ابني أكل امبارح برة البيت و طول الليل بطنه وجعاه و بيرجع ف خدوا بالكم من أولادكم و بلاش تأكلوهم برة البيت إلا لو أكل مضمون و خصوصاً اللحوم ... مش هأذكر اسم الrestaurant اللي جاب منه الأكل لكن هو مشهور عالمياً و ربنا يحفظ أولادكم جميعاً :) !!!
عرض للطباعة
ابني أكل امبارح برة البيت و طول الليل بطنه وجعاه و بيرجع ف خدوا بالكم من أولادكم و بلاش تأكلوهم برة البيت إلا لو أكل مضمون و خصوصاً اللحوم ... مش هأذكر اسم الrestaurant اللي جاب منه الأكل لكن هو مشهور عالمياً و ربنا يحفظ أولادكم جميعاً :) !!!
ربنا يقومه بالسلامة ويشفيه .. بس لازم حضرتك تقول اسم المطعم انا مش شايف اي مشكلة انك تقوله عشان ناخد بالنا
ربنا يستر
والف سلامة على ابنك
الف سلامة على ابنك وشكرا على التحذير لكن واجب ذكر اسم المطعم لتمام الفائدة والوقاية من الوقوع في نفس المشكلة
الف سلامه
بص هو الموضوع ممنوع مرغوب يعنى كلنا عارفيين مساوء الاكل بره البيت ورغم كده بناكل يرضه
اي مطعم حتى لو عالمي طالما فتح في مصر اعتبره زي اي عربية كبدة في الشارع
كنتاكي بالذات اسوأهم وافتكر ان كان ليه فضايح قبل كده وصور لقذارة في المطبخ وانا شخصيا اكلت منه مرة واحدة وحرمت من بعدها
بعيدا عن عفانة المطاعم في مصر وانعدام الأمانة والنظافة لعدم وجود رقابة حقيقية في مصر وخاصة مطاعم كنتاكي
لكن ممكن كوباية مياه ساقعة بعد اكلة دافية تعمل الأعراض ده وأكثر من كده "نزلة معوية"
اهو اقذر مطاعم هى المطاعم العالمية
سيد النتن و عبده تلوث احسن منهم
علينا ان نرفع شعار لا للحمة خارج البيت
من زمان وفراخ كنتاكى لما تشيل اللحمه من عضمها زى الدبوس مثلا كنت بلاقيها مدممه
مفيش انضف من اكل البيت
السلام عليكم و رحمة الله و بركاته
بالذات كنتاكى عمره ماكان من المطاعم النضيفة على الاطلاق.
ده برنامج هنا فى كندا بيعمل حلقات عن الغش التجارى و كان عمل حلقة عن عدم نضافة المطاعم هنا فى كندا. مش فى مصر !!!!!.
و أصلا كنتاكى من أسوأ المطاعم !!!
ده اللينك بتاع الحلقة :
https://www.youtube.com/watch?v=ghCOVjAILxo
كنتاكي من أسوأ المطاعم في كل مكان مش في مصر بس
الأكل خارج البيت بالنسبة لي في الحالات الإضطرارية فقط ..زي مثلا السهر في الشغل أو السفر ..
ألف سلامة عليه وإن شاء الله يكون بقى أحسن دلوقتى
الله يسلم حضراتكم جميعاً و شكراً لكم و الحمد لله أخدت قرار نهائي إن مفيش أكل برة البيت طول ما إحنا في مصر
ألف سلامة على ابنك ، و ممكن الموضوع يكون حاجة نفسية علشان البلوى الاخيرة بتاعة الفيوم
رايى لو هتاكل حاجة من برة يبقى اسماك فقط و اسماك بحرية لا تربى فى مزارع زى الوقار مثلا
حتى لو جبت محفوظات او شيبسى او جبنة هتلاقى المواد الحافظة و مكسبات الطعم و بودرة السيراميك
الله يسلم حضرتك يا فندم ... هو مايعرفش حاجة عن موضوع البلوي بتاعت الفيوم لأنه مش بيعرف يقرا عربي أصلاً ... الأكل خارج البيت اتمنع تماماً و بعد كدة قولتلهم شوفوا عايزين تاكلوا ايه و نجيبه و الشغاله تعمله ... بالنسبة للمحفوظات ممنوعة تماماً لأنها مليانة preservatives و شكراً لاهتمامك ... تحياتي :)
للاسف مفيش اطعم من اكل الشارع ورغم انى ممنوع من اكل الشارع (بطنى مش بتهضم اى اكل بره البيت) لكن احساس جميل باكل الشارع
الف سلامه مارك باشا
هي كلماتها طويلة لأن معظمها كلمات مركبة و بالنسبة للقواعد مش محتاجة حفظ كل حاجة بتيجي بالممارسة ... القواعد لو حفظتها مش هي اللي هتخليك بتتكلم fluently as a native speaker لازم تتكلم و تسمع كتير و ده لأي لغة عموماً هتستخدمها in real life مش هتدرس بيها مثلاً يعني مش academically :)
بالضبط كده أي لغة محتاجة practice أكتر من academic education بس لازم في بداية تعلم اللغة الواحد يدرس أسس وقواعد يقدر يمشي عليها بعد كده خاصة لو هيبدأ من الصفر زي الألماني بالنسبة ليا كده :)
تحياتي لحضرتك وألف سلامة على ابن حضرتك إن شاء الله يقوم بالسلامة وآسف لتحويل مسار الموضوع :)