مشكلة عندى فى سحب العربية ولمبة التشيك منورة

**zendo** · 11-06-2015 03:26 AM

العربية النهارده لقيتها مبتسحبش مهما ادوس بنزين ولمبة التشيك نورت ولقيت الفرامل حجرت والعربية مبرجلة وكانت عاوزة تطفى وفجاءة لقيتها سحبت ورجعت بعدةشوية وتتكتم تانى ومتسحبش مهما ادوس بنزين وقرفانى وانا مشاى وهى اصلا فيها برجلة على السلانسية ولمبة التشيك لسه منورة

**aymanshebl** · 11-06-2015 09:29 AM

متابع

**pepo2011** · 11-06-2015 10:08 AM

الايدول

**Abo_Mazen** · 11-06-2015 03:46 PM

حطها على الإسكانر ..عشان تشوف لمبة التشيك نورت ليه

**dr wael ghanem** · 11-06-2015 10:53 PM

الاسكانر افضل حل يعرفك السبب بدقة وان كانت الاعراض ممكن تكون حساس اكسجين

**hema111** · 12-06-2015 01:35 AM

الاعراض دى حصلت معايا قبل كدة وكان السبب ان فيشة سلك حساس الاكسجين (حساس الشكمان) كانت مفصولة
والحل رحت لواحد بتاع اسكانر كشف على العربية وقالى العربية مفيش فيها حاجة ولكن فى فيش مفصولة خلى الميكانيكى يبص عليها ... بتاع الاسكانر طفى لمبة التشيك انجين وبعد كدة رحت للميكانيكى فصل كابل البطارية ووصل فيشة الحساس ودور العربية وكل حاجة رجعت زى الاول
وبالتوفيق فى الاصلاح ان شاء الله

**zendo** · 13-06-2015 02:19 AM

المشاركة الأصلية كتبت بواسطة hema111

الاعراض دى حصلت معايا قبل كدة وكان السبب ان فيشة سلك حساس الاكسجين (حساس الشكمان) كانت مفصولة
والحل رحت لواحد بتاع اسكانر كشف على العربية وقالى العربية مفيش فيها حاجة ولكن فى فيش مفصولة خلى الميكانيكى يبص عليها ... بتاع الاسكانر طفى لمبة التشيك انجين وبعد كدة رحت للميكانيكى فصل كابل البطارية ووصل فيشة الحساس ودور العربية وكل حاجة رجعت زى الاول
وبالتوفيق فى الاصلاح ان شاء الله

فعلا يا جماعة طلعت من فيشة حساس الشكمان الكلبسات اللى جوة الفيش طالعة ومسلوتة والسلوك مقطعة ووصلتهم دايركت من غير فيش العربية رجهت زى الاول تمام ولمبه التشيك طفت السؤال بقى الكلبسات مش لقيها هل ينفع ارجع الفيش لوضعها الاصلى زى الاول ويتوصلو ببعض تانى بس بالفيش

**pepo2011** · 14-06-2015 09:15 AM

المشاركة الأصلية كتبت بواسطة zendo

فعلا يا جماعة طلعت من فيشة حساس الشكمان الكلبسات اللى جوة الفيش طالعة ومسلوتة والسلوك مقطعة ووصلتهم دايركت من غير فيش العربية رجهت زى الاول تمام ولمبه التشيك طفت السؤال بقى الكلبسات مش لقيها هل ينفع ارجع الفيش لوضعها الاصلى زى الاول ويتوصلو ببعض تانى بس بالفيش

طبعا موجودة بس هاتفكها استيراد من ضفيرة عند اي كهربائي

**Mecha** · 14-06-2015 01:24 PM

المشاركة الأصلية كتبت بواسطة zendo

فعلا يا جماعة طلعت من فيشة حساس الشكمان الكلبسات اللى جوة الفيش طالعة ومسلوتة والسلوك مقطعة ووصلتهم دايركت من غير فيش العربية رجهت زى الاول تمام ولمبه التشيك طفت السؤال بقى الكلبسات مش لقيها هل ينفع ارجع الفيش لوضعها الاصلى زى الاول ويتوصلو ببعض تانى بس بالفيش

وايه اللي سلت الكلبسات وقطع السلك ,مين اخر واحد مد ايد عاوزه حشها .ولو الكلبسات ضعيفه مربطهاش ليه بقفزان بلاستيك. لما تشري حساس جديد بالفيشه اطلب نصها التاني

**zendo** · 15-06-2015 03:55 AM

المشاركة الأصلية كتبت بواسطة Mecha

وايه اللي سلت الكلبسات وقطع السلك ,مين اخر واحد مد ايد عاوزه حشها .ولو الكلبسات ضعيفه مربطهاش ليه بقفزان بلاستيك. لما تشري حساس جديد بالفيشه اطلب نصها التاني

انا اللى ايدى عاوزة حشها انا لعبت فيها لان الفيشتين مكانوش راضيين يتفكو من بعض لازقين من الاكسده والطين بتاع الزيت راحو اتقطعو وعملتها وفكت تانى لان مش لاقى نفس مقاس الكلبسات