عرض للطباعة
مساء الخير على الجميع .... دي اول مشاركة ليا واتمنى منكم المساعدة ضروري...
انا معايا نيسان صني 2013 الشكل القديم مقاس 185/65/15
محتاج 4 فرد جداد محتار مابين الكونتيننتال الالماني و البريدجستون اندونيسي ايهما افضل..
وياريت سعر الكونتننتال contpremium contact 5 بكام
وفي البريدجستون قدامي بريدجستون تكنو 10 و بريدجستون تورانزا AR20 ايهما افضل مع العلم ان العربية لالاغراض السفر الطويل...
محتاج مساعدتكم وشكرا مقدما
اية يا جماعة 54 مشاهدة وماحدش رد علينا ....اتمني المساعدة
وشكرا مقدما
متعبرونا ياعرب في اية ....
تورانزا ar 20
السلام عليكم
انا ماجربتش البيرجستون غير الياباني بس بخصوص الكونتاننتل انا كان معايا "إيكو" صناعه روماني واقدر اقولك رأي فيه
المقاس 14-185/65
وخالي بالك ان رأي مرتبط بالمقاس عشان لو جبت فارده مثلا ارتفعها 55 ممكن يكون جنبها اقوى
أستخدام العربية: جري وسفر احمال خفيفه اغلب الوقت (مش اسرة)
اولا المميزات:
خفيفه في المطبات والنقر وعلى الطريق ثبات لحد ال 190 ووصلت لل200 في نزلت ال na الفرده راسيه جدا جدا وتجميع الفرامل تحفه بتوقف العربية في مسافه صغيرة وفي المطر عمر مالعربية ما اتزحلقت مني
فوق ده كلوا ال 4 قعدوا معيا 80 الف وفرده فيهم باظت عشان مشيت عليها وهي نايمه فاقولت اغيرهم بقى يادوب :d
العيوب:
رغم النعومه في المطبات والنقر بس لو لبست نقره حاده على سرعه بتعمل بلونه في الفرده (كان عندي2 او 3 مش فاكر)
الفرده كانت بتطلع صوت صفارة غريبه في الملفات كإن العربيه عاوزه تضبط زوايا حتى لو على سرعه بسيطه وساعات في الفرامل!!! مش فاهم ازي وهي بتفرم كويس جدا بس ده الي كان بيحصل معايا خصوصا في الصيف
اعتقادي الشخصي انها مانسبه اكتر للمايه والبرد (مش فاكر موصفاتها كانت ايه بصراحه عشان شريها من 3 سنين)
بس لمه غيرت رغم كل المميزات دي جبت ياباني عشان انا حاسس ان هو الأنسب للبيئة الحاره بتعتنا وكمان سعره احسن
جبت سامتوموا النقشه الجديده 2015 ولسه مش جربته لدرجه اديك راي فيه
ملحوظه فيه برجستون إيطالي عند واحده في مصطفى النحاس على اليمبن وانت جاي من اشارة الطيران قبل محل بركات بنصيه
انا خفت اجربه خصوصا انه موزع كوتش مش بيركب بس الفرده شكلها كان كويس وموصفاتها حلوه
بشكركم جدا على الاهتمام والرد والنصيحة