ممكن حد يساعدني انا معايا فيورا 85 وعاوز اشد كنت عاوز اعرف ايه اللي ممكن يتعدل فيها وهل في فوانيس متعدله ممكن تركب عليها ومنين وبكام ياري تحد يرد عليا
عرض للطباعة
ممكن حد يساعدني انا معايا فيورا 85 وعاوز اشد كنت عاوز اعرف ايه اللي ممكن يتعدل فيها وهل في فوانيس متعدله ممكن تركب عليها ومنين وبكام ياري تحد يرد عليا
على حسب الميزانية الأول
الميزانية موجودة معايا لحد 4 ألاف
ممكن يعملو حاجة
4الاف جنية مش ممكن تزحزحها شوية وبالنسبة للفوانيس اللي قدام او الخلفية بتتعمل في الحرفيين عمولة
طيب عاوز اعرف ايه اللي ممكن يتعمل ومفيش مشاكل نزحزح وللاسف معرفش حد في الحرفيين ممكن توضح اكتر ايه اللي ممكن يتعمل وازاي وفين وبكام انا طلبتي كتيرر معلش
هتظبط الشبكة الامامية تخلية شكلة شيك مع الفونيس اللى وارة برضو تظبط
ومع جنوط حلوة كدة
وياسلام لو كمان شغل تنفيخ من الرفراف اللى قدام و اللى وارة كدة بقيت عروسة
انا شوفت وحدة فى سوق السيارت متعدلة 127 بالونين ازراق فى اصفر
ومعة جنوط ومن قدام حطط شبكة كبيرة مغطية الفوانيس لونة اسواد بس شكلة حلو
هاقلك ياسيدي انت تظبط سمكرة وبعدين تروح الحرفيين وشف هااتعمل اية في البودي كت وبعدين رش رشة تمااااام بردة في الحرفيين وبعدين جنط كبير مع توطية العربية بالنسبة للفوانيس اللخلفية بتتعمل عمولة بردة في الحرفييين
ياريت اكون افدتك
شكرا ياجماعة وكتر خيركم
لو تحط صور لعربيتك يبقا أحسن يا ريت لو من جوة ومن برا
بس حط دايما ً فى الدماغ ان الجنط والكاوتش العريض هو الى بيعمل شكل جامد للعربية حتى لو شكل العربية مش لذيذ ...
يا سمسم لما تحب تشد تسأل توتى مان على 127 انا هجبلك الخلاص يا باشا
المتور بتعها لو زى الفل مش هنلعب فيه خاااااالص ولو سمكره كمان تمام مش هنلعب فيها ولا هنفخ ولا هنعمل اى حاجه انتى هتعمل ايه بئه العربيه هتاخد لوووون تانى اللون المناسب ليك طبعا بس عن شرط كل العربيه لون واحد الشبكه والمريات والعتب وكل حاااااااجه نفس اللون ةألأكصدمات كمان نفس لون العربيه الفوانيس بئه هتجيب فنوسين مدورين من شارع احمد سعيد وهتركبهم قدام يعنى هتجيب 4 اتنين على اليمين واتنين على الشمال وهتشيل الشبكه اللى قدام وهتعمل شبكه سلك هيغطس فيها الفوانيس طبعا طقم جنوط جميل بكوتشاتو وهتسأط خاااالص يعنى الرفرف على اول الكوتش الفوانيس اللى ورا هتسبها زى ما هيا وفى رنجات جاهز بتتباع كده مركبنها التكوسا دلوقتى واموتسكلات دلوقتى مدورة كده فى منها مقسات هتجيب 4 المقاس الوسط وهتحطهم على الفنوسين اللى ورا وبعد كده هتفيم الفنوسين بلون اسود وكده انت هتغطى الرينجات هتلغى الكهربا بتاعة الفنوسين اللى ورا وهتشغل الرينجات هتتفرج عليهم بليل هتلاقى الأربع رينجات منورين ومش هتشوف الفونيس بتاعة العربيه
مع ديفل حلو وشيك جوة بئه هتعمل كراسى طياره مش هيكلفو كتير واربعه ازاز كهربا وتلغى الأوكر اللى بره وتعملهم بالريموت وتركب عدادات والشغل ده مع شوية كمليات خفيفه وعدة صوت كده العربيه بقت اخر حااااااااااااجه
toteman عندك صور لعربية 127 معمول فيها حوار الفوانيس والشبكة الى قدام دة ؟
بوص يا مان ال 4 الاف جنيه دوول انا ممكن اعملك بيهم فوانيس امامى و فوانيس خلفى و شبكه و شغل داخلى يعنى عدادات و طارة و ممكن نركب زينون او ممكن نكنسل الحاجات الى جوه و نعمل فرش العربية يعنى هو فيها كذا حاجة ممكن يتعمل فى العربية شوف يا مان انت دماغك اية و قؤلى و انا معاك على شان دى شغلتى اصلا
طيب يا كيمو باشا الفوانيس الأمامية والخلفية تتكلف كام ؟؟؟
بص يا عم كيمو عندي فيورا 86 و عايز اشدها سمكرة و دوكو و كهربه فين و بكام ؟:k38:
بوص يا مان الفوانيس الامامى و الخلفى مقدرش اديك سعر غير لما اعرف هنعمل اية بالظبط يعنى هنسودو بس ولا هنجط رينجات و نكربنو ولا هنحط عدسة و رينجات ولا هنعمل الاشارة كمان ليدات انت فاهم يعنى هو فيه كذا حوار انت عاوز تعمل اية بالظبط على شان اقدر اقؤلك سعر و الفوانيس الى ورا بيكون على حسب كميه الليدات و الشغل الى هياخدو بس هى مبدأيا فى حدود 850 جنيه ده بالنسبة للخلفى
و يا لورد باشا هاتلى العربية نشوفها اشوف السمكرة الى فيها اد اية و هتاخد بوهيا اد اية و هنشغل بانهى نوع و محتاجه اية فى الكهرباء انا مقدرش اقؤل سعر كده عشوائى
انت معندكش اى نماذج عملتها لل 127 ؟؟
علشان أقدر أحدد
لا يا مان والله لسة مشتغلتش فيها بس انا اشتغل فى كرايسلر m300 و عملتلها فوانيس امامى و خلفى عمولة و عملت فوانيس ل 128 خلفى و هوندا سيفيك 2005 كوبيه امامى
ممكن نمره تليفونك ومكان ورشتك وكده عشان لو هقدر اجيلك ؟؟؟؟؟؟؟؟؟؟؟؟ ضرورري و تبقي 10 علي 10 لو اتصلت بيا عشان انا مبخوشش كتير 0104137644 وتبقي مشكوووووووووووور