طلب مساعدة من خبراء المستعمل احسن عربية اوتوماتيك فى حدود 45 الف او 50 الف

:hello:
اول مشاركة ليا و اسمحولى اكون عضو جديد معاكم فى أكبر منتدي عربيات فكي يا بلد :D

لو سمحتوا عايز عربية اوتوماتيك مستعمل فى رينج ال 45,000 و ممكن تزيد لحد ال 50,000 بس انا مش عارف و الانواع كتيييييييير جداً و انا توهت :D

فى ناس رشحتلى سيات ابيزا و كيا برايد و لانوس و غيرهم كتيييير

بس انا مش عارف بقي انهي احسن من ناحية الثبات و توافر قطع الغيار و اسعارها و استهلاك البنزين و الكلام ده كله .. ف يا ريت اللى يقدر يساعدنى ف الإختيار يبقي جزاه الله خيراً

انا اهم حاجة بالنسبة لى تكون اوتوماتيك و استهلاكها للبنزين موفر و قطع غيرها رخيصة مش مهم الشكل اوى ولا الوسع لأنها استخدام شبابى ان شاء الله مش عائلى

و شكراً مقدماً على حسن تعاونكم

ممكن تفكر في كورولا الملكه هي من الموديل 93 الى 97 قطع غيارها متوفره ورخيصه واستهلاك البنزين على حسب ماتكون انت عاوز 92 تبقى تمام اوي 80 شغاله كش هتقول لا يوم ب ما تفكر تبيعها تلاقي 100 مشتري ثباتها معقول جدا متوفره ب3 مواتير 1300 (و دي اللى معايا ) وفي 1500 وفي 1600 افضلهم من رايي ال 1600 لان طع غياره افضل من ال 1500
وثباتها لا يستهان بيه انا مشيت بيها 160 ولولا صوت الموتور كان عالي وانا خفت منه كانت تزيد كمان .... وان شاء الله ربنا يوفقكفي اختيار العربيه المناسبه ليك ويديك خيرها ويكفيك شرها

شكراً جزيلاً أستاذ خالد ربنا يكرمك :)

اقتباس:

---

المشاركة الأصلية كتبت بواسطة gogga

شكراً جزيلاً أستاذ خالد ربنا يكرمك :)

---

العفو يا باشا على ايه بس
ربنا يوفقك لما فيه الخير والصواب :hrm_prv:

اقتباس:

---

المشاركة الأصلية كتبت بواسطة khaled halawa

العفو يا باشا على ايه بس
ربنا يوفقك لما فيه الخير والصواب :hrm_prv:

---

اللهم آمين و لك مثله ان شاء الله ^_^

كورولا عيون
لانسر كريستاله

كنت بدور في الموضوع ده وبالصدفه لقيت واحد صاحبي شاري هوندا سيفك موديل 93 اتوماتيك بفتحه سقفه ب 50 الف ايه رايكم فيها برضه