سيراتو 2015 مشكلة في السحب

**eng m.gamal** · 15-06-2015 07:19 AM

ازاى بظبط الكروس كنترول مع العام انى اللى اعرفع عن الكروس هو الزرار اللى فى المالتى بتاع الطارة اللى بيثبت السرعة بس اول ما بدوس فرامل خﻻص بيلغى تثيت السرعة

**wedox** · 17-06-2015 04:42 AM

روحت النهارده التوكيل فرع روكسي حسب الميعاد
وللأسف الشديد ولا عملوا حاجة!
سبت العربية ساعتين و بعدين قالولي احنا اسفين مش عارفين فيها ايه بالظبط
و لازم تروح الفرع الرئيسي في ابو رواش...بجد فرع روكسي ده مالوش لازمه
اخره يغير زيت و فلتر

حجزت ميعاد تاني في ابو رواش ان شاء الله يوم الخميس اللي بعد اللي جي

هتابعكوا ان شاء الله باللي حصل و ربنا يستر.

**mr_green** · 17-06-2015 10:51 AM

فعلا روكسى ده آخره غيار زيت - ده حتى سلمونى العربية من غير غسيل عك عك

**samihanwar** · 17-06-2015 06:26 PM

اول تلات حاجات تعملها فى الحاله دى :::
1- شيك على زيت المكنه
2-شيك على زيت الفتيس
3-شيك على ميه العربيه
...وتقبل مرورى

**eng m.gamal** · 17-06-2015 10:59 PM

انا روحت انبارح كيا سيرفيس اللى فى المعادى و كشفة على العربية بالكمبيوتر و قالولى العيب عيب بنزين وحش سد الرشاشات و وسخ البوابة و كمان على معدل استهﻻك البنزين
و عمله تنظيف للرشاشات و البوابة و عمله ريست للكمببوتر بتاع العربية علشان يضبط معدل الاستهﻻك
و الحمد لله العربية رجعت لسحبها الطبيعى و معدل الاستﻻك الطبيعى
و ان شاء الله تروح التوكيل و يطلع نفس المشكلة و تبقى بسيطة
و نصحنى اغير البنزينة اللى بمول منها و انى فى التفويلة االجاية احط 5لتر 95على تفويلة 92علشان تظبط البنزين البايظ اللى فى التانك
و الحمد لله رب العالمين بعد تجربة العربيية من انبارح الى انهارده الحمد لله طبيعية بعد ما كانت بطة و بدوس على الدواسة للاخر علسان العربية تتحرك

**wedox** · 18-06-2015 02:03 PM

الحمدلله انها طلعت حاجة بسيطة
ربنا يباركلك فيها و يكفيك شرها إن شاءالله
يا مسهل يا رب تطلع نفس المشكلة
المشكلة اني بسمع صوت خشونة مش عارف من الموتور ولا رمان البلي و لا الطنابير ولا ايه بالظبط غير مشكلة السحب الخنيقة