ركبت عده صوت وعايز رايكم ضروري
السلام عليكم
مبدئيا انا مكنش ليا في موضوع الصوت ده بس لما ركبت العده طمعت وعايز المزيد لان لسه فيه حاجه ناقصه
انا ركبت كاسيت بايونير 1750 تايلاندي
سماعتين بيضاوي ورا بايونير 500 وات
جي ام سمفوني 300 وات
صب سوني 1800 وات
الموضوع ده بالتركيب والسلوك كلفني 2300 ج
معرفش كده غالي ولا كويس .. ياريت اللى يعرف يفيدني
مع العلم انى عايز اركب سماعات ادام لان حاسس توزيع الصوت مش اد كده والرزع والهبد كويس بس كله جاي من ورا
وانا بشغل الكاسيت بكتيره علي 40 .. عايز اعرف لحد كام كويس عشان ميأثرش علي الجي ام او الصب ولا اعلي براحتي
كمان فيه خاصيه اسمها ماتركس دي بتخلي الاغاني متواصله في الفلاشه وبتداخل علي بعضها .. ده عادي ولا كده مبيديش فرصه للعده تستريح
شكرا واسف للاطاله