صنى الشكل القديم 2015 ولا لوجان هاى لاين 2015
يا جماعة كنت عايز اعرف رايكوا لو انت النهاردة هتشترى عربية من الاتنين دول تجيب مين فيهم مع العلم ان اللوجان ب 116 الف بس فيها كل الكماليات والرفاهية اللى الواحد يحب يلاقيها فى عربيتة و الصنى بالاوفر برايس تقريبا نفس السعر ومنفضة من كل الكماليات والرفاهية اللى موجودة فى اللوجان ولكن فيها مميزات تانية عن اللوجان ان فيها صاج وموتور وعفشة وفتيس وتكيف احسن واقوى من اللوجان. يعنى معروف صاج الصنى اد اية هو صاج تقيل ومحمل والكل اجمع ان العربية على الطريق ثابتة جدا ومعروف موتور وعفشة الصنى انهم معمرين وقطع غيار معمرة ومعروف موتور الصنى انة وحش وسحبة ممتاز حتى وانت مشغل التكيف على اعلى حاجة ومعروف فتيس الصنى انة فتيس يبانى وطبعا ادائة ممتاز ومفيش كلام علية ومعروف تكيف الصنى انة تكيف تلاجة فى عز الصيف والحر مستحيل انك تشتكى من ضعف فى اداء التكيف مهما كان الحر ولكن الواحد النهاردة بيشوف اللوجان مليانة رفاهية مش مش موجودة فى الصنى يعنى من الاخر الرفاهية الوحيدة الموجودة فى الصنى انها اوتوماتيك فقط لا غير اما اللوجان فيها 2 ايرباج وusb وبلوتوث و abs وba و فوانيس شبورة و كمبيوتر رحلات و مثبت سرعة و تكيف اوتوماتيك و جنوط سبور وسينسور خلفى وشاشة تاتش وحاجات تانية واخيرا لو انت النهاردة هتشترى عربية هتجيب مين فيهم وشكرا
