محتاج رأيكم بخصوص شقتى !!!!!
السلام عليكم
مشكلتي بأختصار اني شارى شقة ملك في عمارة 5 اداور (الدور شقة)
انا شقة و2 جيراني كل واحد في شقة
اما الشفتين التانيين جه سمسار مؤخرا واشتراهم من ملاكهم وابتدت بقي رحلة الزن علي الودان اننا كملاك نهد البيت ونطلع بعمارة جديدة لدرجة انه بيروح لواحد واحد يعرض عليه يشتري شقته بفلوس او شقة بديلة
وكل محاولاته انتهت بالرفض وتصميمنا علي اننا قاعدين في العمارة دي بوضعها دا للأبد
الفكرة كلها اني مينفعش ابيع حاليا ولا امشي لأني لسه شاري من فترة قريبة ويدوب شطبت وهأبدا اعيش فيها .. الساكنين الاتنين رافضين برده فكرة الهد بس مشكلتهم انهم علطووووول مسافرين يعني اصبحت انا لوحدي في شقتى في العمارة وانا اللي متصدر معاه دايما
دلوقتي انا ناعي هم السمسار ده ممكن يعمل حاجه لأنه اكيد مش هيستسلم .. ولا ايه ؟؟ خايف يغلس او ينخور في العمارة لحد ما تقع مثلا ؟؟ انا مش عاوز غير الاستقرار وماليش في المشاكل
تنصحوني بايه يا اهل الخبرة
يا جماعة اكتر بكتير من 200 الف
اقتباس:
المشاركة الأصلية كتبت بواسطة amr011111
انت لو وافقت اصلا تبيع بدل ما تكون نسبتك فى الارض 1/5 هتبقى نسبتك 1/12
لو اسعار الشقق فى المنطقه عندك ب 200 الف وهوه هيديك 400 الف يبقى ممكن تفكر تخدهم وتروح لمنطقه اعلى او شقه مميزه بخﻻف ذلك متديش له وش
مادام هو اللى بيضغط عليك , حضرتك تقلب الايه و تضغط انت عليه يعنى لو الشقة ( حسب الموقع و المساحة الخ) تساوى 300 الف حضرتك تطلب 600 الف و لو ثمنها 500 الف تطلب مليون و زى ما الاخ قال لو رفض يبقى يا دار ما دخليك شر و لو وافق تبقى انت الكسبان و ارجع و اقول لحضرتك عندنا فى المعادى المستأجر (مش المالك) علشان يسيب الشقة المستأجرة علشان يهدوا البيت بيأخذ مبالغ تصل الى المليون.