الموضوع: فورد فيوجين - تقرير الألف كيلو

ربنا يبارك للشارى واحب اضيف انها اختيار محترم ومنافس فى فئة ال mid size D segment فى منتهى الشراسة..والتوكيل سمعتة فى الخليج كويسة وان كان غالى والناس بتصلح برة أرخص وأسرع والتأمين مبيعترضش..
نيجى لما لم يذكرة التقرير وحبيت اضيفة بنفس الموضوع بدل من موضوع مستقل:
الفيوجن عربية محترمة وواخدة جوائز على جودة و أداء الموتور احسن موتور فى اوروبا عام 2014.. والموتور لما يكون استاندرد فى كل الفئات 1500 سى سى 157 حصان تيربو بيدى راحة نفسية للمالك انة مش أقل من المواتير الى برة بعكس الباسات مثﻻ الى في منها اربع مواتير مختلفة السعات اللترية ودة ممكن يضايق بعض الناس لما تعرف انها راكبة العربية بأصغر موتور..
الكليرانس او الخلوص الأرضى جيد حوالى 15 سم ودة احسن من البى ام فئة تالتة و موديﻻت تانية نفس الفئة..
الطول هيبة عاملة زى اﻷوتوبيس فاضلها 13 سم وتوصل خمسة متر..واو فعﻻ..
حوضها كبير لراحة ورحابة الصالون ..
وزنهاىكبير طن ونص..
شنطة العربية عميقة و مساحتها حلوة بس يعيبها ان فتحة الترنك واطية شوية ودة بيأثر على اريحية وضع ورص الشنط وشيلها من صندوق الأمتعة ..داﻻغير ان موجود فى كل الفئات الباك السيت فولدنج او طى الكنبة الخلفية ودة بيزود مساحة التخزين مرة وربع..
شاشة النافاجيشن متشالة وحاطين مكانها منتصف التابلوة كاسيت شياكة واناقة مليان زراير بس ممكن تكون كرفاتة الى شبة زهرة اللوتس مستفزة لبعض الناس..
فى منها خمس فئات تريند وتريند بﻻس وتيتانيوم وتيتانيوم بﻻس وتيتانيوم ليفت باك..
الفروقا بين الفئات:التريند مفهاش الكى ليس انترى وﻻ keyless start / stop وﻻفيها شاشة العرض وﻻ مدخل الكهربا وال AUX ومفهاش ﻻ الجيل الأول وﻻ الجيل الثانى من نظام فورد للأوامر الصوتية الخاص بالتحكم فى الهاتف والراديو ..
مفهاش مثبت سرعة وﻻ محدد سرعة ودى بالذات دمرت التريند وخلت المعارض متجيبهاش.. الجنط رياضى 17 اصغر حاجة ..
فيها ليدات خلفية عادية غير ذاتية الضبط.. وﻻ سينسور بارك..وﻻ كاميرا خلفية..وﻻ اوتو بارك اسيست..
مفهاش فتحة السقف.. وﻻ السبويلر الخلفى..
المقاعد قماش فاخر التحكم بكرسى السائق يدوى وكذلك الراكب الأمامى..
التريند بﻻس زايدة الكى ليس ستارت و مدخل الكهرباء 12 فولت مع مدخل AUX و الأوامر الصوتية جيل أول.. ومثبت ومحدد السرعة و السنسور بارك.. وفتحة السقف.. وطى مرايات..
التيتانيوم زايدة عن التريند بﻻس الكى ليس انترى ستارت ستوب حسساسات ركن وكاميرا خلفية.. تحكم كهربى فى كرسى السائق.. وشاشة 8 بوصة والجيل الثانى من نظام اﻻوامر الصوتية ..وجنط رياضى 18
التيتانيوم بﻻس زايدة مقاعد جلد رياضية فاخرة فيها ضمان سنتين بدون حد اقصى للكيلومترات.. والمخدع الأمامى والخلفى شيك مع حامل المشروبات واهم ميزة من وجهة نظرى هى الفتيس التيب ترونيك الست سرعات والى بتبدل سرعاتة من لمس زراير على الطارة بعكس الفورد فوكس و الفولكس باسات الى عاوزين تبديل غيارات التيب ترونيك من الفتيس
.. العربية لها هيبة وتخض بس لسة متجربتش كفاية وشراها مغامرة مع ضعف براند الفورد فى مصر بس مصر عمرها ما كانت مقياس .. الفورد الفيوجن شغالة تمام ببنزين 91 يعنى ال 92 الغير نقى الى عندنا يمشى معاها وبتاكل الطريق اكل فى اصعب الظروف من سوء طقس وشدة حرارة مع التكييف القوى..
وبرغم انها احلى كتير من الباسات الى معايا اﻻ ان الباسات زايدة عنها نظام الأوتو هولد أو الفرملة الذاتية على المرتفعات والمنحدرات والتى تختفى تلقائيا بمجرد ما قدمك تلمس البنزين.. ونظام الفاتيج وارنينج او تنبيه السائق المرهق.. ومساعدين أقوى وعزل أفضل دا غير انها ذات تانك بنزين اكبر ومحرك اكثر اقتصادية ..خصوصا ان مفيش مجال لتجريب السرعات فى مصر.. بس للعلم فقط وليس للتجربة : السرعة القصوى للفيوجن 213 كم ساعة جبااارة.. وفيها ضمان 12 سنة ضد الصدء..
مع خالص تحياتى

السلام عليكم ورحمة الله

شكرا للموضوع الجميل .... انا معايا فور فيوجن 2014 SE ومع ذلك فيها كل حاجه باستثناء الحساسات والشاشه وفتحة السقف معايا من شهر 10 اللي فات عامل بيها 50000 كيلو العربيه ماشاء الله جميله وبتتحمل وجسم العربيه متين انا ف جده وطبعا ظروف الحراره عاليه بيقل السحب بسيط في الحراره العاليه بسبب التكييف بس مش قوي بيتحس الفرق ف السحب بالليل بيتحسن كتير والعربيه 2500cc مش زي اللي بينزل في مصر ونزلت بيها اجازه وكان ادائها احسن بكتير من الاداء هنا في الحر وللناس اللي بتقارن بينها وبين الالماني ... الالماني محتاج عنايه ومكلف جدا في صيانته وقطع الغيار بعكس الفيوجن بتفرمها تقوللك هات كمان ... لو حد حابب يسال عن حاجه يتفضل .

الف مبروك لكل من اشتري الفورد فيوجن . سياره محترمه

ربنا يبارلك فيها ويقدرنا ربنا ونرسى على عربية علشان انا دماغى باظت من الاحتيار والاختيار

ربنا يباركلك فيها

انا اسف سؤال تقيل شوية
ايه السعر