مش عاوز اقولك انا اتكيفت ازاى .....بجدالجواز ده علاقة سامية بين اتنين حبوا بعض و قرروا يقضوا بقية عمرهم مع بعض ... كلامي هيختلف مع كلام حضرتك لكن أتمني تفهم قصدي بصدر رحب ... أولاً أنا اتخرجت كمهندس و سافرت ألمانيا عملت masters هناك و اشتغلت في مصنع بيعمل parts للعربيات حاجة اسمها templates زي المرايات و البربريز و الفوانيس و القطع الصغيرة لكل شركات العربيات في ألمانيا قبل ماتتجمع في المصنع ... نزلت مصر 4 شهور خطبت و اتجوزت و سافرنا مع بعض و اشتغلت في أكتر من مصنع عربيات هناك في ألمانيا و المدام بقت بتشجعني أخد PHD و فضلت واقفة جنبي ماسابتنيش و قد كان و شجعتني أعمل الBusiness بتاعي و بقي عندي business في مصر و ألمانيا و الحمد لله بقي عندي القدرة المالية إني أعيش و أغير عربيتي و أشوف أنا نفسي في ايه و أعمله و كل ده بعد فضل ربنا طبعاً بسبب مراتي ... الموضوع نفسه لو بدأ ب"أنا عايز أتجوز علشان علاقة جنسية" أو الست بتقول "ضل راجل ولا ضل حيطة" زي ما هو معروف يبقي تأكد إن العلاقة ديه 90% فاشلة لأن الطرفين طالبين satisfaction لنقطة معينة لو تم إرضائها سيتم البحث عن نقطة أخري و إن لم تتوافر في شريك الحياة سيتم البحث عنها خارجاً و من هنا تبدأ المشاكل لذلك يجب التعامل مع العلاقة الزوجية علي أساس إنها إرضاء لكل ما يخص الطرفين كلياً ... أنا أحب أنصح أي شاب و أقوله بلاش تحط في دماغك إن الشرع محللك الزواج من 4 أو إنك ممكن تطلق و خصوصاً لو أنجبتوا أطفال ... الستات عموماً بيحبوا المفاجئات و بيحبوا الshopping و بيحبوا يحسوا إنك بتديهم due care و تأكد إنك لو عملت كدة هتاخد منها طاعة و حب و دلع و اهتمام ... من الآخر الجواز قائم علي الMutual love, respect & care :) و آسف علي الإطالة و أتمني تكون حضرتك فهمتني
المفضلات