-
عفشه عربيه لانوس 2006
السلام عليكم ورحمه الله وبركاته
انا عملت شغل من شهر في العفشه السبب كنت بحس بالنقر وانا ماشي وتحس العربيه عايمه في المطبات الصغيره والعربيه كانت بتتهز جامد من جوا
روحت لعفشجي وبص عليها قالي المساعدين اللي ورا خفو وقالي هعمل صيانه للي قدام وجبتله مسمارين ميزان وبيض طرف واشتريت مساعدين خلفي مونرو ب 480 جنيه وركبهم المهم بعد ما ركبهم ماتحركتش بالعربيه كتير وسافرت بعدها شغل ورجعت بعدها اجرب مشاوير لاقيت في تحسن العربيه بقت ماسكه نفسها في المطب بس النقر بحس بيها شويه والعفشه بقت ناشفه اوي وبقيت احس ان العربيه زي الغربال بنفس اللفظ كدا اكني راكب غربال رجعتله بعديها باسبوعين قالي كدا يبقي فيه فرده كوتش عملت بالونه او جابت سلك روحت كشفت علي الكوتشات لاقيت فرده عامله بالونه علي خفيف اشتريت واحده جديده مكانها علي طول بس لسه الموضوع موجود وكمان وانا ماشي براحه في المطبات ساعات الدركسيون احس بخبط فيه ويلف لفه بسيطه وهو في ايدي علي سرعه قليله نفسي اعرف دا من ايه ؟؟ لاحسن خللاص الواحد قرف والله:tire:
-
مفيش حد عنده معلومه عن السبب ايه ؟
-
غير العفشجى ال بتتعامل معاه وروح لحد يعرفلك ايه السبب بس ممكن يكون العيب من المساعدين ال قدام
-
لو الكاوتش عندك قديم ..يعني عدى على إنتاجه أكتر من أربع سنين أو مشيت عليه أكتر من 40 الف ..ممكن يكون هو اللي عامل مشكلة معاك ..وممكن يكون هو اللي تلف ليك العفشه كمان وتعب لك المساعدين ..حكاية إنك بتحس بالخبط بتاع المطبات في الطاره ..فدي بقى إكشف على الإسكاترا كويس قوي عند أي حداد عفشه ..ده كده مبدأيا من خلال فهمي لكلامك
Content Relevant URLs by
vBSEO 3.6.0 PL2