لو خدت قرض شخصي فلوس و اشتريت به عربية هل جائز شرعا

السلام عليكم و رحمة الله و بركاته

الصراحة انا عايز سؤال فقهي يختص بالفوائد و الحرمانية
انا اعرف ان القرض حرام انى اخد فلوس مثلا 10000 ارجعهم 13000 لأني كده بشتري فلوس
اما اللى اعرفه برضه من رأي فقهي مش متأكد من صحته ان قرض السيارة مش حرام لأنك مبتبقاش اصلا صاحب العربية الا لما تسدد كل تمنها
يعني هي بتبقى بتاعت البنك لغاية لما يطمن على فلوسه

دلوقتي الناس بتقول خد قرض مثلا ب 75000 و تبيع العربية المستعملة و يبقى معاك بتاع 105 او 110 الف و تجيب العربية كاش !!
هل ده حلال ؟ انا احساس داخلي كده بيقولي حوار زي ده فيه حرمانيه
لأني بتشتري 75000 جنيه بمثلا 100 الف

افيدونا اكرمكم الله و يا ريت لو معانا ناس دارسة كويس فقه و شريعة يدلونا

و سلام الله عليكم و رحمة و بركاته

عزرا يا اخي الفاضل ولكن القروض ربا صريح والبنك بيديك فلوس وياخد قلوس مش بتاخد منه سلعه لان البنك مش بيشتري العربيه باسمه ويتملكها وبعد كدا يبعهالك مجرد وسيط فلوس بيديك قرض فلوس وياخد فلوس

كلللللللللللللل قروض البنوك ربوية
وبالعقل كده ايه مصلحته يسلف فلوس قيمتها بتقل وهو ممكن يشغلها ويكسب؟

القروض كلها حرام بإستثناء قروض اللي هي زي التاكسي بتاعت اكل العيش

نفس اللي انتا عايز تعمله والدي عمله زمان بس

صاحبه عرف منه المعرض هياخد كام فوايد وسلفه الفلوس واشترينا العربيه كاش وطبعا دفعنا الاقساط لصاحبه شامله اصل المبلغ والفوايد

ربنا ما يوريك كانت عربيه نجسه وكل شويه يا ننزل تلاقيها مخبوطه يا اعطال غريبه يا حوادث يا خبطات لما بقي قلبي مقبوض وانا بركبها ولما صدقت بعتها وخلصت منها واشتريت عربيه تانيه

طبعا الموضوع اللي فات يعتبر حرام شرعا لانه تحت بنود القرض والربا وكان ممكن نفس المعامله دي تكون حلال تحت شرط واحد فقط وهوا ان صاحبه يشتري العربيه ويكتبها بأسمه ويقسطها لوالدي ويضيف الربح المناسب ليه وبعد سداد الاقساط كلها ينقل ملكيتها لينا ودي اللي يطلق عليه اسم المرابحه...

الفرق بين الحلال والحرام شعره

اقتباس:

---

المشاركة الأصلية كتبت بواسطة punisher

صاحبه يشتري العربيه ويكتبها بأسمه ويقسطها لوالدي ويضيف الربح المناسب ليه وبعد سداد الاقساط كلها ينقل ملكيتها لينا ودي اللي يطلق عليه اسم المرابحه...

الفرق بين الحلال والحرام شعره

---

مش هو ده اللى البنك بيعمله ؟
اللى اعرفه انك بتدفع مقدم ايا كان
و بتقسط باقي المبلغ مع البنك
و معلوماتي الضعيفة بتقول انك مش بتعرف تبيع العربية الا لما تخلص اللى عليها ؟!!
مش كده؟
و لو ده صح يبقى ده معناه ان العربية فعلا بتبقى ملكية البنك!!
يعني لو مدفعتش للبنك ايه اللى ممكن يحصل ؟ هيحجزوا على العربية و لا على الأقل مش هيتجدد رخصتها ولاا ايه ؟ اصلي مش عارف

ما هو من تصرفات البنك لو مدفعتش نقدر نقول العربية ملكية للبنك ام هو مقرض فلوس بالفايظ ؟
و اعتقد لو البنك مش متحكم تحكم كامل فى العربية كانت كتير من الناس نزهت نفسها و نصبت على البنك

و زي ما بتقول الحلال و الحرام بنهم شعرة و انا مش عايز اقطع الشعرة دي
ربنا يغنينا بالحلال و الصحة بكرم من عنده

شكرا و منتظر اسهاماتكم

حضرتك ممكن تروح مصرف ابو ظبي الاسلامي او التقسيط الاسلامي من كونتاكت كارز

بتشوف هتدفع مقدم كام والبنك بيشتري العربيه وبتكون ملكيتها للبنك ولما تدفع الاقساط كلها البنك بيلغي حظر البيع عن العربيه وتنتقل ملكيتها ليك

ف الاول ناس قالتلي ازاي الرخصه بأسمك وعليها حظر ملكيه ما كده تبقي انتا المالك

ف بصراحه بعد تفكير لقيت ان الموضوع صح... دلوقتي معني ان حاجه تكون ملكي معناها ان من حقي ابيعها ف اي وقت بدون اي قيود عليا... صحيح الرخصه بتكون بأسمي بس هل ده معناه ان العربيه ملكي؟ اكيد لأ... لان مليش الحق اني ابيعها... يبقي المالك هوا البنك حتي لو الرخصه بأسمي... طبعا ده رأيي الشخصي ويحتمل الصواب او الخطأ...

بالنسبه للمرابحه... تعريفها ببساطه ان معندكش المقدره تشتري سلعه معينه كاش ف حد تاني بيقوم يشتريها من التاجر ويبعهالك تاني بالمبلغ اللي هوا عايزه لانه هوا دلوقتي يعتبر المالك ومن حقه يبعهالك بالمبلغ اللي يحبه... بس لازم تفضل الملكيه بأسمه حتي يتم سداد تمنها بالكامل...

رأيي بلاش تاخد قرض من البنك ف صوره فلوس كاش... لانك كده ربا صريح.. فلوس وبترجعها فلوس زائد الفوايد

انا عن نفسي شاري من كونتاكت وتقسيط اسلامي وبدون تأمين علي العربيه وعليها حظر بيع

بص حضرتك علشان ترتاح وقلبك يطمئن
البنك مش بيمتلك السيارة وبالتالی بيبيع ما لا يملك وسيبك من الكلام اللی بيقولوه مفيش اسهل منه وعنده كمان غرامة تاخير وده ربا واضح جدا
لو عايز تسال اسال فی بنك فيصل لان باقی البنوك ربوية حتی بنك فيصل عليه كلام _بعض العلماء يقروا بعدم وجود بنك اسلامی فی مصر_وانا اصلا سالت من فترة فيه علی قرض ولكن فرع الزقازيق قالولی لايوجد قروض الا للمحتاجين وهو قرض حسن بعدة آلاف فقط
افتكر انی سمعت من فترة لكن مش متأكد عن عقد عامله بنك فيصل فرع 6 اكتوبر وكان كويس
ممكن حضرتك تسال فيه وتاخد صورة من العقد وتبعته للدكتور علی السالوس يدرسه ويقولك رايه غير كده لأ

اقتباس:

---

المشاركة الأصلية كتبت بواسطة امجد مروان 454

بص حضرتك علشان ترتاح وقلبك يطمئن
البنك مش بيمتلك السيارة وبالتالی بيبيع ما لا يملك وسيبك من الكلام اللی بيقولوه مفيش اسهل منه وعنده كمان غرامة تاخير وده ربا واضح جدا
لو عايز تسال اسال فی بنك فيصل لان باقی البنوك ربوية حتی بنك فيصل عليه كلام _بعض العلماء يقروا بعدم وجود بنك اسلامی فی مصر_وانا اصلا سالت من فترة فيه علی قرض ولكن فرع الزقازيق قالولی لايوجد قروض الا للمحتاجين وهو قرض حسن بعدة آلاف فقط
افتكر انی سمعت من فترة لكن مش متأكد عن عقد عامله بنك فيصل فرع 6 اكتوبر وكان كويس
ممكن حضرتك تسال فيه وتاخد صورة من العقد وتبعته للدكتور علی السالوس يدرسه ويقولك رايه غير كده لأ

---

انا شاري العربيه بتاعتي من اباظه بالتقسيط مع كونتاكت وفي العقد الطرف البائع هوا شركه كونتاكت مش اباظه وكمان كونتاكت بتصرف شيك بأسم باظه بالمبلغ اللي هيتقسط ف معني كده ان كونتاكت اشترت من اباظه وبعد كده باعتلي العربيه يبقي كده باعولي حاجه يمتلكوها

وعندك حق كل البنوك ف مصر ربويه حتي الاسلاميه منها

اقتباس:

---

المشاركة الأصلية كتبت بواسطة punisher

رأيي بلاش تاخد قرض من البنك ف صوره فلوس كاش... لانك كده ربا صريح.. فلوس وبترجعها فلوس زائد الفوايد

انا عن نفسي شاري من كونتاكت وتقسيط اسلامي وبدون تأمين علي العربيه وعليها حظر بيع

---

انا معاك بصورة كبيرة جدا ان فلوس كاش حتى لو بغرض في نيتي انى اشتري به عربية فده ربا
و اذا مكنش ربا .. اومال ايه بأه الربا !!

و لكن انا بقول ان حظر البيع ده وجود فى الحقيقة بينسف نظرية انك مالك للعربية حتى لو الرخصة بأسمك
لأن مثلا لو البنك ممول 30 الف عربية يبقى فيه 30 الف رخصة عليها اسم البنك ؟ طبعا لا
الرخصة بإسمك علشان اغراض التنظيم و ادارة الملفات فى المرور و الداخلية

و معلش ايه التأمين اللى على العربية دي
سمعت ان واحد بيدفع سنويا 2500 جنيه تأمين على العربية مش فاهم الحتة دي

و شكرا

شراء سيارة من المعرض مع توسط البنك

ذهبت إلي معرض سيارات واتفقت معه علي شراء سيارة بالتقسيط واتفقنا علي كل شيء ثم بعد ذلك أخذ مني كل البيانات المطلوبة حتى يتم الاستعلام عني من حيث السكن والوظيفة ، وعلمت أن المعرض سوف يقوم بتقديم هذه الأوراق إلي البنك حتى تتم عملية الاستعلام ، ثم بعد ذلك في حالة موافقة البنك يرسل ثمن السيارة إلي المعرض ، وأقوم بتوقيع الأوراق لدي مندوب البنك في المعرض ، وأقوم باستلام السيارة من المعرض ، وأسدد إلي البنك الأقساط الشهرية ، أرجو من فضيلتك توضيح هذه المسألة علي وجه السرعة وخاصة أنني جاءني موافقة البنك ولم أستلم بعد ، وللعلم فأنا أعاني من كثرة الديون وأمامي فرصة لتشغيل هذه السيارة ولكني أخاف من وجود أي شبهة في هذه المسألة .

الحمد لله

إذا كان شراء السيارة سيتم بينك وبين المعرض المالك لها ، فإن دخول البنك في هذه العملية ، إما أن يراد به التوثيق وتسهيل إيصال الأقساط إلى المعرض في كل شهر ، وهذا جائز ، وإما أن يراد به التمويل ، بأن يدفع البنك الثمن نقداً للمعرض ، ثم يأخذه منك مقسطا بزيادة عما دفعه ، وهو ما فهم من سؤالك ، وهذا هو الربا المحرم ؛ لكونه قرضا جر نفعا ، فالبنك هنا يدفع عنك المال ، ثم يأخذه بزيادة .
والصورة الجائزة لهذه المعاملة : أن يشتري البنك السيارة من المعرض شراءاً حقيقياً ، وينقلها من المعرض ، ثم يبيعها لك بالتقسيط بما تتفقان عليه من السعر .
وانظر جواب السؤال رقم (104815) .
وأما الصورة المذكورة في السؤال فهي ربا ، وقد لعن الرسول صلى الله عليه وسلم آكل الربا وموكله .
والله أعلم .

اقتباس:

---

المشاركة الأصلية كتبت بواسطة secret-man

إذا كان شراء السيارة سيتم بينك وبين المعرض المالك لها ، فإن دخول البنك في هذه العملية ، إما أن يراد به التوثيق وتسهيل إيصال الأقساط إلى المعرض في كل شهر ، وهذا جائز ، وإما أن يراد به التمويل ، بأن يدفع البنك الثمن نقداً للمعرض ، ثم يأخذه منك مقسطا بزيادة عما دفعه ، وهو ما فهم من سؤالك ، وهذا هو الربا المحرم ؛ لكونه قرضا جر نفعا ، فالبنك هنا يدفع عنك المال ، ثم يأخذه بزيادة .
والصورة الجائزة لهذه المعاملة : أن يشتري البنك السيارة من المعرض شراءاً حقيقياً ، وينقلها من المعرض ، ثم يبيعها لك بالتقسيط بما تتفقان عليه من السعر .
وانظر جواب السؤال رقم (104815) .
وأما الصورة المذكورة في السؤال فهي ربا ، وقد لعن الرسول صلى الله عليه وسلم آكل الربا وموكله .
والله أعلم .

---

اكرمك الله يا مولانا
لكن المشكلة فى الفتاوي اللى زي دي بيكون التنظير فيها اكبر من اى شئ
بمعني
الراجل شرح دورة العربية لغاية ما توصل عنده
فيروح المفتي يفترض افتراضات بعيدة عن الحالة المحدة اللى هي امامه
و معتقدتش البنك بيكون وسيط للتوثيق و تسهيل ايصال الاقساط ده فرض جدلي و خيالي
ده البنك بيدخل فى الموضوع بعد التوثيق و الاستعلام اللى بيقوم بيها المعرض مش العكس

الحالة المعتادة فى مصر على حد علمي المتواضع و بكرر على حد علمي المتواضع
بروح للمعرض و اتفق على العربية و امضي الورق بتاع البنك فى المعرض غالبا
و ادفع المقدم و اخد ايصال من المعرض اكيد
ثم ادفع شهريا الباقى للبنك

النقطة المفصلية هنا : هل انا علشان اتحكم فى العربية بالكامل بيع و شراء ، لازم اكون مخلص تمنها كله و كامل اقساطها للبنك ؟! لأنى اعتقد هو ده الوضع فعلا
لازم اسدد تمنها للبنك و بعدين ابيعها ، انقل ملكيتها ، اولع فيها

لو النقطة المفصلية دي لواتفقنا عليها:يبقى العربية مش بتاعتي و لا بتاعت المعرض
لأنها بتاعت البنك
و هل دي بأه يعتبر مرابحة من البنك ؟
ده السؤال المفصلي
و منتظرين اسهامات
شكرا للتواصل لكل من ادلى بدلوه

من وجهه نظري اللي تحتمل الصواب او الخطأ انها تعتبر مرابحه

دلوقتي لو افترضنا اني عايز اشتري غساله ب 4000 من معرض ومعييش تمنها.. والمعرض مش بيبيع بالتقسيط المباشر... ف قدامي حل من اتنين...

الاول اخد قرض من البنك او صديق بفوايد واشتريها كاش... دي ربا وحرام بدون اي نقاش

التاني ان صديقي مثلا يقولي تب انا هشتريها واقسطلك تمنها علي سنه واجمالي الاقساط ب 5000

هنا بقي عندنا حاله من اتنين

الاولي ان هوا يشتري الغساله بأسمه ويبعهالي ويكتبها بأسمي... كده هوا نقل ملكيتها ليا علما اني مدفعتش تمنها... الحاله دي حرام

التانيه ان هوا يشتريها بأسمه ويبعهالي ويتكتب ف العقد ان الملكيه تتنقل بأسمي يعد سداد اخر قسط... اعتقد دي الحاله بتاعتنا... انا شايف انها حلال والله اعلم...

رأيي خطأ يحتمل الصواب :)

القروض تعتبر ربا صريح

انا لو منك اجيب عربية على اد فلوسك يكون سعر تعادة بيعها كويس ، و حوش فلوس او ادخل جمعية و لنا ربنا يكرمك جيب العربية الى نفسك فيها

و عليكم السلام و رحمة الله و بركاته
التعامل مع البنوك اصبح امر لا مفر منه, اصحاب الودائع مثلا لم يجدوا ما يوفر المال الشهرى اللازم لأستمرار الامور المعاشية و اصحاب القروض ( ايه اللى رماك على المر....) افرض شخص محتاج بشدة لمبلغ من المال هل الأقل ضررا ان يسرق المال ام قرض من البنك, و هذا مبدأ أقل الضررين و البعض يرد عليه بأن
يستدل بعض المشايخ المعاصرين وغيرهم من المتصدّرين لبعض نواحي العمل الإسلامي بهذه الأقوال: أهون الشرين، أو أقل الضررين، أو أخف المفسدتين، أو درء المفسدة الأكبر بالمفسدة الأصغر، أو بما في هذا المعنى؛ لتبرير بعض المواقف والأعمال المحرَّمة سواء لأنفسهم أم لغيرهم من أولياء مصالحهم. وسنبين، بحول الله تعالى، في هذه المقالة حقيقة المعنى الشرعي لهذه الأقوال. وفى المقابل عطل عمر بن الخطاب حد السرقة فى عام المجاعة. كما أبطل أحد ابواب الزكاة ( المؤلفة قلوبهم ) بعد ان قويت شوكة الاسلام و دخلت اغلب الجزيرة العربية فى دين الله الحنيف.
و عن سيدنا و مولانا محمد (ص) انه قال
((يأتي على الناس زمان يأكلون الربا، فمن لم يأكله أصابه من غباره)).رواه النسائي ح (4379)، وأبو داود ح (2893) ، وابن ماجه ح (2278). صدق رسول الله و المعنى الربا هيطالك بشكل او بآخر و الحقيقة ان امور العمل و الرواتب و تعاملات البنوك اصبحت متداخلة و متشعبة ببعضها البعض ....طيب و الحل .....تحرى تجنب الربا ما استطعت و استفتى قلبك و فى الأخر مثلا لو شخص معاه ثمن العربية كاش و حب (حفظا للمال) الشراء بقرض ( القرض مع الاستطاعة) يبقى مش تمام , طيب و اللى ممعوش الأفضل ينتظر حتى يكتمل مبلغ شراء السيارة....طيب لو واحد اصبح بدون شغل ويعول أسرة و ممكن تبقى فى الشارع و راح اشترى تاكسى مثلا كى يقى اسرته الفاقه و ذل السؤال و التشرد ....حضرتك استفتى قلبك فى حالة زى دى و من الأسئلة الشهيرة فى الصحراء و لم اجد الا لحم خنزير لو به تحفظ الحياة ....جاز اكله و لو فقد الماء وو جد الخمر جاز شربه و هما حرام و لكن عملا بمبدأ الضرورات تبيح المحظورات .....المشكلة هنا أن ممكن الواحد يعتبر شراء مرسيدس بدلا من 128 ضرورة وواحد يعتبرقضاء الصيف فى مكان كذا ضرورة و اكيد ده مش مظبوط ( تكتب مضبوط ولكن خطأ شائع و لا صواب مجهول).....أستفتى قلبك و أخف الضررين و الضرورات تبيح المحظورات .....أخيرا الوضع هنا ليس الحلال و الحرام بقدر متى استخدم القرض تماما مثل الخمر و لحم الخنزير فهما حرام حرام و لكن جاز اكلهما و شربهما تحت ظروف خاصة

اقتباس:

---

المشاركة الأصلية كتبت بواسطة punisher

الاولي ان هوا يشتري الغساله بأسمه ويبعهالي ويكتبها بأسمي... كده هوا نقل ملكيتها ليا علما اني مدفعتش تمنها... الحاله دي حرام

التانيه ان هوا يشتريها بأسمه ويبعهالي ويتكتب ف العقد ان الملكيه تتنقل بأسمي يعد سداد اخر قسط... اعتقد دي الحاله بتاعتنا... انا شايف انها حلال والله اعلم...

رأيي خطأ يحتمل الصواب :)

---

انا معاك في التحليل ده
لسبب واحد انى مش هعرف استعمل العربية لو استعبطت او حتى مقدرتش ادفع الأقساط
لأن اعتقد المرور مش هيجدد الترخيص الا بعد ما يكون البنك واخد حقه تالت و متلت
مع انهم كده كده هيخدوا القسط من المرتب طالما المرتب شغال و لو مش شغال انا مش هعرف بعد فترة اتحكم فى العربية بيعا و شراء او حتى تقريبا استخداما

فقصدي ان العربية فعليا بتاعت البنك حتى لو المرور قال العربية دي بتاعتي و كتب اسمي على رخصة تسييرها

و الله اعلم

اقتباس:

---

المشاركة الأصلية كتبت بواسطة hesham fawzy h

القروض تعتبر ربا صريح

انا لو منك اجيب عربية على اد فلوسك يكون سعر تعادة بيعها كويس ، و حوش فلوس او ادخل جمعية و لنا ربنا يكرمك جيب العربية الى نفسك فيها

---

ما ده فعلا اللى انا عملته قبل كده
عملت جمعية و اشتريت ماروتي
و ربنا يسهل فى الجديده ان شاء الله

اقتباس:

---

المشاركة الأصلية كتبت بواسطة ali ashraf

((يأتي على الناس زمان يأكلون الربا، فمن لم يأكله أصابه من غباره)).رواه النسائي ح (4379)، وأبو داود ح (2893) ، وابن ماجه ح (2278). صدق رسول الله و المعنى الربا هيطالك بشكل او بآخر و الحقيقة ان امور العمل و الرواتب و تعاملات البنوك اصبحت متداخلة و متشعبة ببعضها البعض ....طيب و الحل .....تحرى تجنب الربا ما استطعت و استفتى قلبك و فى الأخر مثلا لو شخص معاه ثمن العربية كاش و حب (حفظا للمال) الشراء بقرض ( القرض مع الاستطاعة) يبقى مش تمام , طيب و اللى ممعوش الأفضل ينتظر حتى يكتمل مبلغ شراء السيارة....طيب لو واحد اصبح بدون شغل ويعول أسرة و ممكن تبقى فى الشارع و راح اشترى تاكسى مثلا كى يقى اسرته الفاقه و ذل السؤال و التشرد ....حضرتك استفتى قلبك فى حالة زى دى و من الأسئلة الشهيرة فى الصحراء و لم اجد الا لحم خنزير لو به تحفظ الحياة ....جاز اكله و لو فقد الماء وو جد الخمر جاز شربه و هما حرام و لكن عملا بمبدأ الضرورات تبيح المحظورات .....المشكلة هنا أن ممكن الواحد يعتبر شراء مرسيدس بدلا من 128 ضرورة وواحد يعتبرقضاء الصيف فى مكان كذا ضرورة و اكيد ده مش مظبوط ( تكتب مضبوط ولكن خطأ شائع و لا صواب مجهول).....أستفتى قلبك و أخف الضررين و الضرورات تبيح المحظورات .....أخيرا الوضع هنا ليس الحلال و الحرام بقدر متى استخدم القرض تماما مثل الخمر و لحم الخنزير فهما حرام حرام و لكن جاز اكلهما و شربهما تحت ظروف خاصة

---

ايوه يا استاذنا بس احنا الحمد لله راكبين عربيات
و عربيتي ماروتي
و عايز اكبرها و مفيش اى ضرورة يمكن استعمال معها اي رخصة شرعية
لا فى صحرا و كل الكلام ده
اختلف مع الموضوع ده لأن الضرورة اللى الشرع اباح المخالفة فيها هي الضرورة التى تهدد استمرار الحياة فى الأغلب الأعم .. و الحمد لله الدنيا peace

اقتباس:

---

المشاركة الأصلية كتبت بواسطة punisher

من وجهه نظري اللي تحتمل الصواب او الخطأ انها تعتبر مرابحه

دلوقتي لو افترضنا اني عايز اشتري غساله ب 4000 من معرض ومعييش تمنها.. والمعرض مش بيبيع بالتقسيط المباشر... ف قدامي حل من اتنين...

الاول اخد قرض من البنك او صديق بفوايد واشتريها كاش... دي ربا وحرام بدون اي نقاش

التاني ان صديقي مثلا يقولي تب انا هشتريها واقسطلك تمنها علي سنه واجمالي الاقساط ب 5000

هنا بقي عندنا حاله من اتنين

الاولي ان هوا يشتري الغساله بأسمه ويبعهالي ويكتبها بأسمي... كده هوا نقل ملكيتها ليا علما اني مدفعتش تمنها... الحاله دي حرام

التانيه ان هوا يشتريها بأسمه ويبعهالي ويتكتب ف العقد ان الملكيه تتنقل بأسمي يعد سداد اخر قسط... اعتقد دي الحاله بتاعتنا... انا شايف انها حلال والله اعلم...

رأيي خطأ يحتمل الصواب :)

---

الصورة دي أيضا محرّمة لأنها قرض بفائدة ومفيش فرق بين صديقك وبين البنك.

الفرق بين البيع والربا هو التعب في الربح والمخاطرة. البائع قد يغرم وقد يغنم, لكن المرابي ربحة مضمون ويزيد مع الوقت دائما. صديقك - في المثال المطروح - مش تاجر, هو شخص معاه فلوس ويستغل حاجة الناس وعوزهم. ويقرضهم بزيادة مضمونة ولايمكن تأخيرها. دا عين الربا

الصورة الشرعية هي البيع. أنه يكون عنده معرض سيارات, وبيشتري سيارات ويعرضها للبيع بالآجل. وقتها تصبح معاملة شرعية لأنها تجارة. ممكن تشتري منه أو من غيره. ممكن السيارات تفضل عنده محدش يشتريها, وممكن يبيع كاش ويكسب ولا يحتاج لك بالتحديد عشان تشتري منه.

لكن أنه يشتري السلعة لمجرد احتياجك لها. ويبيعها لك مع الزيادة في الثمن (لأجل التأخير منك في السعر) هو ربا صريح. وهي نفس علّة تحريم تقسيط السيارة من البنك.

اقتباس:

---

المشاركة الأصلية كتبت بواسطة هيثم مجدي

الصورة دي أيضا محرّمة لأنها قرض بفائدة ومفيش فرق بين صديقك وبين البنك.

الفرق بين البيع والربا هو التعب في الربح والمخاطرة. البائع قد يغرم وقد يغنم, لكن المرابي ربحة مضمون ويزيد مع الوقت دائما. صديقك - في المثال المطروح - مش تاجر, هو شخص معاه فلوس ويستغل حاجة الناس وعوزهم. ويقرضهم بزيادة مضمونة ولايمكن تأخيرها. دا عين الربا

الصورة الشرعية هي البيع. أنه يكون عنده معرض سيارات, وبيشتري سيارات ويعرضها للبيع بالآجل. وقتها تصبح معاملة شرعية لأنها تجارة. ممكن تشتري منه أو من غيره. ممكن السيارات تفضل عنده محدش يشتريها, وممكن يبيع كاش ويكسب ولا يحتاج لك بالتحديد عشان تشتري منه.

لكن أنه يشتري السلعة لمجرد احتياجك لها. ويبيعها لك مع الزيادة في الثمن (لأجل التأخير منك في السعر) هو ربا صريح. وهي نفس علّة تحريم تقسيط السيارة من البنك.

---

ايه المشكلة فی انه يشتری السلعة ويبيعها لمن طلبها منه مع زيادة فی السعر؟ ده اسمه اﻵمر بالشراء
وممكن حضرتك تراجعه
ورد عن حكيم بن خزام أنه قال:(يا رسول الله ياتينی الرجل يريد السلعة وليس عندی فابيعها عليه ثم أذهب فأشتريها فقال صلی الله عليه وسلم :لا تبع ما ليس عندك) فدل ذلك علی انه اذا باعها علی اخيه بعدما ملكها وصارت عنده فلا حرج
وصورته الصحيحة ان محمد(الذی يريد السلعة) يطلب من احمد (صاحب المال) ان يشتری له شيئا ما فيدفع احمد ثمنه ويصبح هو المالك له بل وينقلها احمد الی محل آخر الی بيته او الی السوق ويخرجها من محل البائع الی محل آخر ثم يبيعها بعد ذلك اذا شاء فقد روی البخاری عن ابن عمر رضی الله عنهما قال:كنا نضرب علی عهد رسول الله صلی الله عليه وسلم علی بيع الطعام فی محله حتی ننقله الی رحالنا وفی لفظ:حتی ننقله من اعلی السوق الی اسفله ومن اسفله الی اعلاه.
ولا يجوز ان يكون التوقيع علی الشيكات هو نفسه عقد البيع قبل الشراء لانه بيع ما لا يملك وانما يكون التوقيع من باب ضمان الجدية فی الشراء او عربون لا عقد للصفقة قبل التملك.

اغلب البنوك ربوية .. ده لو مكنش كلهم

اقتباس:

---

المشاركة الأصلية كتبت بواسطة هيثم مجدي

الصورة دي أيضا محرّمة لأنها قرض بفائدة ومفيش فرق بين صديقك وبين البنك.

الفرق بين البيع والربا هو التعب في الربح والمخاطرة. البائع قد يغرم وقد يغنم, لكن المرابي ربحة مضمون ويزيد مع الوقت دائما. صديقك - في المثال المطروح - مش تاجر, هو شخص معاه فلوس ويستغل حاجة الناس وعوزهم. ويقرضهم بزيادة مضمونة ولايمكن تأخيرها. دا عين الربا

الصورة الشرعية هي البيع. أنه يكون عنده معرض سيارات, وبيشتري سيارات ويعرضها للبيع بالآجل. وقتها تصبح معاملة شرعية لأنها تجارة. ممكن تشتري منه أو من غيره. ممكن السيارات تفضل عنده محدش يشتريها, وممكن يبيع كاش ويكسب ولا يحتاج لك بالتحديد عشان تشتري منه.

لكن أنه يشتري السلعة لمجرد احتياجك لها. ويبيعها لك مع الزيادة في الثمن (لأجل التأخير منك في السعر) هو ربا صريح. وهي نفس علّة تحريم تقسيط السيارة من البنك.

---

عزرا ولكن كلامك غلط وانا سالت دار الافتاء فى الموضوع دا وقالوا حلال مفيش اى مشكله

اقتباس:

---

المشاركة الأصلية كتبت بواسطة امجد مروان 454

ولا يجوز ان يكون التوقيع علی الشيكات هو نفسه عقد البيع قبل الشراء لانه بيع ما لا يملك وانما يكون التوقيع من باب ضمان الجدية فی الشراء او عربون لا عقد للصفقة قبل التملك.

---

معلش مش فاهم الحتة دى؟

اقتباس:

---

المشاركة الأصلية كتبت بواسطة احمد المصرى

عزرا ولكن كلامك غلط وانا سالت دار الافتاء فى الموضوع دا وقالوا حلال مفيش اى مشكله

---

معلش .. قولنا بالظبط قولت ايه لدار الافتاء و ردوا انه حلال ؟
علشان بصراحة انا مش عايز الجاء لدار الافتاء لأن الفترة الاخيرة .. حدث و لا حرج

اقتباس:

---

المشاركة الأصلية كتبت بواسطة amr_bekhit

ايوه يا استاذنا بس احنا الحمد لله راكبين عربيات
و عربيتي ماروتي
و عايز اكبرها و مفيش اى ضرورة يمكن استعمال معها اي رخصة شرعية
لا فى صحرا و كل الكلام ده
اختلف مع الموضوع ده لأن الضرورة اللى الشرع اباح المخالفة فيها هي الضرورة التى تهدد استمرار الحياة فى الأغلب الأعم .. و الحمد لله الدنيا peace

---

أبدا مفيش اختلاف بالمرة , حضرتك وصلت الصورة نفسها و الفكرة نفسها انا اقول الا نلوى معنى كلمة الضرورات وقلت ان الواحد يجيب كماليات و يعتبرها اساسيات على انها ضرورة و ده طبعا خطأ.

اقتباس:

---

المشاركة الأصلية كتبت بواسطة amr_bekhit

معلش مش فاهم الحتة دى؟

---

المقصود ان فی بعض الحالات يتم الامضاء علی شيكات وابرام العقد قبل ان يتم تملك البنك للسلعة فی الحالة ده انت كده اشتريت من البنك خلاص لان العقد اتكتب ولكن البنك لسه مش هو صاحب السلعة فده هو بيع ما لا يملك وهو منهی عنه
لكن الصورة الصحيحة ان لو اتكتب شيكات قبل تملك البنك للسلعة يكون من باب ضمان جدية العميل و كعربون لكن العقد مش يتكتب الا بعد دخول السلعة ملكية البنك ملكية حقيقة وليست وهمية

اقتباس:

---

المشاركة الأصلية كتبت بواسطة امجد مروان 454

ايه المشكلة فی انه يشتری السلعة ويبيعها لمن طلبها منه مع زيادة فی السعر؟ ده اسمه اﻵمر بالشراء
وممكن حضرتك تراجعه
ورد عن حكيم بن خزام أنه قال:(يا رسول الله ياتينی الرجل يريد السلعة وليس عندی فابيعها عليه ثم أذهب فأشتريها فقال صلی الله عليه وسلم :لا تبع ما ليس عندك) فدل ذلك علی انه اذا باعها علی اخيه بعدما ملكها وصارت عنده فلا حرج
وصورته الصحيحة ان محمد(الذی يريد السلعة) يطلب من احمد (صاحب المال) ان يشتری له شيئا ما فيدفع احمد ثمنه ويصبح هو المالك له بل وينقلها احمد الی محل آخر الی بيته او الی السوق ويخرجها من محل البائع الی محل آخر ثم يبيعها بعد ذلك اذا شاء فقد روی البخاری عن ابن عمر رضی الله عنهما قال:كنا نضرب علی عهد رسول الله صلی الله عليه وسلم علی بيع الطعام فی محله حتی ننقله الی رحالنا وفی لفظ:حتی ننقله من اعلی السوق الی اسفله ومن اسفله الی اعلاه.
ولا يجوز ان يكون التوقيع علی الشيكات هو نفسه عقد البيع قبل الشراء لانه بيع ما لا يملك وانما يكون التوقيع من باب ضمان الجدية فی الشراء او عربون لا عقد للصفقة قبل التملك.

---

اللي بيحصل ان انت بتاخد صديقك وتروحوا محل بيع السيارات و تكونوا خلاص كتبتوا العقود في البيت, و تستلم السيارة من المحل بعد لما صديقك يدفع الفلوس . يعني عملية البيع والقبض "الحيازة" بتبقى وهمية . الوظيفة دي منتشرة في المناطق الشعبية ان فيه واحد قاعد على القهوة اسمه الحج فلان. تروحله وتكتب معاه العقد و تمضي الشيكات و حتى مش بيروح معاك دا بيبعت وكيل له يدفع للمعرض و انت تشيل و تروح بيتك ودي صورة محرمة.

1 - هل يحدث قبض للسلعة عند المالك الأول "صديقك" ؟ الجواب لا .
2 - هل يتحمل المالك الأول "صديقك" أي مشكلة في السلعة ؟ الجواب لا
3 - هل تستطيع ان ترجع في البيع وتترك السلعة بعد شرائها من قبل المالك الأول "صديقك" ؟ الجواب لا

لو الشروط التلاته دي لم تتحقق تبقى الصورة محرمة. الآمر بالشراء لا تحدث بالصورة الشرعية إلا في حالات نادرة جدا زي الحالة اللي انا وضحتها. ان يكون الشخص دا عنده معرض مثلا, ويحوز السلع ويستطيع التصرف فيها بدون الحاجة للشخص اللي عنده عوز.

لكن واحد صديقي يقولي اشتريلك السلعة دي وتقسط لي ثمنها بفائدة . صورة محرمة في 99.9% من الحالات

اقتباس:

---

المشاركة الأصلية كتبت بواسطة احمد المصرى

عزرا ولكن كلامك غلط وانا سالت دار الافتاء فى الموضوع دا وقالوا حلال مفيش اى مشكله

---

انا وضحت اكثر في المشاركة السابقة
الصورة غير المحرمة نادرة الحدوث وبنسبة 99.9% الصورة الحالية محرمة.

اقتباس:

---

المشاركة الأصلية كتبت بواسطة هيثم مجدي

اللي بيحصل ان انت بتاخد صديقك وتروحوا محل بيع السيارات و تكونوا خلاص كتبتوا العقود في البيت, و تستلم السيارة من المحل بعد لما صديقك يدفع الفلوس . يعني عملية البيع والقبض "الحيازة" بتبقى وهمية . الوظيفة دي منتشرة في المناطق الشعبية ان فيه واحد قاعد على القهوة اسمه الحج فلان. تروحله وتكتب معاه العقد و تمضي الشيكات و حتى مش بيروح معاك دا بيبعت وكيل له يدفع للمعرض و انت تشيل و تروح بيتك ودي صورة محرمة.

1 - هل يحدث قبض للسلعة عند المالك الأول "صديقك" ؟ الجواب لا .
2 - هل يتحمل المالك الأول "صديقك" أي مشكلة في السلعة ؟ الجواب لا
3 - هل تستطيع ان ترجع في البيع وتترك السلعة بعد شرائها من قبل المالك الأول "صديقك" ؟ الجواب لا

لو الشروط التلاته دي لم تتحقق تبقى الصورة محرمة. الآمر بالشراء لا تحدث بالصورة الشرعية إلا في حالات نادرة جدا زي الحالة اللي انا وضحتها. ان يكون الشخص دا عنده معرض مثلا, ويحوز السلع ويستطيع التصرف فيها بدون الحاجة للشخص اللي عنده عوز.

لكن واحد صديقي يقولي اشتريلك السلعة دي وتقسط لي ثمنها بفائدة . صورة محرمة في 99.9% من الحالات

---

كلامك مظبوط
الطريقة اللی انت ذكرتها ربا صريح مئة فی المئة وهی عبارة عن قرض ربوی
لكن اقصد ان الآمر بالشراء عادی ومفيهوش مشكلة لو التزم بالضوابط الشرعية وتحققت الشروط السليمة

اقتباس:

---

المشاركة الأصلية كتبت بواسطة هيثم مجدي

الصورة دي أيضا محرّمة لأنها قرض بفائدة ومفيش فرق بين صديقك وبين البنك.

الفرق بين البيع والربا هو التعب في الربح والمخاطرة. البائع قد يغرم وقد يغنم, لكن المرابي ربحة مضمون ويزيد مع الوقت دائما. صديقك - في المثال المطروح - مش تاجر, هو شخص معاه فلوس ويستغل حاجة الناس وعوزهم. ويقرضهم بزيادة مضمونة ولايمكن تأخيرها. دا عين الربا


لكن أنه يشتري السلعة لمجرد احتياجك لها. ويبيعها لك مع الزيادة في الثمن (لأجل التأخير منك في السعر) هو ربا صريح. وهي نفس علّة تحريم تقسيط السيارة من البنك.

---

جزاك الله خيرا إنت وضحتلي حاجات كتير .

الاخوة الأفاضل انا بس عايز اعرف بالترتيب ايه اللى بيحصل لما احب اخد عربية قسط
مثلا حد يحكلنا بالظبط ايه اللى حصل معاه من ساعت ما فكر يجيب عربية و راح لمعرض و مش لازم اسم المعرض
و لا اسم البنك
اكيد كله بصورة كبيرة زي بعضه
و يقولنا لغاية ما استلم العربية و ايه الورق اللى مضاه فى المعرض و فى البنك مثلا !
و لكم جزيل الشكر
علشان نقدر نصنف اللى بيحصل تحت اى معاملة .. مرابحة .. ربا .. اشتغالة

1- تحدد المعرض اللي هتشتري منه
2- تشوف لو بيعمل تقسيط مباشر وايه نظامه
3 - لو مش بيقسط تشوف هتحب تتعامل مع شركه تقسيط ولا بنك
4 - ف الغالب بيكون عندهم طلب استعلام بتاع شركات التقسيط مقابل 100 جنيه تقريبا
5- واحد من الشركه بيكلمك عشان يقابلك ف البيت او الشغل وف الغالب هتاخد الموافقه
6- تشوف ايه نظام التقسيط المناسب ليك
7- الشركه بتحدد جزء كاش محدد بنسبه مئويه لازم يدفع مقدم للمعرض اللي هتشتري منه
8- الشركه بتصرف شيك بباقي المبلغ للمعرض وبتبعت ورق العربيه للشركه وبتمضي عقد العربيه ف الشركه والبائع بيكون الشركه مش المعرض
9- حد من الشركه بينزل معاك عشان يعمل الترخيص وحفظ الملكيه
10- بتمضي علي نفسك شيكات كل سته شهور لو المبلغ 100 الف علي سنه يبقي هتمضي شيكين ب 50 الف
11- بعد سداد اقساط اول 6 شهور بتقدم طلب وبتاخد الشيك بتاعك ف خلال شهرين
12- بعد سداد جميع الاقساط بتاخد مخالصه من الشركه وتروح المرور ترخص وبيتلغي حظر البيع

اقتباس:

---

المشاركة الأصلية كتبت بواسطة punisher

1- تحدد المعرض اللي هتشتري منه
2- تشوف لو بيعمل تقسيط مباشر وايه نظامه
3 - لو مش بيقسط تشوف هتحب تتعامل مع شركه تقسيط ولا بنك
4 - ف الغالب بيكون عندهم طلب استعلام بتاع شركات التقسيط مقابل 100 جنيه تقريبا
5- واحد من الشركه بيكلمك عشان يقابلك ف البيت او الشغل وف الغالب هتاخد الموافقه
6- تشوف ايه نظام التقسيط المناسب ليك
7- الشركه بتحدد جزء كاش محدد بنسبه مئويه لازم يدفع مقدم للمعرض اللي هتشتري منه
8- الشركه بتصرف شيك بباقي المبلغ للمعرض وبتبعت ورق العربيه للشركه وبتمضي عقد العربيه ف الشركه والبائع بيكون الشركه مش المعرض
9- حد من الشركه بينزل معاك عشان يعمل الترخيص وحفظ الملكيه
10- بتمضي علي نفسك شيكات كل سته شهور لو المبلغ 100 الف علي سنه يبقي هتمضي شيكين ب 50 الف
11- بعد سداد اقساط اول 6 شهور بتقدم طلب وبتاخد الشيك بتاعك ف خلال شهرين
12- بعد سداد جميع الاقساط بتاخد مخالصه من الشركه وتروح المرور ترخص وبيتلغي حظر البيع

---

تمام تمام الله ينور عليك
دلوقتي بأه عايزين ناس ليها فى الفقة و القياس تشوف الموضوع اللى سعادتك كتبت خطواته ده
حلال ام حرام
و يبقى كده عال اوي
شكرا يا باشا

منتظرين

اقتباس:

---

المشاركة الأصلية كتبت بواسطة amr_bekhit

دي خطوات الشراء بالتقسيط
1- تحدد المعرض اللي هتشتري منه
2- تشوف لو بيعمل تقسيط مباشر وايه نظامه
3 - لو مش بيقسط تشوف هتحب تتعامل مع شركه تقسيط ولا بنك
4 - ف الغالب بيكون عندهم طلب استعلام بتاع شركات التقسيط مقابل 100 جنيه تقريبا
5- واحد من الشركه بيكلمك عشان يقابلك ف البيت او الشغل وف الغالب هتاخد الموافقه
6- تشوف ايه نظام التقسيط المناسب ليك
7- الشركه بتحدد جزء كاش محدد بنسبه مئويه لازم يدفع مقدم للمعرض اللي هتشتري منه
8- الشركه بتصرف شيك بباقي المبلغ للمعرض وبتبعت ورق العربيه للشركه وبتمضي عقد العربيه ف الشركه والبائع بيكون الشركه مش المعرض
9- حد من الشركه بينزل معاك عشان يعمل الترخيص وحفظ الملكيه
10- بتمضي علي نفسك شيكات كل سته شهور لو المبلغ 100 الف علي سنه يبقي هتمضي شيكين ب 50 الف
11- بعد سداد اقساط اول 6 شهور بتقدم طلب وبتاخد الشيك بتاعك ف خلال شهرين
12- بعد سداد جميع الاقساط بتاخد مخالصه من الشركه وتروح المرور ترخص وبيتلغي حظر البيع

دلوقتي بأه عايزين ناس ليها فى الفقة و القياس تشوف الموضوع اللى سعادتك كتبت خطواته ده
حلال ام حرام
و يبقى كده عال اوي
شكرا يا باشا

منتظرين

---