عاجل: تأجيل العمل بكارت البنزين

عاجل خبر طازة منقول عن جريدة المال : السيسى يأمر بدراسة تأجيل العمل بكارت البنزين الخبر كالتالى كوبى بست من جريدة المال:""
السيسي يطالب الحكومة بدراسة تأجيل منظومة الكروت الذكية للبترول



السبت 13 يونيو 2015 04:53 م
خاص:
اِجتمع الرئيس عبد الفتاح السيسي، اليوم بأعضاء المجلس التخصصي للتنمية الاقتصادية التابع لرئاسة الجمهورية، وتم استعراض الأنشطة والتكليفات التي يقوم بها المجلس منذ الإجتماع الأخير في أبريل الماضي.صرح السفير علاء يوسف، المتحدث الرسمي بإسم رئاسة الجمهورية، بأن الرئيس إستمع من أعضاء المجلس التخصصي إلى شرحٍ وافٍ حول التعديلات المقترحة على عدد من مشروعات القوانين واللوائح التنفيذية، بالتنسيق مع الوزارات والجهات المعنية. كما تم اِستعرض الدراسة التطبيقية التي تم إعدادها بشأن منظومة الكروت الذكية لتوزيع المنتجات البترولية، ووجّه الرئيس الحكومة بصورة عاجلة بدراسة تأجيل تطبيق المنظومة لحين الانتهاء من شمولها لكافة القطاعات التي لا تتوافر لها تلك الكروت.

طيب مين اللي امر بانها تتنفذ وبناء علي اية ....مش دعم الوقود الحكومة بتجري فية بخطي حثيثة لزمة الكارت اية علي المدي القريب والبعيد ...اللهم ظلام للعقول والرؤي المعدومة وربنا يرحمنا من سلطة الجاهل والمغيب

لغاية لما الكروت الموجودة مع الناس تضيع و يطلعو بدل فاقد

سبوبه كلنا طلعنا ندفع فى الكروت جابت كام مليون كانت الدوله عايزاهم

سمك لبن تمر هندى :_Alshmokh08[1]:حد فا هم حاجة فى البلد دى

اقتباس:

---

المشاركة الأصلية كتبت بواسطة kaza

طيب مين اللي امر بانها تتنفذ وبناء علي اية ....مش دعم الوقود الحكومة بتجري فية بخطي حثيثة لزمة الكارت اية علي المدي القريب والبعيد ...اللهم ظلام للعقول والرؤي المعدومة وربنا يرحمنا من سلطة الجاهل والمغيب

---

اللى فهمته أن التأجيل لأسباب لوجيستية يعنى نقص الكروت او عدم استلامها من قبل المستهلكيين او عدم توفر اجهزة كافية فى محطات البنزين او نقص تدريب العاملين و كل ده محتاج مزيد من الوقت انما منظومة الكارت اكيد هيعمل بها.

الله يخربيت التخلف ... ده البنزينات بقت موت بسبب التصريحات الغبيه

Sent from my GT-S6500D using Forum Runner

و ليه ما تكونش الرخصة ممغنطة و تستعمل فى كل ما يتعلق بالمركبة، وقود ، تجديد ، مخالفات ، بيع و شراء ، بوابات و منافذ ، و الخ

اقتباس:

---

المشاركة الأصلية كتبت بواسطة hesham2004

و ليه ما تكونش الرخصة ممغنطة و تستعمل فى كل ما يتعلق بالمركبة، وقود ، تجديد ، مخالفات ، بيع و شراء ، بوابات و منافذ ، و الخ

---

ازاى تفكر فى فكره ذكيه
احنا بلد التخلف العقلى

هههههههه عشان كده ماطلعتوش ولاهروح أستلمه غير لما يبقي مافيش حل غيره .

بس هو غالبا الخبر مش هيطلع صحيح والمنظومة هتشتغل عادي يوم 15 .

شريحه غير قليله من الناس لم تتسلم الكارت بعد, وبالتالي هيكون في أزمه كبيره جدا لو تم العمل به يوم 15 , علشان كده أنا قولت قبل كده أنه في الغالب هيتأجل العمل به

اقتباس:

---

المشاركة الأصلية كتبت بواسطة graffittiii

هههههههه عشان كده ماطلعتوش ولاهروح أستلمه غير لما يبقي مافيش حل غيره .

بس هو غالبا الخبر مش هيطلع صحيح والمنظومة هتشتغل عادي يوم 15 .

---

الخبر منقول عن جريدة المال و العهدة على الراوى

اقتباس:

---

المشاركة الأصلية كتبت بواسطة hesham2004

و ليه ما تكونش الرخصة ممغنطة و تستعمل فى كل ما يتعلق بالمركبة، وقود ، تجديد ، مخالفات ، بيع و شراء ، بوابات و منافذ ، و الخ

---

فكرة ممتازة مش عارف محدش فكر فيها قبل كدة ...بس برضه السؤال طالما هاشيل الدعم والسعر هيبقي زي باقي العالم بدون دعم وباقول هاشيل الدعم علشان عجز الموازنة المزمن في البلد ....زيبقي باصر علي عمل الكارت لية انا مش فاهم

سنين من الخبل


هو احنا دوله عالم تالت من شويه

في ناس مستفيده من الوضع القائم ..وفي أجهزة في الدولة ليها مصلحه إن الوضع قائم يظل كما هو

اقتباس:

---

المشاركة الأصلية كتبت بواسطة Abo_Mazen

في ناس مستفيده من الوضع القائم ..وفي أجهزة في الدولة ليها مصلحه إن الوضع قائم يظل كما هو

---

بالضبط :plusone2:

الغرض من كارت البنزين غير مقصود به المستهلك العادى اللى هو انا و انت و لكن المقصود به ضبط كمية الصادر من محطات البنزين لأن اصحاب النفوس الضعيفة من اصحاب محطات البنزين بيهربوا البنزين للبيع خارج المحطة فى السوق السوداء و كانت المشكلة كيفية حساب استهلاك المحطة الفعلى ( المباع للعملاء) و بكارت البنزين سيمكن حساب البنزين الصادر فعليا من كل محطة بمعنى لو محطة صرفت من شركة البترول 15 الف لتر بنزين و كروت البنزين تم صرف بها 10 الاف لتر فقط يبقى هناك عجز 5 الاف لتر و يبقى طبعا اتباعوا سوق سوداء.

كشف الدكتور أشرف العربى، وزير التخطيط والمتابعة والإصلاح الإدارى، أن قرار الرئيس عبد الفتاح السيسى بتأجيل صرف الحصص البترولية من خلال الكروت الذكية يخص المواطنين فقط، موضحًا أن الرئيس قرر تأجيل إلزام المواطنين بصرف الحصص البترولية من خلال الكروت لحين ضم كافة القطاعات التى لم تشملها المنظومة، مثل "التوك التوك" والجرارات الزراعية. وأوضح العربى، فى تصريحات للصحفيين، على هامش ورشة نظمتها وزارة التخطيط لممثلى الوزارات الأخرى حول قانون الخدمة المدنية، أن قرار الحكومة بصرف المنتجات البترولية بالكروت الذكية يلزم محطات الوقود فقط، من أجل مراقبة صرف الحصص البترولية، ولم يكن يشمل المواطنين، إلا أنه لم يتم توضيح ذلك للمواطنين فى وسائل الإعلام، كما أن البعض روج بشكل خاطئ لقرار رئيس الوزراء مما أربك المواطنين.
من الآخر القرار بتاع الكارت حاليا غير مطلوب من المستهلك العادى و يسرى فقط على اصحاب المحطات

اقتباس:

---

المشاركة الأصلية كتبت بواسطة ali ashraf

اللى فهمته أن التأجيل لأسباب لوجيستية يعنى نقص الكروت او عدم استلامها من قبل المستهلكيين او عدم توفر اجهزة كافية فى محطات البنزين او نقص تدريب العاملين و كل ده محتاج مزيد من الوقت انما منظومة الكارت اكيد هيعمل بها.

---

مش كان المفروض نضع الحصان امام العربة ؟!! ولا دائماً وابداً سياسة الأستحمار للشعب هى دائماً طريقة للتعامل معه ,يعنى على رأى محمد سعد لما سلخ الخروف قبل مايدبح :_Alshmokh08[1]::_Alshmokh08[1]:

معملتوش عشان كنت بقول لنها سبوبة العساكر عاملينها زي حوارات الوظايف و تزوح تدفع 20 جنيه في الطلب و بخ علي كده…

اقتباس:

---

المشاركة الأصلية كتبت بواسطة ali ashraf

الغرض من كارت البنزين غير مقصود به المستهلك العادى اللى هو انا و انت و لكن المقصود به ضبط كمية الصادر من محطات البنزين لأن اصحاب النفوس الضعيفة من اصحاب محطات البنزين بيهربوا البنزين للبيع خارج المحطة فى السوق السوداء و كانت المشكلة كيفية حساب استهلاك المحطة الفعلى ( المباع للعملاء) و بكارت البنزين سيمكن حساب البنزين الصادر فعليا من كل محطة بمعنى لو محطة صرفت من شركة البترول 15 الف لتر بنزين و كروت البنزين تم صرف بها 10 الاف لتر فقط يبقى هناك عجز 5 الاف لتر و يبقى طبعا اتباعوا سوق سوداء.

---

كلامك مضبوط تمام ....بس اظن ان بتساوي السعر في المحطات وخارج المحطات ..او بمعني ادق تساوي سعر البيع للمواد البترولية مع الاسعار العالمية مين حيسرق وقود علشان يبيعه في السوق السودا ...وانا فعلا باشيل الدعم وكل ما سرعت خطواتي مش حاحتاج كارت ولا منظومة رقابة مادام مفيش فارق سعر