الموضوع: سؤال لصديق: جين تو ولا سيريون؟؟؟؟

أنا شايف ان العربيتين حلوين جدا مع تفوق الجين 2 في الثبات و الإتزان ( العربية أعرض و أطول و أثبت من السيريون ) مع إثبات ن السيريون ثابتة و متزنة برضه
تقفيل السيريون أحلى و محدش اشتكى من الخامات الداخلية
بالنسبة للتوكيلات ....... برضه توكيل دايهاتسو بيأخر قطع غيار و كنت قرأت الكلام ده من ملاك الدايهاتسو نفسهم على المنتدى
السيريون كان فيه بعض الملاك اشتكوا من مشاكل في علبة الدريسكيون على ما أعتقد و عدم توافرها

بالنسبة للجين 2 عيوبها
بعض مشاكل التقفيل ...... ممكن تظهر و ممكن لاءة و بتتمثل في أزرار معلقة أو سلوك فالتة و مش راكبة كويس
و بيتم حل هذه المشاكل في التوكيل مجانا و محدش اشتكى من حاجة في العربية نفسها ( ميكانيكا أو عفشة أو كهرباء )
ممكن أسعار قطع الغيار تكون مش رخصية .......بس لا أعتقد أن قطع غيار السيريون رخيصة

الجين 2 بدأت تنتشر أكثر من السيريون و شنطتها أوسع من شنطة السيريون

بالنسبة لقوة المواتير
أعتقد أن مواتير السيريون الأثنين 1300 و 1500 مناسبين لحكم العربية و في النقطة دي مش شايف فروق كبيرة قوي بين العربيتين حتى لو موتور الجين 2 أقوى بس الفرق مش كبير قوي في رأيي

يشوف هو مرتاح لأيه نفسيا ......... و يتكل على الله و يدوس في اللي تعجبه علشان أهم حاجة الراحة النفسية حتى لو راكب أحسن عربية في الدنيا و مش مرتاح نفسيا ليها ........ هايبقى قرفان

و علشان خاطر العربيتين كويسين
اللي عاجبه أكتر ......... يروح يشتريها و يتوكل على الله تعالى

بالنسبة للتوكيلات ....... برضه توكيل دايهاتسو بيأخر قطع غيار و كنت قرأت الكلام ده من ملاك الدايهاتسو نفسهم على المنتدى
السيريون كان فيه بعض الملاك اشتكوا من مشاكل في علبة الدريسكيون على ما أعتقد و عدم توافرها

كلام بدون معرفة المشكلة مع احترامي لرأيك حضرتك اخي الكريم توت
ولكن المشكلة ليست في علبة الدركسيون ولكن المشكلة مشكلة مفصلة عاوزه قطعة عزل علشان متعملشي الصوت بتاعها ومش في كل الحالات مش اكتر ولا اقل

ممكن أسعار قطع الغيار تكون مش رخصية .......بس لا أعتقد أن قطع غيار السيريون رخيصة

انا اعتقد لن الموضوع مش محتاج اعتقاد لن الاسعار موجوده ومكن نقارن مفيش مشكلة

مثلا اللي انا فاكره مراية السيريون بــ 450 جنيه كهرباء
مراية الجين بكام .....

الجين 2 بدأت تنتشر أكثر من السيريون و شنطتها أوسع من شنطة السيريون

دي نقطة بقه غريبة شوية

ليه الناس لما بتقيس بتقيس على اللي حواليها فقط
حضرتك ايوه الجين تو موجوده في شوراع القاهرة
بس بقيت المحافظات فيين

مثلا عندنا في المنصورة ممكن تعدهم على صوابع اليد الواحده
اما مثلا السيريون عندنا اكتر من 30 عربيه

يعني المقياس مينفعشي يبقى على مكان واحد


انا رايي النهائي بما انه عاوز عربيه تعيش معاه يبقى سيريون بجدارة
وشوف عربيات دايهاتسو القديمة كلها حالتها عاملة ازاي دلوقتي

المشاركة الأصلية كتبت بواسطة OlaOsman

هي المقارنة صعبة الصراحة عشان كلا السيارتين ملاكها معجبين بيهم، يمكن السيريون تتفوق على الجين تو شوية في نقطة التوكيل و بلد المنشأ و التقفيل و ده يشمل جودة خامات الصالون. أما عن الثبات فأنا ما سمعتش شكوى من ملاك السيريون من ثباتها و لا الجين تو كمان، و اما تعيش طويلا فدي في علم الغيب بالنسبة للجين تو و اللي معاهم سيريون 2007 في المنتدى مالهمش معاها مشاكل أغلب الظن.

وجول وجول وجووووووووووووووووول

واضح تماما ان المنتدى فرق معاكى تماما، ديلوقتى انتى موجودة فى ساحة المقارنات وباعتبارك خبيرة وليس صاحبة استفسار

بجد ارفع القبعة احتراما

بالنسبة لموضوع المقارنة المشكلة فعلا ان العربيتين حلوين، الفرق الوحيد اللى انا شايفه ان الجين تو اداءها رياضى اكتر وشنطتها اكبر ،لكن السيريون اداءها اقتصادى اكتر ومحركها انعم، بس لو هنتكلم على اوتوماتيك انا هكون ميال اكتر انى اثق فى الجير بوكس بتاع السيريون

د/هشام

بحكم انى املك سريون 1500 و صديق بمثابة اخ لى يمتلك جين 2

فكنت كتبت راى من فترة فى مقارنة بين العربيتين

هتلاقى الكلام فى الموضوع ده: مقارنة بين جين 2 و سريون

انا مكنتش كتبت حاجة على التوكيل عموما سواء عز العرب او عبداللطيف جميل

مبدئيا الاتنين بيعانوا من الزحمة الرهيبة و نقص رهيب فى مراكز الصيانة, ده غير التعنت, يعنى الاتنين بيرفضوا تركيب حاجة خارج التوكيل ايا كانت, و لازم الحاجة من عندهم.

و ان كان عز العرب, عمل موضوع الفترة المسائية

قطع غيار الجين 2 اغلى من قطع غيار السريون , لكن فى المقابل قطع غيارهما منتشرة خارج التوكيل, بالاضافة لوجود حاجات استيراد لها فى الحرفيين.

العمالة فى عز العرب اسعارها مبالغ فيها اكتر من الدايهاتسو, يعنى كان صيانة عادية و تغيير زيت ب 110 جنيه فى الجين 2, و فى المقابل 70 جنيه فى السريون

بتوع قطع الغيار مستغلين غلو قطع الغيار فى التوكيل, و حاطين ارقام اقل بحاجة بسيطة (ده بالنسبة للجين 2)

اما بالنسبة للسريون, الوكيل حاطط قطع غيار بسعر مناسب نوعا ما, لكن يعيبه اسعار العمالة غالية , ده بالاضافة ان ملهاش قطع غيار فى السوق, يعنى هتتعامل مع توكيل بس (اللى موجود لها فى السوق فلتر زيت و تيل فرامل)

الاتوماتيك فى الجين 2 مكنش كويس, لكن معرفش ايه النظام مع التعديل الجديد اللى حصل فى الجين 2

العربية الجين 2 فى سهولة فى بيعها عن السريون

فى الاول و الاخر ترجع لذوق صديقك و ميوله

اى استفسار تحت امر حضرتك

المشاركة الأصلية كتبت بواسطة tutankhamoun

أنا شايف ان العربيتين حلوين جدا مع تفوق الجين 2 في الثبات و الإتزان ( العربية أعرض و أطول و أثبت من السيريون ) مع إثبات ن السيريون ثابتة و متزنة برضه
بالنسبة للتوكيلات ....... برضه توكيل دايهاتسو بيأخر قطع غيار و كنت قرأت الكلام ده من ملاك الدايهاتسو نفسهم على المنتدى
السيريون كان فيه بعض الملاك اشتكوا من مشاكل في علبة الدريسكيون على ما أعتقد و عدم توافرها

فعلا ثبات الجين 2 احسن من السريون, و الفرق محسوس

اما بالنسبة لتأخر قطع الغيار , فهو موجود فى التوكيلين, و ان كان فى الفترة الاخيرة بدرجة اقل سواء فى عز العرب, او دايهاتسو

بالنسبة لموضوع الصوت فى السريون, هو مش فى علبة الدركسيون, هو صوت بيظهر مع الارض الغير ممهدة

تعديل للعيب ده, هيبدأ فى النصف التانى من شهر ديسمبر

أبو عبد الله ...تحياتي

أنت حامي علي قوي كد ليه يا با باشا ......... ربنا يباركلك في عربيتك و أي عربية سيريون ......بس عايز حضرتك تأخد بالك إني قلت ...... أعتقد لأني مش متأكد من الكلام المكتوب قوي عن السيريون و قلت أن مصادر معلوماتي من على المنتدى

دكتور معاذ ..... تحياتي
و شكرا على رأيك ( المفروض احب الموضوع يخش بقى و يقول أيه رأيه ) و الراجل رسي على أيه

ربنا يبارك للجميع و يبارك في المنتدى .......ز بجد مكان أكثر من رائع و أعضاء قمة في الأحترام
شكرا و السلام عليكم و رحمة الله و بركاته

والله العربيتين لا غبار ليهم بس انا افضل الجين 2 لان ثباتها و شكلها احسن