الموضوع: محتاج رايكم فى حساسية الانف

السلام عليكم

انا تعبان جدا رغم انى بستخدم البخاخ ومضاد حيوى ودواء للهستامين

مرهق دايما وعايز انام والم فى عظم الوجه وصداع وزغللة فى العين

عملت اشعة والدكتور قالى عندك حساسية انف أثرت على الانف وبقى فى انسدا فى قرنية الانف

وممكن عملية بس هو لا يفضلها لان الموضوع من وجهة نظره بسيط

لكن من وجهة نظرى انا تعبان والمشكلة الحساسية موجودة طول ما انا فى القاهرة

لانى من محاظة تانية اصلا

واخدت حقنة كورتيزون من اسبوعين ومازلت تعبان

بجد انا تعبان نفسيا وزهقت مش عارف اكون انسان طبيعى

هل فى حل غير انى اسيب القاهرة واسيب الشغل

هل فى علاج جراحى او بمناظير او دواء فعال اى حاجة

خلاصة الموضوع:
لإزالة أعراض الحساسية بشكل طبيعي بدون أدوية كيماوية: استخدام بخاخة فيزيومير و بدائلها
لإزالة أعراض الاحتقان و الانسداد و الصداع بشكل سريع: استخدام قرص كونجيستال
لإزالة أعراض الاحتقان والانسداد الشديد لمدة 12 ساعة: قرص decongess sr
لعلاج الرشح: قرص قبل النوم من كلاريتين أو زيرتك أو ايرياس أو بدائلها
البخاخات الكورتيزون يصفها الطبيب حسب الحالة

و ياريت محدش يدخل يقولى انت بتوصف أدوية و انت مش دكتور و ده غلط و مش بيحصل غير فى البلاد المتخلفة... لأن اللى كتبته فوق ده خلاصة 15 سنة مع الحساسية و تعامل مع عشرات الدكاترة. . . و انا مكلفتش نفسى وقت و مجهود كتابة كل ما سبق إلا عشان الراجل تعبان و مفيش حد هيريحه من الحساسية حتى لو اشطر دكتور في الدنيا لأن الحساسية مرض مزمن لا شفاء منه إنما غرض العلاج فقط إزالة و تخفيف الأعراض
ملاحظة مهمة: إهمال علاج حساسية الأنف هيخليها تقلب لحساسية صدرية لانسداد مجرى التنفس الأول و هو الأنف فالهواء ينزل بارد للصدر مما يؤدي إلى إلتهاب فى الشعب الهوائية و بتكرار ذلك يتحول إلى حساسية صدرية و بالتالي هدف من أهداف مريض حساسية الأنف هو تجنب تطور المرض إلى حساسية صدر
ملحوظة أخيرة: أي تفاصيل متعلقة بأى حاجة من اللى انا كاتبه فوق أنا على استعداد لتلبيتها