عرض للطباعة
انا واحد مالهوش أي حظ ف أي حاجة
اللي معايا ف شغلي القديم او الجديد بيعملوا شغل بأقل مجهود وانا مش عارف اعمل نصهم حتى
المفروض اني اعمل اي
اروح اشتغل موظف ف شركة وخلاص واعيش شخص عادي زي الغالبيه
ولا استمر ف الشغل اللي بيعتمد على نسبة حظ بس عائدها كبير بالرغم من اني معنديش نسبة ١% منه
انا بجد تعبت من التفكير
هو مش في حاجة اسمها حظ
طب دي تيع القدر ولا ليها تبعية تانية
ولو عايز يبقى عندي حظ اعمل اي !!!!!!
اجتهد واعمل اللى عليك .. بعد كده دى بتاعة ربنا .. واتأكد ان ربنا خلقك ويعلم الصالح لك .
مفيش حاجه اسمها حظ ... في حاجه اسمها قدر
يعني هو الصالح ليا ان الكل يتضايق مني بسبب فشلي
ولا الصالح ليا اني بعد ما خلاص قررت استقل وعاندت الظروف اني ارجع خائب الأمل
ولا الصالح ليا اني اقعد افكر تفكير يتعبني نفسيا ويشككني ف ديني
ولا الصالح ليا اي بالظبط
انا زهقت ومش شايف أي شئ عدل ولا اي دلالة على اي امل او شئ فيه خير ليا
ممكن توضح اكتر عن طبيعة عملك جايز يكون في اعضاء ليهم خبره سابقه يفيدوك بيها
انا وسيط عقاري
بس الحظ مش محالفني فيها زي حاجات كتيرة سابقة عملتها
الشغل في العقارات نايم اليومين دول
تقبل الامر ده او اشتغل حاجه تانيه
الرزق فوق عند ربنا مكتوبلك الشهر ده هتعمل كذا و هتعمله لو انت اكثر واحد محظوظ او منحوس الى عليك تعمل شغلك كويس جدا و بس صلى استخاره و اختار نوع الشغل الى ترتاح ليه فى النهايه
مش عارف... مش عايزك تزعل من كلامى..ولا اى حد بيشتغل سمسار يزعل.. بس هى شغلانه السمسار دى شغلانه اصلا؟؟؟
1- إاللى يضايق خليه مضايق. أهم حاجه أنت متضيقش. أخرت الفشل نجاح.اقتباس:
المشاركة الأصلية كتبت بواسطة Mahmoud Naguib
2- يبقى واجب عليك أنك مترجعش خايب الأمل.
3- قلة بذلك للمجهود هترجعك لورا.
4- أنت عندك كام سنة.
5- المفروض مكنتش أرد عليك عشان أنقطع من عندك الأمل:dontudear:.
استغفر ربنا كتير .... و هتدعيلى
إربط ضعفك بقوة الله واقرن عجزك بقدرة الله
سيجعل لك من كل ضيق مخرجا ومن كل همٍ فرجا
ومن كل بلاء عافيه
قارن حالك ووضعك دلوقتي بحالك ووضعك من ٥ سنين مثلا وهتتأكد انك بتتقدم للأمام ولو بخطوات بطيئة انت مش حاسس بيها
كن على يقين ان الله لا يضيع أجر من أحسن عملا وده سواء للمسلم وحتى للكافر فانت اجتهد وابذل ما في وسعك واترك النتائج على الله وتأكد أنها مبشرة لكن أهم شيء ترضى بما قسم الله لك وتكن من القانعين ولا تتعجل رزق الله
خد بالأسباب المادية ولكن متخليهاش كل شيء لازم يكون في جزء يتدخل فيه القدر وده شيء يرجع لحكمة الله وتقديره
متقارنش نفسك بحد لان الناس ليها الظاهر والمظاهر ممكن تكون افضل بكتير من اللي بتظن انهم افضل منك وانت لا تدري ممكن ربنا يكون ممتعك بصحة وعافية وحارمهم منها ويتمنوا لو تذهب كل اموالهم ويتمتعوا بصحة مثلك
برده متقارنش نفسك بزملاء العمل ممكن يكونوا بيكسبوا بالغش والخداع وربنا بيعجل لهم رزقهم ليستدرجهم لكن مدخرلك انت الخير
حسن علاقتك مع الله وعليك بالاستغفار لانه يفتح الابواب المغلقة (فقلت استغفروا ربكم إنه كان غفارا يرسل السماء عليكم مدرارا ويمددكم بأموال وبنين ويجعل لكم جنات ويجعل لكم أنهارا)
حضرتك كل شغلانه وليها مفتاح بالنسبه لسوق العقارات مفتاحه العلاقات العامه على نطاق واسع يعني حاول تخلي تليفونك مع اكبر عدد ممكن من الناس و السماسره و تعمل شهره لنفسك و الموضوع دا مش في يوم وليله لا دا بياخد منك سنين لاكن في خلال الفتره دي هتكون ثبت رجلك في المجال ده و اتعرفت اكتر
أنا زيك , و ساعهات كتير بأحس إن اللى بيراعى الحلال اليومين دول بتبقى مقفله فى وشه بشكل غريب و اللى ماشى فى الحرام مش ملاحق.
و راجعت نفسى كتير , إيه اللى ناقصنى علشان أكون متفوق على زمايلى (للأسف مبلاقيش غير الطريق الملتوى بس هو اللى ناقصنى)
و حال البلد زى ما كلنا شايفين من نقص لفقر لحرمان لجوع لـ ..... و لا حول و لا قوة إلا بالله.
لو وصلت للمرحلة دى, ساعتها تعرف إن ربنا بيحبك
( حتى إذا استيئس الرسل وظنوا أنهم قد كذبوا جاءهم نصرنا )
( الم أحسب الناس أن يتركوا أن يقولوا آمنا وهم لا يفتنون )
( أم حسبتم أن تدخلوا الجنة ولما يأتكم مثل الذين خلوا من قبلكم مستهم البأساء والضراء وزلزلوا حتى يقول الرسول والذين آمنوا معه متى نصر الله ألا إن نصر الله قريب )
قال صلى الله عليه و سلم "الدنيا سجن المؤمن وجنة الكافر"
متبصلش لغيرك إلا لو حاله أقل, هتلاقى نفسك فى نعمة.
و متعرفش ربك بيرزق ليه و إزاى ... و زى مبيقول المثل الشعبى: يدى البرد على أد الغطا.
الحمد لله على كل حال.
طالما الامور وصلت لكده يبا لازم وقفه وممكن اجازة .لازم وقفة صدق مع النفس وتحلل اسباب المشكله اللي ممكن تكمل وراك في كل مكان .اركن الحظ والقدر علي جنب لانهم غيب يبا ملكش طلب بيهم .اسال نفسك ليه حصل كدا ,هل كسل ,هل نقص مهارات وقدرات وهل المهارات دي تتعوض وتكتسب ولا الشغل دا تقيل عليه وانا مش قابله .اقتباس:
المشاركة الأصلية كتبت بواسطة Mahmoud Naguib
حاجه كمان البني ادم مش بالالقاب محلل مالي او وسيط عقاري ويغيرهم كل شويه يبا مش هتوصل لاي حاجه .اي مهنه من دول عاوزه سنين خبره ومهارات وتعلم .مفيش حاجه في البيزنس اسمها حظ فيه educated guess وليه حساباته و risk assessment والصداع دا كلو . وديما افتكر -كل ميسر لما خلق له. وبالتوفيق
المشكلة مش ف ان السوق نايم أو شغال
ما انا في ناس معايا ف المكتب شغالين كويس جدا
أنا بتعب برضه وبعمل أكتر منهم بس مفيش جديد برضه !!
لي بجد يعني محسش بأي تقدم ولآ رزق !!
هوكدة ربنا مش راضي عني مثلا !!
وبرضه اللي بيقولوا هي دي شغلانة !!
حضرتكفي ناس كتير شغالينها قاعدين فى فيلل دلوقت
هو حضرتك بتاخد مرتب ثابت و لا عمولات بس ؟؟؟
"الله يبسط الرزق لمن يشاء من عباده ويقدر له إن الله بكل شئ عليم"
يقدر معناها يضيق، دا أمر في إيد ربنا، اعمل اللي عليك وانت مش مسئول عن النتائج
شوف النقط الى بتتاخد عليك فى الشغل وحطها تحت الميكروسكوب واستشر أصدقاءك هل هى عيوب فعلا ولو كدة حاول تتطور نفسك . بص جواك ممكن تكون محتاج تطور مهاراتك الشخصية السلوكية والعملية
ربنا يوفقك ويصلح لك الحال
إلغي من دماغك خالص أنك مش محظوظ أو نصيبي قليل أو رزقك ضيق أو كل الكلمات السلبية دي ... لأن بالكلمات دي هتزيد الصفات نفسها ... يعني فيه فيلم كوميدي ( مش فاكرة بتاع مين ) بس فاكرة الموقف .. الموقف أن كان دكتور نفسي بيعالج شخص قصير مش واثق في نفسه فالدكتور قال له : عيد هذه الجمله أكتر من مرة ( أنا مش قصير أزعه أنا طويل وأهبل ) - بغض النظر عن الموقف الكوميدي - على فكرة دا فعلا طريقة علاج - لأني قرأت أكتر من كتاب في علم النفس كانت بتعالج بالشكل دا منهم : أيقظ قدراتك ، the Secret أو السر ومحتواهم إن التفكير الإيجابي يمكن ان يخلق نتائج تجعل الحياة أفضل مثل زيادة في الثروة والصحة والسعادة.
طبعاً دا مع دعواتك بالتوفيق فأكثر من الإستغفار والدعاء
وربنا سوف يفتح لك أبواب رزقه بإذن الله .
حضرتك اى مهنة في الدنيا ليها عامل الحظ "الموهبه"
اه ماهى الموهبه دى حظ ورزق برضه
انا فاكر زمان كان في ف الزمالك لاعب اسمه احمد غانم سلطان..الراجل ده مكنش عنده موهبه تقريبا رغم انه كان بيتدرب ليل ونهار وبيموت نفسه ف الملعب
وفى نفس الفريق كان في لاعب اسمه شيكابالا..لا بيتدرب ولا ملتزم ولا اى حاجه بس كان موهوب وحريف وتحس انه تمامه لعيب كرة قدم
المقصود ان في حاجه اسمها موهبه..التدريب مهم هيخليك ناجح "احمد غانم لعب ف احد اكبر الفرق في العالم العربى اللى هو الزمالك" لكن التدريب لوحده مش هيخليك متفوق
قيس الكلام ده على اى مهنه "الميكانيكى..المدرس..الدكتو وغيره"
انت لو كلامك صحيح يباه عندك نقص في الموهبه الفطريه في مهنتك "موهبه الاقناع"..محتاج تعالج النقص ده بالتدريب..بالقراءه في ال soft skills
وعندك فرصة كويسه انك شغال الشغلانه دى انك تطبق اللى قرأته وتحاول تشوف بيجيب نتيجة ولا لا
وهتلاقى في Tips مشهورة للسيطرة على تفكير الاخرين خصوصا في مجال التسويق
مثلا انا من الحاجات اللى بتقفلنى ف اى وسيط او حتى دكتور ولا صنايعى انه يعيب ف المنافسين"يقولى ده نصاب ..ده كان هيضيعك والحمدلله انه وصلتلى"
بتقفل جدا من اللى يقولى العرض ده النهارده بس وخد قرارك في الساعتين تلاته الجايين
محتاج تبين انك واثق من اسم شركتك ومن المنتج اللى بتبيعه وان الزبون جاى جاى مش قلقان من حاجه (الكلام ده تحسس العميل بيه مش تقولهوله مباشرة"
لازم تكون محضر الكلام كويس قبلها وتعرف ازاى تتهرب من إجابة سؤال غلس بشياكة
وعموما انا اتعالملت مع سماسرة كويسين جدا وارتحتلهم بس مشترتش منهم لان في الاخر السلعه نفسها صاحبة التأثير الأقوى..عادى ممكن ميكونش عندك حظ فعلا انك وقعت مع عملاء عاوزه تاخد معلومات مش بتشترى فعلا
وكل سنة وحضرتك طيب
بص مجال العقارات ده زي اي مجال مبيعات ممكن شخص ميكنش مناسب ليه. التسويق و المبيعات علم و ليه اصول و دراسة و طرق للبيع و لل closing او انهاء عملية البيع. حاول تاخد كورسات selling skills و communication skills. السوفت سكيلز دي مهمة و اساسية لأي شخص بيشتغل في المبيعات اي كان المجال. لو تقدر كمان تدرس اكتر و تاخد دبلومة ماركيتنج مثلا قطعا حتفيدك انما محتاجة وقت و مجهود و فلوس. بعد ما تدرس صح و تجرب تشتغل فترة ان شاء الله تلاقي فرق في شغلك. بس برضه لازم قبل اي شئ تسأل نفسك انت المجال ده حابه و عايز تكمل فيه فعلا؟ عندك مؤهلاته؟ شخصيتك و طريقتك مع الناس بتقدر تقنعهم و تكسب ثقتهم و الاهم من كدة بتعرف تقرا اللي قدامك و تحدد اهتماماته و مخاوفه؟ بتعرف تفرق بين الشخص اللي جاد في الشراء بس متردد و اذا تتعامل مع مخاوفه و بين الشخص اللي مش جاد اصلا؟ كل الحاجات دي ممكن الواحد يتعلمها و يطورها انما لازم يبقى عنده اساسيات في شخصيته تؤهله لده. فكر في ايه اللي ناقصك و خليك صريح مع نفسك في تقييمها يمكن تكون مش مؤهل للشغلانه دي و في الحالة دي دور على حاجة تانية فورا.
باسم يوسف ..... مرتب ثابت وعمولة مش عمولة بس !
Mohamed_Hamid ..... أغلب الناس اللي بيحسسوك انهم بيفيدوك هما ف الأصل بيوقعوك أكتر وبيحاولوا بقدر الإمكان مينصحوش بمعلومة صح علشان تفضل مكانك !
أنا طبعا باخد بنصيحة ناس كتير حواليا بس الناس اللي بتنجح فعلا
friendship7897 .... أنا فضلت وقت طويل جدا مقتنع بالكلام ده وشايفه صح وبعمل بيه بس ده لما كنت ف الكلية لسة !!
يعني وقت ما كنت لسة مدخلتش بجد ف الحياة العملية واللي هي بجد مش سهلة خالص !!
بعد الكلية ولما دخلت الجيش اقتنعت تماما بعكسها وفهمت انه لما انت بتحاول تحسس نفسك انك محظوظ أو غيره ده بيبقى تغيير مود بس لحظي ومش بيستمر !
التفكير ف الشئ السئ يأتي بالمشاعر السيئة والذكريات الأليمة والعكس صحيح !
الكلام ده مش غلط بس بقدر معين !
مينفعش مثلا أفضل ماشي ف طريق وبعافر فيه وهو أصلا طريق غلط !
وأفضل أحسس نفسي اني كل ما أقع لآزم أقوم وأضيع حياتي فى تجارب خاطئة أصلا !
وإذا كان كل اللي حواليك سئ وانت ف مشاكل كتير هتهرب منها وتفكر فى أشياء إيجابية مثلا !
هتتحل هي لوحدها بعد كدة !!
في مقولة برضه فى علم النفس بتقول إن الحزن بيخلي الإنسان قادر بصورة أفضل على حل المشاكل اللي بتواجهه وبتخلي تفكيره أحسن !
طب أصدق مين !!
للأسف اكتشفت إن علم النفس كله هزار وكل إنسان بيكتب تجربة على هواه ممكن يكون نجح بها لو حد تاني عمل بيها مش هينجح !
بس لو الحد التاني نفسه مشافهاش ممكن كان ينجح !
محدش مستني حد تاني يدله على الطريق لأنه هو لوحده عارف اللي بيدور فى دماغه وعارف قدراته !
4fun14 --- كلامك صح بس هي اي الحاجة التانية دي اللي ممكن أنجح فيها !!
وهل هقضي حياتي تجارب !
hh ... 3 طب منا ممكن برضه أفضل أعمل كدة وف الآخر منجحش فيها !!
يعني أدور على حاجة تانية ولآ أطور نفسي فيها !!؟؟