الموضوع: حاجات خاصة بالصيانة

و عليكم السلام
بالنسبة للكشف على زيت الاوتوماتيك انت تشغل العربية و تمشى بيها قيمة خمس لعشر دقايق و تسيبها بعد كده دايره و تجيب كل النقلات بايدك مره او اتنين و تستقر عند البارك و تسيبها دايره و تشوف مقياس الزيت اهم حاجة ما يكنش فوق علامة ال full و لو زيادة قوى محتاج تنزل منه شويه او تاخد منه من نفس الفتحة بتاعت المقياس.
الدقدقة دى هبدات و لا طقطقة و ياترى انت لما بتلف الدريكسيون و العربية واقفة يمين اول شمال بتحس بطقة لو كده يبقى خزنة الدريكسيون بس على جميع الاحوال دى ما تمنعكش من السفر
بالنسبة لفراملها هى كويسة لو تيلها و طنابيرها مفيهمش حاجة
الدريكسيون بيتضبط زى ما اشرت مع ضبط الزوايا

و ان شاء الله رحلة موفقة ان شاء الله

المشاركة الأصلية كتبت بواسطة profimh

و عليكم السلام
بالنسبة للكشف على زيت الاوتوماتيك انت تشغل العربية و تمشى بيها قيمة خمس لعشر دقايق و تسيبها بعد كده دايره و تجيب كل النقلات بايدك مره او اتنين و تستقر عند البارك و تسيبها دايره و تشوف مقياس الزيت اهم حاجة ما يكنش فوق علامة ال full و لو زيادة قوى محتاج تنزل منه شويه او تاخد منه من نفس الفتحة بتاعت المقياس.
الدقدقة دى هبدات و لا طقطقة و ياترى انت لما بتلف الدريكسيون و العربية واقفة يمين اول شمال بتحس بطقة لو كده يبقى خزنة الدريكسيون بس على جميع الاحوال دى ما تمنعكش من السفر
بالنسبة لفراملها هى كويسة لو تيلها و طنابيرها مفيهمش حاجة
الدريكسيون بيتضبط زى ما اشرت مع ضبط الزوايا

و ان شاء الله رحلة موفقة ان شاء الله

اولا : شكرا لرد حضرتك :)
ثانيا : حضرتك تقصد لو الزيت فوق علامة hot لازم اسحب الزيادة ؟
وازاي اسحبها من فتحة القياس ؟
بالنسبة للصوت هو بالظبط لو حضرتك ماشي بالعربية على ارض مليانة زلط تلاقي العربية بتدقدق مش طقطقة وايه موضوع خزنة الدريكسيون ده ؟
ثالثا : انا بسال على الدريكسيون علشان عندي فيه كسرة ناحية اليمين احيانا واحيانا لا وروحت ظبطت زوايا اكتر من مرة في كذا مكان ولم ينفع فممكن يكون ايه السبب ..؟
شكرا

اسف على التأخير
بالضبط كده لو فوق الهوت لازم نسحب الزيت
بالنسبة للطريقة هقلك اولا اللى خليت الصنايعى يعملوا خليته بخرطوم صغير اقصد قطره صغير يشفط من فتحة المقياس
و الزملاء هنا كانوا اكلموا على فكرة استخدموا فيها سحاحة اللى بتستخدم فى المعامل بس كانت من بلاستيك و فى ناس اكلموا على سحبها بسرنجة كبيرة و نغير السن بتاعها ب خرطوم رايل طبى بمقاس فتحتها.

بالنسبة للدقدقة غالب الظن المساعدين .عفشجى يبص و ىربط و نتأكد. خزنة الدريكسيون بقى عاوزك تبص على الموضوع التالى
http://www.nilemotors.net/Nile/445997-hd-200-a.html

و ثالثا عشان نضبط الطارة محتاجيين نروح مكان يكون دقيق فى شغله ليه عشان الطارة زى ما انت شايفها ناعمه قوى فاى عدم دقة فى تثبيتها عند ضبط الزوايا بتلاقيها مايلة ناحية الغلطة
و هو بيرجلشها اضبطهاله انت بنفسك اقصد اختار وضعيتها و انا ارشحلك اى مركز fix and fit اقصد مراكز بريدجستون بس يكون مركز كبيير عشان هما بيهتموا بالمراكز الكبيرة فى الصنايعية
و الله الموفق

بالتسية لمركز برجستون كنت روحت قيل كده اللي في بجوار نادي الصيد في الدقي وبرضه مظبطهاش
معلش عندي تاخير حوالي 3 ثواني في غيار r هل ده طبيعي ولا علشان الزيت فيه زياده وهل فلتر الفتيس يتغير ولا لا ؟؟
معلش انا مثقل عليك بس علشان استفيد من حضرتك

لا متقل و لا حاجة كلنا هنا بنفيد و نصحح لبعض للصالح
انا اقصد تضبط الطاره بايدك انت والصنايعى بيضبط الزوايا. فىه مرحلة هو بيركب جهاز على الطارة بيضبط بيه عدلتها عند النقطة دى عاوزك انت اللى تضبط عدلتها انا مضبطتش معايا الا لما عملت كده
بس عندى سؤال الميلة دى موجودة فى الطارة بس اقصد العربية مع الميلة مضبوطة فى مشيها لو كده اعمل اللى بقلك عليه و ان شاء الله خير
انت تقصد انك لما بتجيب ال r بيحصل delay 3 ثوانى يعنى بتجيب ال r و بعد 3 ثوانى تبتدى تتحرك العربية لو ده اللى تقصده فده مش طبيعى و الزيت الزياده بعيد عن العرض ده
اما بالنسبة لتغيير فلتر زيت الفتيس هو الكتالوج مجبش سيرته بس جرت العادة على تغيره عند 80 الف
منتظر ردك و معاك فى اى حاجة

1- بالنسبة للطارة فالعربية بتكون ماشية في طريق عدل ممكن تفضل ماشية عدل وساعات الاقي الطارة كسرت ناحية اليمين زي ما تكون بتغصبك انها راحية لليمين كنت سالت عليها بشمهندس هاني وقلي القطمة عاوزة تتبرمج بالكمبيوتر
2- بالنسبة للفتيس انا مثلا فيالجراج وعاوز ارجع للخلف وهيا بتكون على d
فبدوس فرامل وارجع عصا الفتيس للr وارفع رجلي من على الفرامل سعات الاقي تاخير لو عديت مثلا 1-2 تبدا ترجع هل ده طبيعي ولا المفروض اول ما تحطها على r ترجع مباشرة
بالنسة لصرف البنزين المفروض معدلها كام يعني كام لتر /100 كم