استشارة عاجلة ومهمة عن أوبل فكترا 1997 ، 2000 سى سى ألمانى

انا قدامى عربية اوبل فكترا المانى (مش مصرى) موديل 1997 و 2000 سى سى اوتوماتيك، حالتها الظاهرة تبدو الى الان جيدا جداً (لسه ما كشفتش عليها عند التوكيل او بنزينه) بس عندى عدة أسئلة هامة جداً:

اولاً: انا مستغرب السعر على الحالة جداً الراجل طالب فيها 49 الف وممكن ينزل الف او اثنين كمان، مع ان حالتها تبدو ممتازة وعاملة 80 الف كم فقط، هل السعر ده دلوقتى بقى عادى؟ ولا ايه؟

ثانيا: هل فيه اختلاف بين الالمانى والمصرى فى قطع الغيار ممكن يعملى مشكلة بعد كده ، يعنى انه ميكونش متوفر هنا فى مصر ونلجأ الى التحايل ، يعنى تبقى الحاجة مش مناسبة تماماً؟ لو محدش يعرف هل التوكيل ممكن يجيب على السؤال ده؟

ثالثاً: انا سمعت عن كشف بنزينة كالتكس اللى فى تقاطع عباس العقاد مع مصطفى النحاس فى مدينة نصر ان كشفها كويس، هل ده يكفى ولا افضل اكشف عليها فى التوكيل؟ وكشف التوكيل بكام دلوقتى وفين بالضبط؟ وايه التفاصيل اللى بيحتوى عليها تقرير الكشف؟ يعنى هل مثلا بيبص برضه على الصاج وايه منه مرشوش وايه فبريقة ولا الموتور بس؟

رابعاً: ممكن حد يقولى ترخيص العربية دية كام فى السنة او الثلاث سنوات بالضبط؟

خامساً: ممكن حد يقولى استهلاكها فى البنزين قد ايه؟ يعنى الصفيحة بتعمل كام كم فى داخل البلد وخارجها ؟ وده على بنزين كام؟ 90 ولا 92 و ؟

واخيرا لو اى حد عنده نصائح ايجابية اوسلبية يا ريت يقولها لى.

انا شاكك فى موضوع 80 ال كم ده و موضوع قطع الغيار عادى لان المصرى قطع غيارها المانى و الكشف فى التوكيل احسن من البنزينه و بيتكلف اعتقد حوالى 150 جنيه و لو العربيه كانت بتروح التوكيل هتلاقى ملف للعربيه هناك فيه كل حاجه اتعملت فيها هناك و الكشف كمان بيبين كل حاجه .
استنى رد الرجاله الاوبلاويه الكبار

اهلا بضرتك يا استاذ مصطفى
انا هاحاول ارد بإجاز على اسئلة حضرتك حسب معلوماتي المتواضعة
اولا: السعر قليل جدا جدا على عربية اوتوماتيك 2000 سي سي ولو هو بيعملها صيانة في التوكيل هيبان اذا كان لاعب في عداد الكيلومترات ولا لأ لأنهم بيسجلو القراءة مع كل صيانة

ثانيا: مافيش اي اختلاف بين الالماني والمصري في قطع الغيار العربيتين زي بعض بالضبط. الاختلاف في الاوبشنز. طبعا الالماني فيه اوبشنز اكتر والصالون بتاعه افضل لأن المصري بيكون موبيكا

ثالثا : ممكن حضرتك تكشف في بنزينة بس ده لا يغني عن كشف التوكيل واهو برده يكون تأكيد على كشف البنزينة وتطها على الجهاز

رابعا: انا بصراحة ما عنديش فكرة عن سعر الترخيص

خامسا: لا انصحك باستخدام بنزين 90 والفرق بين 90 و 92 مش كبير
معانا هنا اخونا احمد سومو معاه نفس العربية ديه وهو بيقول ان استهلاكها جوة البلد 200 كيلو في الصفيحة وعلى الطرق السريعة تقريبا 280 كيلو مش فاكر بالظبط

بالتوفيق ان شاء الله يا باشا. بس خلي بالك لأن السعر مش منطقي بالمرة
ولو العربية مش مرفوعة يبقى ممكن يكون الكيلومترات مش منطقية ايضا

بالاضافة الى الاسئلة السابقة:

الشاشة اللى قدام السواق فى التابلوه على اليمين، لاحظت انها فى عربيات كتير بتبقى خطوط مقطعة (عطلانة) هو الموضوع ده شائع للدرجة؟ ولو كده ايه علاجه؟ يعنى بيتصلح ولا بيتغير وايه سببه؟ ارجو الافادة.

هل ده هو ما يسمى كمبوتر الاعطال ولا ده حاجة تانية؟ وهل كمبيوتر الاعطال ده فى كل فكترا B ولا موديلات معينة؟ وهى ايه؟

ايه برضه قصة كمبيوتر الرحلات؟ وهل ده حاجة غير الاثنين اللى فوق دول؟ انا اللى فهمته انه مثلا بيحسب البنزين اللى فاضل ممكن يمشى كام كيلو متر، وحاجات تانية. ارجو الافادة.

اضافه لصحاب الموضوع

في تحت بيتنا بتركن فيكترا 99 ( غير بتاعتي طبعا) العربيه شكلها نضيف اويييي وكل حاجه فيها بحالتها وشكلها والله عشره علي عشره دا حتي لزقة الامكانيات بتاعتها اللي عالزجاج الخلفي لسه موجوده وبحالتها ومكتوب فيها السعر وقت البيع 97000 .

المهم يعني... العربيه دي طلعت مغيره نص امامي

وعامله 100 الف كيلو ... وصاحبها كان شاريها خرده ب 25 الف عامله حادثة موت وغيرلها الحاجه بتاعتها

خد بالك قبل اي حاجه.. وبص من تحت العربيه كويس علي اماكن اللحامات

ايا كان عداد الكيلومتر ملعوب فية ولا لأ وايا كان حالة السوق نايم ولا صاحى ولا شارب حتى ... السعر دة حالة فيها استحالة !!!!!!
ال 128 الزيرو وصلت 42000 بالتكييف !!!!
دى ياما صاحبها بيهرج ياما شارب ياما العربية فيها حاجات وحاجات

اقتباس:

---

المشاركة الأصلية كتبت بواسطة mostafaomran

انا قدامى عربية اوبل فكترا المانى (مش مصرى) موديل 1997 و 2000 سى سى اوتوماتيك، حالتها الظاهرة تبدو الى الان جيدا جداً (لسه ما كشفتش عليها عند التوكيل او بنزينه) بس عندى عدة أسئلة هامة جداً:

اولاً: انا مستغرب السعر على الحالة جداً الراجل طالب فيها 49 الف وممكن ينزل الف او اثنين كمان، مع ان حالتها تبدو ممتازة وعاملة 80 الف كم فقط، هل السعر ده دلوقتى بقى عادى؟ ولا ايه؟
مستحيل انها تكون سليمة

ثانيا: هل فيه اختلاف بين الالمانى والمصرى فى قطع الغيار ممكن يعملى مشكلة بعد كده ، يعنى انه ميكونش متوفر هنا فى مصر ونلجأ الى التحايل ، يعنى تبقى الحاجة مش مناسبة تماماً؟ لو محدش يعرف هل التوكيل ممكن يجيب على السؤال ده؟
قطع الغيار واحدة و الأوبشن زيادة

ثالثاً: انا سمعت عن كشف بنزينة كالتكس اللى فى تقاطع عباس العقاد مع مصطفى النحاس فى مدينة نصر ان كشفها كويس، هل ده يكفى ولا افضل اكشف عليها فى التوكيل؟ وكشف التوكيل بكام دلوقتى وفين بالضبط؟ وايه التفاصيل اللى بيحتوى عليها تقرير الكشف؟ يعنى هل مثلا بيبص برضه على الصاج وايه منه مرشوش وايه فبريقة ولا الموتور بس؟
أكشف عند أوتو ماستر و ده كشفه هايل يس لازم تشوف الهيستورى بتاعها فى التوكيل عشان أنا شاكك ان العداد ملعوب فيه

رابعاً: ممكن حد يقولى ترخيص العربية دية كام فى السنة او الثلاث سنوات بالضبط؟
أنا مرخص من زمان فللأسف مش فاكر

خامساً: ممكن حد يقولى استهلاكها فى البنزين قد ايه؟ يعنى الصفيحة بتعمل كام كم فى داخل البلد وخارجها ؟ وده على بنزين كام؟ 90 ولا 92 و ؟
أنا بحط 90 و استهلاكها فى المدينة من 100 هاى 120 كم و فى الطوالى فى حدود 280 للصفيحة

واخيرا لو اى حد عنده نصائح ايجابية اوسلبية يا ريت يقولها لى.

---

أى استفسار تانى أنا تحت أمرك

انا متشكر جدا لكل الناس اللى ردت على استفساراتى، وبجد انا من احد اسباب اعجابى بالاوبل القسم ده، لأن الناس فيه ايجابية اكتر من اى قسم تانى فى المنتدى، انا دخلت قسم النيسان وكتبت سؤال ولا حد عبرنى خالص، ولما حد رد قالى فيه مواضيع بتتكلم فى الموضوع ده المنتدى من غير ما يقولى اللينك بتاعها حتى :).

انا فيه موضوع باسمعه كتير هو موضوع (ان حد يكون مركب نص للعربية) ممكن حد يشرح بالضبط يعنى ايه وازاى ممكن يتكشف؟ وهل لازم واحد سمكرى او بوهيجى هو اللى يكشفه ولا ممكن اى حد يكتسب الخبرة دية؟ وهل اماكن اللحام فى الحالة دية اماكن معروفة الواحد المفروض يبص عليها ولا ملهاش قاعدة وممكن يكون لاحم فى اى حتة؟ وهل الكلام ده بيبان فى الكشف على الشاسيه لو الواحد رفعها فى بنزينه ولا ملوش دعوة بالشاسيه خالص؟

اقتباس:

---

المشاركة الأصلية كتبت بواسطة mostafaomran

بالاضافة الى الاسئلة السابقة:

الشاشة اللى قدام السواق فى التابلوه على اليمين، لاحظت انها فى عربيات كتير بتبقى خطوط مقطعة (عطلانة) هو الموضوع ده شائع للدرجة؟ ولو كده ايه علاجه؟ يعنى بيتصلح ولا بيتغير وايه سببه؟ ارجو الافادة.

هل ده هو ما يسمى كمبوتر الاعطال ولا ده حاجة تانية؟ وهل كمبيوتر الاعطال ده فى كل فكترا B ولا موديلات معينة؟ وهى ايه؟

ايه برضه قصة كمبيوتر الرحلات؟ وهل ده حاجة غير الاثنين اللى فوق دول؟ انا اللى فهمته انه مثلا بيحسب البنزين اللى فاضل ممكن يمشى كام كيلو متر، وحاجات تانية. ارجو الافادة.

---

الموضوع ده فعلا شائع في الشاشة ديه. والسبب الركن كتير في الشمس
وده بيتسبب ان بعض اللحامات داخل الشاشة تفك وتسبب عطل في بعض الخطوط
احسن حاجة تعملها انك لو هاتركن في الشمس يبقى تحط شماسة فوق
التابلوه وانت تضمن ان ما يحصلهاش اي حاجة بإذن الله

هو فيه نوعين من الشاشات اللي نزلت في الاوبل فكترا
TID - triple info display
وديه لا تعتبر كومبيوتر رحلات حيث انها تبين فقط الوقت والتاريخ ودرجة
الحرارة الخارجية وبيانات الكاسيت
MID - Multi info display
وديه تعتبر كومبيوتر رحلات لانها تحتوي على حسابات لمسافة الرحلة
ومعدلات استهلاك الوقود ومتصلة بحساسات تيل الفرامل ومستوي سائل
التبريد وهكذا.
ممكن ترجع الرابط ده فيه معلومات ممتازة
http://www.nilemotors.net/Nile/showthread.php?t=41408

اقتباس:

---

المشاركة الأصلية كتبت بواسطة mostafaomran

انا متشكر جدا لكل الناس اللى ردت على استفساراتى، وبجد انا من احد اسباب اعجابى بالاوبل القسم ده، لأن الناس فيه ايجابية اكتر من اى قسم تانى فى المنتدى، انا دخلت قسم النيسان وكتبت سؤال ولا حد عبرنى خالص، ولما حد رد قالى فيه مواضيع بتتكلم فى الموضوع ده المنتدى من غير ما يقولى اللينك بتاعها حتى :).

انا فيه موضوع باسمعه كتير هو موضوع (ان حد يكون مركب نص للعربية) ممكن حد يشرح بالضبط يعنى ايه وازاى ممكن يتكشف؟ وهل لازم واحد سمكرى او بوهيجى هو اللى يكشفه ولا ممكن اى حد يكتسب الخبرة دية؟ وهل اماكن اللحام فى الحالة دية اماكن معروفة الواحد المفروض يبص عليها ولا ملهاش قاعدة وممكن يكون لاحم فى اى حتة؟ وهل الكلام ده بيبان فى الكشف على الشاسيه لو الواحد رفعها فى بنزينه ولا ملوش دعوة بالشاسيه خالص؟

---

العفو ياباشمهندس. احنا هنا كلنا اخوات واحنا تحت امرك في اي سؤال
بالنسبة لموضوع النص ده اكيد بيتكشف بسهولة بس مش عارف ازاي بصراحة
اكيد احد جهابزة القسم هايدلك ان شاء الله

محدش ساب ليا اى حاجه علشان اقولها
عموما هو ده اللى الواحد متعود عليه من عصابه اوبل



ناسف على عدم التواجد فى التفره الاخير نظرا لظروف العمل