الفرامل ضعفت بطريقه خطيره بعد غسيل العربيه بالجاز

**marsguy** · 13-06-2015 03:26 AM

السلام عليكم ورحمة الله وبركاته

عربيتي كانت اتعاصت قار من حوالي شهرين والنهارده رحت البنزينه عشان يشيلوه

العامل تقريبا رش العرييه كلها بالسولار ورش الجنط كمان وبعد كده غسلها بمسدس الميه والصابون

العربيه نضفت الحمد لله والقار طلع أخيرا بس حصلت حاجه خطيره جدا

الفرامل ضعفت جدا لدرجة اني اول ما دست فرامل بعد ما خرجت من البنزينه الفرامل كانت بس بتهدي العربيه تقريبا

بعد شويه الفرامل اتحسنت بس لسه أضعف كتير من الأول خاصة انها عربيه جديده

تفسيري إن في جاز جه على التيل والجاز ده فيه نسبة زيت وده قلل احتكاك التيل بالطنابير

يا ترى التفسير ده صح؟ وياترى اعمل إيه دلوقت؟
أركنها لحد ما الجاز ده ينشف ولا أعمل إيه

شكراً

**zizo gamal** · 13-06-2015 03:39 AM

استنا العربية تنشف و هترجع تمام ان شاء الله ..
و لو لاقدر الله مرحتش . روح مغسلة و خلية يغسلهالك ب مياة و صابون و هنروح ان شاء الله

**Abo_Mazen** · 13-06-2015 09:45 AM

مبدأيا كده ..متغسلش الطنبوره وهي سخنه ..يعني لو تعرف على ما تروح البنزينه وخصوصا لو عشان تروح البنزينه بتمشي مسافة شوية أو بتدخل في زحمه شوية وكده ..تحاول لما تروح البنزينه تصبر شوية لغاية الطنبوره ما تبرد تماما ..ثانيا ..وده رأيي ..هي مع المشي هتضبط لوحدها ..لا تغسل ولا تعمل ..بس إتعامل معاها بالراحه كده وسايسها وهي هتضبط لوحدها وبسرعه كمان ...

**Mecha** · 13-06-2015 10:17 AM

الجاز الديزل مبينشفش بسهوله زيو زي الزيت ,لازم تخلص منه ب حاجه متبخره زي السبرتو و methyl spirit او ترش brake cleaner ع الدسوكا.كمان الجاز بيشلب كاوتش العجل وخصوصا جاز مصر معبي كبريت.