غطاء السياره المشمع

**matrix_rashed_8** · 28-07-2007 02:45 PM

السلام عليكم معلش يا جماعه عندى استفسار بسيط
انا كنت سمعت ان استخدام غطاء السياره الوتر بروف اللى هو من
ناحيه مشمع و من الناحيه التانيه فى زى صوف كده بيعمل احتباس
حرارى و بيخلى لون العربيه يبووظ
هل الكلام ده صحيح؟؟؟؟؟؟؟؟؟؟؟؟
مع العلم ان الوتر بروف ده احسن الانواع لانه ما بيشربش مايه
و كمان بينشف بسرعه و لو الكلام ده صحيح الواحد يجيب ايه؟؟؟؟؟؟
اسف على الاطاله..............

**Abdallah** · 28-07-2007 03:15 PM

الناحية التانية مش صوف ولا حاجة , هى عبارة عن الياف صناعية ودى اول نقطة, تانى نقطة اركن عربيتك جنب اى عربية فى الشمس وغطيها وشوف انهى فيهم هتبقى درجة الحرارة فيها اعلى, بالطبع هتكون المكشوفة لان الغطاء بيعكس نسبة من حرارة الشمس وثالث نقطة بقة ان الاحتباس الحرارى موجود اساسا وبدرجة عالية فى الكرة الارضية, هل انتع مرك شفت عربية بويتها ساحت فى الشارع من مرة ولا اتنين ؟؟؟؟
على فكرة بوية الفابريقة بتبقى اكثر احتمالا من اى بوية تانية حتى ولو سكينز لانها بتبقى معمولة بمعدلات كيماوية معينة وبتترش على الصاج على طول لا يفصل بينها وبين الصاج غير طبقة خفيفة من البطانة وهى بوية ايضا, لذل من الصعب جدا ان تجد بوية فابريقة " مقشرة " ممكن تكون كاشفة انما مستحيل تقشر.

**zorooo1986** · 28-07-2007 03:54 PM

مش عارف بس انا كان عندى واحد وتر بروف بس القطط قطعوة والشمس خلته شايط
فرحت الوكالة عملت واحد قماش هناك اسمة قماش قلع او خيم قلع
هوة جامد جدا وبيحمى من الشمس بطريقة ممتازة بس طبعا بيشرب المية فى الشتاء بس مش مهم الماية المهم الشمس الحارقة فى الصيف هوة اتكلف قماش وتفصيل 160
طارق

**مهندس محمد صلاح** · 28-07-2007 06:56 PM

ياباشمهندس انا شارى غطاء من مينا البصل فى اسكندرية ورا سوق الجمعة قماش قلع ب 50 جنية للفرنا واستك من تحت يعنى مش محتاج تقعد تربط اربطة وحبال هو ما بيشربش الميه اى نعم لكن زى الفل وكفاية انه بيحميها من العيال الصغيرة وخرابيشهم وحاقول لك على سر تعمله .. قبل ما تغطى العربية افتح الزجاج اليمين والشمال حوالى 5 مللى للتنفيس علشان درجات الحرارة العالية .. وعلى فكرة الغطاء الووتر بروف بيتسرق لانه غالى .. نصيحة اشترى حاجة فى المعقول وكلهم بيؤدوا نفس المهمة

**matrix_rashed_8** · 28-07-2007 08:20 PM

شكرا يا جماعه على تفاعلكم بس
اصل انا شفت عربيات بويتها بقى لونها غريب
كانه اتحرق و مش عارف ده من ايه شفت مثلا
شيروكى الكابوت قرب يبقى ابيض
و شفت عربيه اونو العربيه كلها كشفت كانها اتحرقت
و بعدين دلوقتى الغطاء عندى استخدمه و لا ما استخدموش

**Salah_sr** · 28-07-2007 10:28 PM

علي فكرة ده حصل معايا في عربيتي اللانسر وقالوا لي بسبب الغطاء ولكن هذا حدث لي في سلطنة عمان حيث درجة الحرارة عالية عن مصر ولكن أعتقد إن القماش أحسن بالنسبة للشمس و ممكن تخلي واحد للصيف قماش و الآخر في الشتاء

**oshy** · 29-07-2007 04:15 AM

متخافش مش هيحصل حاجه

**Moh.Fahmy** · 29-07-2007 05:31 AM

الغطاء الوتر بروف ده اكتر من رائع لانه بيعزل العربية عن العالم الخارجي و الله انا شوفت الفرق بين حالة الغطاء الوتر بروف و الغطاء القماش كنت جايبه لعربيتي القديمة و حالة اللاغطاء و افضلهم علي الاطلاق الغطاء الوتر بروف

محمد فهمي

**OsKaR** · 29-07-2007 05:49 AM

BUY TWO COVERS FOR UR CAR 1 WATERPROOF FOR WINTER AND A NORMAL ONE FOR SUMMER

**Moh.Fahmy** · 30-07-2007 04:30 AM

و الله فكرة اوسكار ممتازة الواحد فعلا يجيب واحد وتر بروف للشتا و قماش عادي للصيف وواحد بكم للخريف وواحد جينز للصبح وواحد سهرة للمساء :mrgreen: :mrgreen: :mrgreen: :mrgreen:

علي فكرة انا بهزر يا اوسكار هو فعلا رأيك سليم 100% بس القفشة حكمت بقي حنعمل ايه

محمد فهمي

الموضوع: غطاء السياره المشمع

LinkBack

أدوات الموضوع

عرض

غطاء السياره المشمع - انشر الموضوع فى :

-

-

-

-

-

-

-

-

المواضيع المتشابهه

غطاء(المشمع لكيا كارينز)

غطاء السياره

مشكلة غطاء السياره...(payoo)

بعد ركن السيارة و هى سخنة و تغطيتها بالغطاء المشمع و المبطن

غسيل الغطا المشمع

الكلمات الدلالية لهذا الموضوع

المفضلات

المفضلات

ضوابط المشاركة