الموضوع: عدلت الوظيفه فى البطاقه بس فيه أ و ل زياده -_-

بص يا باشا انت عارف طبعا علشان تطلع بطاقة بتقف اد اية طوابير و عطلة و العاملات بيعدوا اد اية يفطروا دة غير ان 90% من الشغال دبلومات تجارة و تلاقيهم منفوخين نفخة بنت 60x70 و هما مش فاهمين حاجة
لو عندك استعداد تاني روح

انا بقى عندى حرف أ ناقص من الوظيفة لو ينفع تسلفنى أ الزيادة عندك :)
انا كبرت دماغى ادام شوية ابقى أعدلها ان شاء الله

هي البطاقة الشخصية دي أصلا ما أفتكرش إني أستخدمتها غير قدام المأذون ..وبعض المواقف العارضه ..زي مثلا عمل توكيل أو إستلام مستند بتوقيع رسمي ...ده مشوار قسم الشرطة ده تقيل بشكل ..هو والمرور ...وبعدين معروف أصلا إن بطايقنا اللي معانا دي ..اللي فيها لا هي صورنا ..ولا أسمائنا ..لو دققت في إسمك هتلاقي فيه همزه ناقصه ..هتلاقي تاء مربوطه من غير نقطتين ...بكمالة بقى ..عارف لو كارنيه نقابه أو جواز سفر ..كنت قلتلك إهتم وبتاع ..لكن البطاقة الشخصية !!!!!

المشاركة الأصلية كتبت بواسطة a raafat

السلام عليكم

مش هطول عليكم انا روحت عدلت الوظيفه فى البطاقه بتاعتى والمفروض الوظيفه بتاعتى أخصائى موارد بشريه
من سوء حظى وقعت فى موظفين اغبياء فى القسم اللى انا تابع ليه وكتبوها فى البطاقه أخصائى الموارد البشريه -_- فى أ و ل زياده مضايقينى اوى ده غير ان اسم الشركه اسم مركب من كلمتين الأغبيا برده مش سايبين مسافه بين الكلمتين حاطينهم ورا بعض وكأنهم كلمه واحده

ايه رأيكم اروح اجيب استماره جديده واطلع برنت تأمينات تانى واعدلها ولا مش مستاهله ؟
الصراحه مش مرتاح بيها كده ومضيقانى

هل طلبوا منك اثبات انك سبت الوظيفه القديمه زى استقاله مثلا