الموضوع: هصوم ازاى كدا ؟؟

المشاركة الأصلية كتبت بواسطة abdm

اللهم أشفى أنت الشافى لا شفاء الا شفاؤك شفاءا لا يغادر سقما و أشفى جميع مرضانا و مرضى المسلمين

ربنا يتقبل منك والف شكر

يمكن المشكلة قولون لان فى الغالب مفيش اثار ليها
و عليك بالرقية الشرعية و لا تستهن بها
الرقية انقذتنى من دخول الرعاية المركزة و كان نبضات قلبي 160 غير منتظم
القولون العصبى نوبات بتروح و تيجي و ان شاء الله مش محتاجه افطار
لو انت مدخن او بتاخد ادوية تانية ممكن نشك ان لسه فيه التهاب فى المعدة

المشاركة الأصلية كتبت بواسطة miam0502788391

وهو مين اللى قال ان اى واحد يحس شوية بالتعب يقوم على طول يشرب وياكل
على اساس انها رخصة بقى
هو مش في حديث يقول ( تداووا فإن الذى خلق الداء خلق الدواء ) يبقى طالما انه ممكن يصوم وياخد دواء يفطر ليه
حضرتك مسمعتش حديث الرسول عليه الصلاة والسلام
من أفطر يوما فى رمضان بغير عذر لم يقضه صيام الدهر كله وان صامه
يعنى خلاصة الحديث يوم من ايام رمضان لا يعوض
الآية صحيح تقول ( فمن كان منكم مريضا ) لكن مش معنى ذلك ان اللى يحدد ضرر الصيام على المرض المريض نفسه
حتى اهل الفتوى أرجعوا رخصة الإفطار للمريض الى الطيبيب المعالج وهو عيه الوزر لو صرح للمريض بالفطر وهو غير مستحق له
انا بشوف ناس علشان مغص كلوى اللى حواليه يقولو له افطر وهو فى الاصل ممكن يتعالج بالحقن والمحليل الى ان ينصرف الالم ولا داعى للأفطار
تقبل مرورى

اهو الحديث الي حضرتك جايبه نفسه بيقول بغير عذر. المرض عذر منصوص عليه صراحة في القرأن. لو واحد مثلا عنده دور برد شديد و حرارة عاليه اكيد مش حيجراله حاجة لو استنى بعد الفطار عشان ياخد علاج، هل معنى كدة انه مش مرخص له الفطر؟ مين قال ان الواحد المفروض يتحامل على نفسه و يفضل متألم و مياخدش بالرخصة اللي ربنا اداهاله؟ و على فكرة اللي بيجيله مغص كلوي بالمنظر اللي حضرتك بتقول عليه ده المفروض يشرب مية و سوايل كتير مش مسألة مسكن ممكن يتاخد حقن و خلاص.

المشاركة الأصلية كتبت بواسطة 3abdo.it

الى عرفنى فى المنتدى عارف ان معدتى خربانة وتعبانة

المهم انا كل رمضان بتعب بسبب المعدة (انا بقالى اربع سنين تعبان وعندى التهابات وارتجاع فى المري بسبب اكله كلتها من الشارع)



الى حصلى انى صايم النهردة . .الم شديد فى المعدة
لما بجوع بيجيلى الوجع معلومة . من اعراض امراض المعدة والالتهابات وجع عند الجوع او وجع بعد الشبع
للاسف انا عندى الاولى مش عارف اصوم ازاى فى رمضان

الف مليون سلامة عليك يا كبير

استعن بالله و لا تعجز و أحسن نيتك و الزم الدعاء بالشفاء و الرقية الشرعية و عليك بالصدقة لأن الرسول صلى الله عليه وسلم قال: داوو مرضاكم بالصدقة

و بالنسبة لشكوى حضرتك هى بالضبط مشاكل الاثنى عشر مش المعدة

لأن التهابات الاثنى عشر أو قرحته بتزيد مع الجوع و بتحسن مع الأكل

و لازم حضرتك تاخد علاج سواء كان فيه صيام أو لأ

و العلاج عبارة عن أى مركب فيه مادة الرانتيدين و الافضل بس أغلى مادة الاوموبرازول

تاخده قبل الفطار و السحور

و غالبا مشاكل الاثنى عشر بتبقى مصاحبة لصاحب فصيلة الدم O بس مش شرط

و ممكن تعمل تحليل H pylori اللى هيا جرثومة المعدة و لو ايجابى لازم تاخد ليها علاج

و بإذن الله هتتحسن كتيييييييييير

و ربنا يعافيك من كل سوء و الف مليون سلامة

و على فكرة كلامى عن علم مش كلام و السلام

و بالنسبة للحرقان وده طبعا سببه ارتجاع المرىء ده علاجه مادة الال dompridone قبل الأكل ب نص ساعة أقل حاجة

بس العلاج مش هيقل عن ست أسابيع فى الاول و بعد كدة على حسب الاستجابة

المشاركة الأصلية كتبت بواسطة shoukry shaker

و على فكرة كلامى عن علم مش كلام و السلام

و بالنسبة للحرقان وده طبعا سببه ارتجاع المرىء ده علاجه مادة الال dompridone قبل الأكل ب نص ساعة أقل حاجة

بس العلاج مش هيقل عن ست أسابيع فى الاول و بعد كدة على حسب الاستجابة

ما هي دي المشكلة يا فندم ان مشاكل المعده لها مائة تشخيص والف روشته علاج وكلها غلابا ممكن تصيب مع واحد وتخيب مع التاني والدليل الموضوع ذات نفسه الحالة اتشخصت فيه باشكال مختلفة وادوية مختلفة

وبالنسبة لصاحب الموضوع انت ادرى بنفسك حتى احسن من الطبيب الطبيب ذات نفسه ميعرفشي الا اعراض مكتوبة في الكتب بشكل عام اما انت اعلااضك خاصة بيك انتى مفيش حد هيحس بيك الا انت فاصدق مع نفسك و حاول تاخذ علاج وان حسيت انك اخذت بالاسباب ولكن الصيام صعب عليك فعليك بالرخصة فالله يحي ان تؤخذ رخصه كما تؤخذ عزائمه

انا شخصيا لما بسافر حتى ولو سفر بسيط في رمضان افطر و اخذ بالرخصه فهي فيها اجران اجر اتباع النبي صلى الله عليه وسلم بالاخذ بالرخصة

كلامي عن تجربة لاني عندي شوية مشاكل في القولون او مفيش معرقشي المهم الاعراض مش ثابتة وكل دكتور ليه دواء و تشخيص وفي الاخر بيتهدى لوحدها بفضل الله وايام ترجع تاني لوحدها بقدر الله فمشاكل المعده صعب جدا تشخيصها و علاجها للتشابه بين الامراض

المشاركة الأصلية كتبت بواسطة hh

اهو الحديث الي حضرتك جايبه نفسه بيقول بغير عذر. المرض عذر منصوص عليه صراحة في القرأن. لو واحد مثلا عنده دور برد شديد و حرارة عاليه اكيد مش حيجراله حاجة لو استنى بعد الفطار عشان ياخد علاج، هل معنى كدة انه مش مرخص له الفطر؟ مين قال ان الواحد المفروض يتحامل على نفسه و يفضل متألم و مياخدش بالرخصة اللي ربنا اداهاله؟ و على فكرة اللي بيجيله مغص كلوي بالمنظر اللي حضرتك بتقول عليه ده المفروض يشرب مية و سوايل كتير مش مسألة مسكن ممكن يتاخد حقن و خلاص.

يا باشا الله يخليك
لاتفتى بغير علم
أجرأكم على الفتوى أجرأكم على النار
انا طبيب إخصائى اشعة ومقدرش افتى واحد بالسهولة اللى حضرتك بتتكلم بيها
لأن اللى يفتى فى المرض الطبيب المعالج
وبكرر الطبيب المعالج هو اللى بيحدد ضرر الصيام على المرض من عدمه
وكون ان الواحد يتحمل المرض او السفر ويصوم ده افضل له مش كلامى ده قرآن
( وأن تصومو خير لكم ان كنتم تعلمون ) دى تكملة الآية
ملحوظة : مش كل المغص الكلوى لازم يشرب ميه وسوائل بالعكس فى حالات مغص كلوى الألم بيزيد مع شرب المياه لوجود حصوة محشورة بالحالب وفى كل الحالات لازم مضادات تقلص ومسكن لأن المغص بيكون ناتج عن تقلصات فى الحالب مع عدم وجود حصوات ساعات