نسيت كلمة سر كارت البنزين

**breakthrough** · 13-06-2015 01:04 PM

كنت مطلع الكارت من زمان اول الموضوع ما بدأ بس دلوقتي جيت بجربه بكلمة السر اللي انا فاكرها المكنة قالت كلمة سر خاطئة و لما شفت ع الموقع كاتبين اعادة اصدار رقم سري في 14 يوم حد يعرف ايه الي ممكن اعمله بما ان المنظومة هتبدأ شغل بعد بكرة غير اني افول النهاردة و بكرة طبعا

**rotanamasoud** · 13-06-2015 01:15 PM

انا مش معايا كلمه السر ودخلت على الموقع وفى الاخر تم ادخال البيانات بنجاح طيب فين الكلمه مفيش طيب اخدو اميل عشان يبعتوها عليه مفيش
حيبعتوها ازاى الله اعلم

**shake** · 13-06-2015 02:38 PM

متا بع

**Abo_Mazen** · 13-06-2015 03:06 PM

فيه واحد صاحبي كلم خدمة العملاء عشان كان شاري العربية من واحد وإداله الكارت بدون الباسوورد ..لما سألهم قالوا له الكارت اللي مع حضرتك ده ملوش أي قيمة وهيترمى ..وهيطلع كارت غيره من المرور بسبب إنك فقدت كلمة السر ..لإن الكارت متبرمج على كلمة سر معينه ما بتتغيرش ..تقريبا كده التقنية اللي طالع بيها الكارت ده متخلفة ..يعني الكارت مولود ومربوط بباسوورد لو فقد الباسوورد يترمى الكارت

**Farouk84** · 13-06-2015 04:38 PM

ازاى يا جدعان!!!!!

انا مستلم الكارت وحدش جابلى سيره على موضوع الباسوورد ده

انا اول مره اعرف المعلومه دى

ياريت حد يوضح اكتر

**rotanamasoud** · 13-06-2015 06:15 PM

اصلا الباسوورد حاجه متخلفه ايه فيدته ان مفيش حد يستخدم الكارت غيرك ونمره العربيه اللى على الكارت المتخلفين شايفينها لا تكفى منتهى الغباء

**Abo_Mazen** · 13-06-2015 10:04 PM

المشاركة الأصلية كتبت بواسطة farouk84

ازاى يا جدعان!!!!!

انا مستلم الكارت وحدش جابلى سيره على موضوع الباسوورد ده

انا اول مره اعرف المعلومه دى

ياريت حد يوضح اكتر

ياباشا الباسوورد كان تحت الكارت على الظرف اللي حضرتك إستلمت الكارت فيه ..لو حضرتك رميت الظرف ..يبقى كده الباسوورد راح عليك خلاص

**micromoud** · 13-06-2015 11:15 PM

انا جبت الكارت فى 2013 ومكنش معاه كلمة سر ولما كلمت خدمه العملا استهبلوا وقالو حضرتك لازم تطلع واحد جديد عشان بيانات الكارت القديم غير متوافقه مع بيانات العربيه...والسؤال عمرك شفت استحمار للناس بالشكل ده..قالك كارت ذكى