استفسارات عن سكودا 2007 a5 بعد الصيانه

السلام عليكم ورحمة الله وبركاته

السياره عندي سكودا a5 موديل 2007
قدر الله وميكروباس خبطها وهي راكنه الحمد لله علي كل حال

الخبطه في الرفرف الشمال وطبعا الخبطه كانت كبيرة جدا عملت مشاكل كثيرة في السياره ادت الي
تغيير كنترول الفتيس والضفيرة
صيانه كامله للعفشة وتغير قطع فيها
سمكره وما الي ذالك من امور

المهم ان السيارة بعد الاستلام انا حاسس ان مش دي العربية بتاعتي
احساسي انها غير متزنه خالص واقل مطب احس ان الصوت غريب وبحس ان المطب بيأثر علي اتزان عجلة القياده في ايدي

نقلات الفتيس اصبح صوتها عالي وفيها نتشه غريبه مكانتش موجوده من قبل

العربية حاسس انها غير متزنه كليا

الحل ايه واقدر اعرف المشاكل ازاي وفين ومين الي يقدر يقرر المشاكل وحلها

منتظر الرد التفصيلي جزاكم الله خيرا

http://up.cgway.net/out.php/i18239_2015061401.01.04.jpg
http://up.cgway.net/out.php/i18238_2015061401.00.59.jpg
http://up.cgway.net/out.php/i18237_2015061401.00.54.jpg
http://up.cgway.net/out.php/i18236_2015061401.00.35.jpg
http://up.cgway.net/out.php/i18235_2015061401.00.29.jpg
http://up.cgway.net/out.php/i18234_2015061401.00.24.jpg
http://up.cgway.net/out.php/i18233_2015061401.00.20.jpg
http://up.cgway.net/out.php/i18232_2015061401.00.11.jpg

ايوة بقي مالها الصور كلها مشاكل انوار ولمبات ودا عادي جدا ووارد طبعا لان حضرتك بتقول غيرت ضفيرة وكنترول وواضح طبعا ان حضرتك عملتهم عند واحد ميكانيكي عادي مش متخصص او حتي عنده جهاز؟؟
الافضل تروح التوكيل او مركز خدمة معتمد طبعا هاتدفع كتير اللي هو انت وفرتة اساسا

اقتباس:

---

المشاركة الأصلية كتبت بواسطة pepo2011

ايوة بقي مالها الصور كلها مشاكل انوار ولمبات ودا عادي جدا ووارد طبعا لان حضرتك بتقول غيرت ضفيرة وكنترول وواضح طبعا ان حضرتك عملتهم عند واحد ميكانيكي عادي مش متخصص او حتي عنده جهاز؟؟
الافضل تروح التوكيل او مركز خدمة معتمد طبعا هاتدفع كتير اللي هو انت وفرتة اساسا

---

اعتبر الصور مش موجوده هو كل الكلام المكتوب في الموضوع عادي ؟؟

طبعا بعد شغل العقشه انت محتاج تظبط زوايا .......... والشكوى عندك محتاجه مراجعه عفشه

وموضوع الفتيس لانه كان بعيد عن الخبطه اصلا والخبطه فعلا فى الرفرف الشمال ممكن تضرب كنترول الفتيس لانه موجود فى نفس المكان ... على ما اظن ان المشكله فى الكنترول المتركب ممكن يكون طالع من عربيه علشان فيه مشكله والميكانيكى ركبه عندك.. خليه يركب لك واحد تانى وجرب بس يكون كنترول مظبوط.

والرسايل عندك لمبه فوج محروقه وحاجات متزعلش عادى جدا

اقتباس:

---

المشاركة الأصلية كتبت بواسطة طارق _عبد السلام

طبعا بعد شغل العقشه انت محتاج تظبط زوايا .......... والشكوى عندك محتاجه مراجعه عفشه

وموضوع الفتيس لانه كان بعيد عن الخبطه اصلا والخبطه فعلا فى الرفرف الشمال ممكن تضرب كنترول الفتيس لانه موجود فى نفس المكان ... على ما اظن ان المشكله فى الكنترول المتركب ممكن يكون طالع من عربيه علشان فيه مشكله والميكانيكى ركبه عندك.. خليه يركب لك واحد تانى وجرب بس يكون كنترول مظبوط.

والرسايل عندك لمبه فوج محروقه وحاجات متزعلش عادى جدا

---

المفروض استاذ طارق ان الكنترول الي مركبه حد اهل ثقه وانا استلمت العربية امبارح علشان اجربها بس حسيت ان العربية مش دي الي كنت بركبها خالص

هل في مركز صيانه متخصص سكودا في الجيزه يقدر يكشف علي الامور دي ويقرر

انتظر الاخوه فى القاهره يرشحوا لك مركز ثقه لانى من المحله

وبخصوص الكنترول لانه اكيد استعمال ... ممكن تجرب غيره... لو كل شىء سليم وعندك مشكله فى النقلات زى تاخير او ماشابه

أنا مع رأي أستاذ طارق ممكن يكون الكنترول مش مظبوط وكمان ممكن يبقي الموضوع محتاج جهاز كمبيوتر لأزاله اي ايرور واعاده ظبط النسب علي الجهاز
اما العفشه فأعمل ظبط زوايا وخلي بتاع العفشه يراجع علي الجلب والمقصات وباقي العفشه

بسم الله الرحمن الرحيم
بالنسبه للعفشه اعمل ضبط زوايا وخد منه تقرير وتروح بيه لأى واحد كويس بتاع عفشه
اما بالنسبه للأنوار هيه الاول شغاله ولا لأ لو مش شغاله ممكن تكون فيشتهم مش راكبه ولو شغاله يبقى تروح تعمل كشف كمبيوتر وتعرف الاخطاء "بس انا اعتقد انها مش راكبه"
بالنسبه للنقلات ممكن يكون كنترول الفتيس عاوز يتعرف حط العربيه الاول على الجهاز وشوف ايه الاخبار
حد كويس يبقى عليك وعلى المهندس خالد اسماعيل في مدينه نصر - الحى العشر راجل محترم ومش بتاع اشتغالات