طقم الشنبر

**romanysebs** · 11-06-2015 06:42 PM

بعد التحية للجميع والتقدير لمجهوداتهم
انا سبق وكنت سألت على موضوع كرسى البوجية ونقص الزيت
وافادنى بعض الاصدقاء انها مشكلة طقم شنبر

وفعلاً روحت الى الميكانيكى وقالى ماشى هنغير طقم شنبر ولكن سبلنا الف جنية ونشوف هتصرف كام

وانا حاسس انه بيشتغلنى
فهل طقم الشنبر يكلف كده ولا ايه
وهو انا بشتريه وهو يركبه ولا ايه الخطوات علشان اكون فاهم لما اعمله
وشكراً جداً

**adhmmaamon** · 11-06-2015 08:27 PM

يعنى ايه سيب الف جنيه وهانشوف؟؟؟
الكلام ده مش صح خالص .. انت المفروض تبقى واقف على ايده فى كل حاجه .. وبعدين هو قالك طقم شنبر كده من غير مايفتح ويشوف ( طقم شنبر ولا عمره كامله شمايز وبساتم ولا المكنه هلكانه ولازم تتغير ولاايه ؟؟)
ووش السلندر عايز طقم صباب ولا لآ ؟؟
لازم تعرف اجابه الاسئله دى الاول وبعدين تقرر .. مش تدفع الف جنيه وبعدين يقولك لا عايزين عمرره كامله وبعدين عايزين نغير الوش او نغيرله طقم صباب وبعدين عليك العوض اصل المكنه جايبه اخرها ..
روح اسال ولو عمره كامله يبقى تجيب مكنه استيراد احسن على الاقل هاتركب وتدور وتمشى مش لسه هاتلين وانت ونصيبك .. شوف هايقولك ايه وربنا يكون فى عونك

**MASERATI** · 11-06-2015 08:57 PM

السلام عليكم و رحمة الله و بركاته

هو شكله الميكانيكى ده كان مزنوق فى قرشين و عشان كده قاللك سيبلنا ألف جنيه و نبقى نشوف.

طبعا اللى هو عمله ده كفيل بأنك ماترحلهوش تانى خالص لأنه غير أمين. الصح أنه يفتح المكنة و يشوف عاوزة ايه بالظبط و يكتبلك لستة بالحاجات لحد فلتر الزيت و الزيت اللى هيتحط فى المكنة و أنت تروح تجيبله الحاجات و هو يشتغل و فى الاخر تديله مصنعيته و تروح تحاسب المخرطة لو اتعمل عندها شغل و خلاص. مش نهيبة هيا !!!!!!!!!!!!!!

عالم معندهاش ضمير و لا دم !!!!!!!!!!

لو كنت من المنصورة كنت دليتك على واحد تروح تعمل عنده اللى أنت عايزه و خلاص !!!!