الموضوع: حدث بالفعل خطف اطفال+ صور

يا ساتر ، شكلها مرعب فعلا

المشاركة الأصلية كتبت بواسطة subhimust

للاسف ان دل يدل على ان كل واحد بيقول يلا نفسي هنستفيد ايه لما تروح تبلغ في المباحث مدورتشي على حد من الشرطة ليه في المترو او صوتت و لمت عليهم الناس

حضرتك فاكر نفسك عايش في كندا ..تدور مين ولا تعمل إيه ...قول بس يارب يكون القسم إهتم بالبلاغ وما إترماش في الدرج وإتقفل عليه ..هي لو صوتت يعني تعتقد الناس هتعمل إيه ؟؟؟....محدش هيعبرها ولا حد هيتدخل ..وممكن في وسط الزحمه دي عيل من عيالها يتسحب هو كمان..حد من بقيت العصابه يخطفوا هو كمان ..يا سيدي الفاضل بتقولك الست معاها عيالها وجوزها ..والمناظر اللي في الصور بتقول إن هما ممكن بضربة مطواه لجوزها مع شوية الهيصة اللي هتحصل مع لمة الناس ..ده إن كان فيه حد هيتلم أصلا ..تلاقي عيل من عيالها إختفى ..

كنت ماشي مروح ولقيت واحده ست واقفه في الشارع وماسكه بطنها ..وواضح إن بطنها بتتقطع ..وبترجع حاجات كده من بقها ..لامؤاخذه في الكلمة ..حاجات لونها أبيض زي الزبادي كده ..أنا آسف إن كان الوصف مقرف ..ورغم كده ..مفيش ولا واحده وقفت للست تقولها مالك ..طيب أكلملك حد ..والست ماسكه بطنها وبتتلوى في الشارع من الوجع ..ولالالالالالالالالا حد سأل ..ولا حد إهتم ..طبعا أنا مش بقولك حد راجل ..لكن أي واحده ست على الأقل تقف معاها ..تشوفلها كرسي حتى تقعد عليه ..الناس ماشيه وكأننا مخلوقات زومبي عايشين مع بعض ...ربنا يلطف بينا ...

شئ صعب فعلا

المشاركة الأصلية كتبت بواسطة subhimust

للاسف ان دل يدل على ان كل واحد بيقول يلا نفسي هنستفيد ايه لما تروح تبلغ في المباحث مدورتشي على حد من الشرطة ليه في المترو او صوتت و لمت عليهم الناس

يا نهار ابيض

طيب اقسم بالله منذ فتره طويله تتعدى العشر سنوات( في الفتره كنت مأجر محل ومشغله منظفات).

المهم وراجع معايا ايراد اليوم وحرامي بيسرقني حسيت بيه مسكته وهو كان ضخم وشكله وحش وخطر.

اتبت في رقبته ومش سبته اي اقسم بالله وفضلت ( أزغد فيه) في وشه وانادي واقول حرامي

حرامي وادور على على حتة عسكري او اي زي شرطه ابدا مفيش.

قلت في نفسي( كل ده في ثواني) اوقف تاكسي وارميه في قسم المنتزه وبيني وبينه القسم مفيش

حوالي 250 متر تقريبا( كنت في ميدان الساعه بالظبط) وبالفعل بدور على تاكسي

والناس قلت حد هيساعدني ويدخله معايا التاكسي وانده وابص للناس عشان تساعد او تعمل ماهو

المطلوب عليهم عمله والله ما حصل وابص في عيون الحرامي ( لقيت وكأنه بيستسمحني).

والله واتذكر انه حدث العكس ربما( بعض الماره طلبو مني ان اتركه).

وبالفعل حدث

وخد بالك ده فرد واحد

الاخت ديه لو صوتت زي ما بتقول كانت ممكن ماتت هي وزوجها وبنتها

والناس ولا هتعمل حاجه

السلبيه منهج حياه سيدي الفاضل

المشاركة الأصلية كتبت بواسطة subhimust

بيقولوا على الفيس ان المباحث قبضت عليها امبارح الله اعلم بصحة الخبر بس ربنا يكرم

اللهم ءامين.