ارجو المساعدة في الاختيار كيا سبورتاج 2009 ام نيسان كاشكاي 2009

السلام عليكم اخواني الكرام
ان شاء الله هاشتري سيارة مجهزة بعد 4 شهور ومحتاج نصيحتكم
انا محتاج عربية واسعه و عالية عن الارض و قطع غيارها متوفرة وسعرها معقول
انا محتار بين اكتر من حاجه وعاوز رائيكم ايه الافضل في مصر من حيث قطع الغيار والصيانة واسعارها واعادة البيع هنا في مصر
نيسان كاشكاي ام كيا سبورتاج ام رينو داستر او كيا كارينز او كيا سول او تريوس
اما السيدان
محتار بين سكودا اوكتافيا ايه 5 او بي ام دبليو 316 ام باسات او كرولا
طبعا انا عارف اني ذكرت موديلات كتير بس والله انا محتار

انا بطلب من كل اخواتي يقولي لو بيختار عربية من الموديلات دي هايختار ايه وليه او لو حد عنده نصيحة لحاجه افضل
جزاكم الله خيرا

أفضل الاختيار بين السبورتاج أو القاشقاي لأن زي ما حضرتك ذكرت هم واسعين و عاليين عن الأرض لكن عندي سؤال بعد إذن حضرتك ... هي الموديلات ديه بتنزل مجهزة لأن والد واحد صاحبي كان عايز عربية مجهزة و أنضف حاجة لقيناها كانت أوكتافيا a5 و هو مش حاببها

السيارات المجهزة مسموح لحضرتك تشترى اي سيارة حتي لو مرسيدس بشرط سعة المحرك لاتزيد عن 1600 و 4 سلندر لكن التجار في المنطقة الحرة بيجيبوا الانواع اللي هاتكسبهم اكتر

وبالمناسبة حد يعرف المرسيدس b150 نظامها ايه هنا في مصر
ثانيا الكاشكاي بيقولوا قطع غيارها قليلة وغالية هل ده كلام صحيح
وهل الكيا سبورتاج الشكل القديم لها قطع غيار هنا ومتوفرة ولا لا

حد يعبرنا يا شباب