil 1™
Shell Helix Ultra SN 5W-30
Shell Helix Ultra SN 5W-30 - Shell Global
ولو عرفت موزع لبترومين في مصر.. هات من عنده زيت (بترومين سوبر سنثتك A-1) بلزوجة 5W-30.
مش بس دول... أي زيت تكون لزوجته 5W-30 وكود الـAPI بتاعه SN هيكون ممتاز معاك إن شاء الله.
عموما.. اتأكد قبل ما تشتري إن العبوة مكتوب عليها (API SN).. ممكن ما تكونش مكتوبة على وش العلبة.. إنما أكيد مكتوبة من ظهرها مع البيانات بتاعت الزيت بالخط الصغير.
...
زيت 5w30 مذكور للطقس البارد في الكتالوج .لبلاد حرارة الجو -30 Cواقل زي كندا وفي التخليقي هيكون غالي جدا.لكن العربيه في مصر فالانسب 15w40 والجوده من G لحد N وزيت شائع فسعره هيكون معقول .وبالتوفيق
لا اضافة علي كلام الباشمهندس برعي ... احب انوه ان توكيل هوندا في الكويت بيحط لاخويا في الاكورد castrol edge 5-30 صيف شتا.
متهيألي أسلوب الكتابة في الكتالوج ممكن أحيانا تعمل لخبطة..
أنا فهمت المقصود كالتالي:
5w-30 أنسب زيت (لتوفير الوقود) + (بدء التشغيل الجيد في الطقس البارد)
ممكن الكلام يتفهم إنه أنسب زيت (لتوفير الوقود وبدء التشغيل الجيد) في الطقس البارد.
اللي يدعم كلامي هو مدى التشغيل المبين في صورة الكتالوج.
...
معاك ان فيه لبس بيحصل من اخطاء املائيه زي الفاصله ونحوه . عشان كدا الرجوع لل chart افضل لانه لا يترجم .الكتالوج الموضح بالصوره فيه اخطاء .استعمل (١) مرتين واشار ب (١) لنوع زيت 5w30 بالكتابه لكنه في الخريطه ظلل 0w-20 وكتب رقم 1 بجواره واشار بسهم اي هي المقصوده للجو البارد المذكور وليس 5w-30 المكتوبه.
وبعدين كتب للمكسيك :
وسابها فاضيه. ياريت نعرف كتالوج انهي عربيه دا ؟؟
طيب هو الكتالوج ذكر 5w30 و 10w40 لكن لو تم استخدام درجة 5w40 هيبقى غير مناسب ؟ خاصة انه متوفر اكتر في مصر
لصاحب الموضوع .. ده شكله كتالوج سوزوكي ؟ :)
ماهو ده اللي قالقني فعلا .. بس طالما ال5 مذكورة وال 40 مذكوره يبقى ايه المشكله .. انا ماقولتش 20w50 مثلا
خاصة اني عامل فوق ال١٠٠ الف كم فمش هينفعني ال5w30 وال15w40 مش fully synthetic
ومعظم الفتره اللي فاتت كان التوكيل بيغير ب 5w50 وكنت بغير بره ب 5w40 او 0w40 كمان وشغال كويس الحمد لله
أختلف مع حضرتك تماما...
لازم تلتزم باللزوجات المذكورة في الكتالوج حرفيا. .. لإن التغيير فيها ممكن يسبب لك مشاكل..
بص على الصورة دي..
http://nileup.com/up/uploads/nilemotors_14089717202.jpg
الجدول فيه 4 درجات لزوجة أساسية.. وفيها تنوع بحيث إن ممكن لو مشينا بمنطق حضرتك يبقى أقدر أحط أي زيت بأي لزوجة..
في حين إن مكتوب في نفس الصفحة إن استخدام أي لزوجة غير المذكورة في الجدول هيسبب "تلف المحرك"...
ما قالش "ممكن يسبب تلف" .. إنما قال "يؤدي لتلف المحرك".
كلام واضح ومش محتاج نقاش.
الحاجة التانية اللي بصراحة لسه مش مقتنع بيها لحد دلوقتي هي حدوتة ال100 ألف كيلو.
أنهي عقل يقول إنه لو الموتور يتحطله زيت خفيف وهو جديد علشان يتاكل بسرعة .. وبعد كده أحط زيت تقيل علشان حصل فيه تآكل !!!!!
المنطق يقول إني أحط زيت تقيل من الأول علشان أحافظ عليه لأطول فترة ممكنة... مش كده ولا إيه؟؟؟
خليك في اللزوجة المكتوبة في الكتالوج .. ولو عايز تغير... غير من المكتوب في الكتالوج برده
واضح ان الخليج خارج الشرق الاوسط