إيه مشاكل التعليم اللى بتواجها؟ و محاولة لإيجاد حلول

**amr mokhtar** · 15-11-2008 01:27 AM

الموضوع ده هيناقش مشاكل الدراسة اليومية و الصعوبات اللى الطلبة ( اللى انا منهم ) بنشوفها على مدار سنين التعليم
و أكيد كل واحد عنده تساؤلات كتير و مش لاقى أجابة مقنعة

ياريت كل واحد يحط المشاكل الدراسية اللى هو بيقابلها أى كان المرحلة الدراسية و نشوف إيه الحلول الممكنة
و اللى عايز يكتب إسم الجامعة او المدرسة اللى هو فيها يكتبه (إختيارى)

وأعتقد إن إحنا معانا فى المنتدى هنا أساتذة جامعة يا ريت لو يقدروا يجاوبونا على الإستفسارات دى

**amr mokhtar** · 15-11-2008 01:44 AM

انا هبدأ
انا بدرس هندسة فى كلية خاصة فى الإسكندرية و فى سنة تالتة

المشكلة هى الشعور بالملل
يعنى مش عارف ليه بحس بصعوبة شديدة انى أقعد فى المحاضرة من غير ما أشعر بالملل و يبقى عندى إستعداد انى أدفع اى مبلغ بس أطلع من المحاضرة
مش هنكر ان فيه بعض المحاضرات بتبقى مفيدة فعلآ لكن بشكل عام انا بزهق من كتر السمع خصوصآ لما بيبقى عندنا 3 محاضرات ورا بعض الفرق ما بينهم 20 دقيقة

فيه حد تانى بيحس بنفس المشكلة؟؟

**maka** · 15-11-2008 03:05 PM

المشاركة الأصلية كتبت بواسطة amr mokhtar

انا هبدأ
انا بدرس هندسة فى كلية خاصة فى الإسكندرية و فى سنة تالتة

المشكلة هى الشعور بالملل
يعنى مش عارف ليه بحس بصعوبة شديدة انى أقعد فى المحاضرة من غير ما أشعر بالملل و يبقى عندى إستعداد انى أدفع اى مبلغ بس أطلع من المحاضرة
مش هنكر ان فيه بعض المحاضرات بتبقى مفيدة فعلآ لكن بشكل عام انا بزهق من كتر السمع خصوصآ لما بيبقى عندنا 3 محاضرات ورا بعض الفرق ما بينهم 20 دقيقة

فيه حد تانى بيحس بنفس المشكلة؟؟

انا مبحضرش الا السكاشن علشان الغياب وبقعد وراء انا واصحابى علشان اريح دماغى

المشكلة اللى بتوجهنى هى تعنت الدكاترة والتهديد باعمال السنة يجيبوا ميد ترمات مش من المنهج او يعلموا بالسالب

فى الاخر لنا الله

**amr mokhtar** · 15-11-2008 06:52 PM

يعنى مش انا بس اللى بزهق من الجلوس فترات طويلة
طيب تفتكر إيه السبب فى الشعور بالملل ده؟
المفترض إن إحنا قاعدين عشان نفهم حاجة جديدة علينا مش زى ايام المدارس و الدروس الخصوصية؟

انا أعتقد ان السبب من وجهة نظرى هى ان المناهج الدراسية فى الجامعات (اى كانت الدراسة) قربت تبقى زى الثانوية العامة
يعنى مفيش اى مجال للمناقشة او حتى الكلام فى التكنولوجيا الجديدة و بالتالى بقى عندنا نفس شعور المناهج

انا السنة دى بدرس مادة (إتصالات و نظم) مع العلم انى فى قسم (ميكاترونيات)
انا مش متضايق مطلقآ من دراسة الإتصالات و معرفة أساسياتها
بس المشكلة ان المادة بعد شوية قلبت لقائمة طويلة من المعادلات الحسابية
المعادلات دى بعد شوية فقدت معناها من كترها و مبقتش فاهم اى حاجة من اللى مكتوبة

فى المقابل مفيش مرة الدكتور كلمنا عن أجهزة الإتصالات و الحاجات زى WIFIو غيره يعنى على سبيل المعلومات العامة

فى رأيى كل ده أسباب الشعور بالملل من الدراسة و من الكلية؟

إيه رأيكم؟