مشكلة فى الفتيس على وضع ال p
الحمد لله بعد نصايحكم ربنا كرمنى و اشتريت هوندا سيتى استعمال من خمس ايام
حصل معايا مشكلة النهاردة بعد ما نقلت ملكية العربية و حصل ان الكلاكس فصل
دخلت البنزينة فى الغردقة اشوف كهربائى يبص علي الفيوز ما لقيتش
فتحت خطااء الفيوز و حاولت افهم حاجة، ما فهمتش
مش دي المشكلة
دورت العربية و حاولت انقل الغيار من p الي ال d مرضيش يتحرك معايا
اضطريت افتح الفاحة اللي جنب الغيار و دست عليها علشان الفتيس يتحرك
رجعته على n و دورت عادى و بعدين روحت، طبعا عملت باركينج و رجع تاني الفتيس وقف على البارك ما بيتحركش،
الهونداوية يا ترى المشكلة فين؟؟؟
الف شكر لكل من سيساهم في الرد.
