أفكار غريبه لإكتشاف عطل في سيارتك
كنت قريت في منتدى سعودي قبل كده عن واحد بيشتكي من صوت صفارة عنده ..وإن الصفارة دي مع السرعات العالية قوي وبتبقى عاليه قوي بطريقه إن اللي واقف في الشارع يسمعها ..ومش عارف يحدد هي من المكنة ولا من الجير ..وراح لكذا واحد وسمع إفتكاسات كتييييييييييير ..لغاية ما اخد قرار إنه يعرف بنفسه الصوت ده جاي منين ..فقرر إنه يفك كبوت العربية ..ويخلي واحد صاحبه يقف على الإكصدام من قدام ...وعمل لصاحبه ده زي شدادات كده عشان يمسك فيها ..وفعلا صاحبنا طلع على طريق مفتوح وفتح سرعة وخلى صاحبه يسمع الصوت جاي منين ..أنا بصراحه مش فاكر بقيت المشاركة ..قد ما الموقف ده علق معايا قوي ..إزاي إن واحد عشان يحل مشكلته يعمل حركه مجنونه بالشكل ده ..
النهارده بقى أنا عملت تقريبا زي صاحبنا ده ..بس مع الفارق الكبير طبعا ..أنا دلوقتي الكوبلن الشمال عندي بيطقطق ..بس ظهر مؤخرا صوت طقه كده خفيفة لما العجلة الشمال تعدي على مطب ..بس هي صوتها طقة كوبلن .. بس الكوبلن ما بيطقطش في العدل ..هو بيطقطق في الحته دي بس ..لما العجلة الشمال تعدي على مطب وبالراحه كمان ..رحت لحداد عفشة قالي إنت عندك الركبة كلها عايزه تتغير :_Alshmokh08[1]: ..معرفش ليه ..بس هو رزعها كده وخلاص :crying1: ..رحت لحداد عفشة تاني فك الجنب الشمال كله شحمه وربطه ولهف 30 جنيه ...وبرضه الصوت زي ما هو :3mla: ..أنا بقى كل اللي شاغلني عاوز أعرف ..هل ده كوبلن ..يبقى أغيره وخلاص ..ولا دي حاجه جديده طالعالي في البخت ..بيضة مقص ولا ركبه ولا مش عارف إيه :tire: ..المهم طلعت بالعربية على طريق فاضي وفيه كام مطب ..وقمت مدي العربية الغيار الأول ..وقمت نازل من العربية وسايبها ماشيه وأنا ماشي جبنها على رجلي ..وطبعا الطريق فاضي وأنا برضه مجهز إيدي على الطاره ..أول مطب خدته العربية سمعت الصوت ...وطلع من الكوبلن لإنه كان باين قوي إنه جاي من الكوبلن وخصوصا إني كنت تقريبا حاطط ودني على الجنط ..قولت أسيبها تاخد مطب تاني ..إتأكدت أكتر إن من الكوبلن ..المهم إن كان في واحد واقف يراقب الموقف من بعيد ..طبعا معرفش قال عليا إيه في سره بس المهم إني وصلت للي أنا عاوزه :E_braces[1]:
في حد عمل أفكار زي كده عشان يقدر يعرف مشاكل عنده في العربية ...ولا دي فكره مجنونه برضه زي صاحبنا السعودي ؟؟؟؟