دايهاتسو أصلاَ تبع تويوتا ده مش تقليد دي حاجة تسويقية لا غير .
يعني لو دورت برضه هتلاقي دايهاتسو سيريون هي هي تويوتا باسو هي هي سوبارو جاستي و قريباَ هتنزل بإسم هوندا كمان .
عرض للطباعة
دايهاتسو أصلاَ تبع تويوتا ده مش تقليد دي حاجة تسويقية لا غير .
يعني لو دورت برضه هتلاقي دايهاتسو سيريون هي هي تويوتا باسو هي هي سوبارو جاستي و قريباَ هتنزل بإسم هوندا كمان .
حاجة غريبة انا مش فاهم اية الفايدة ان العربية تنزل باسم شركة تانية حتى لو الشركة دية تتبع لمجموعة واحدة ام لكل الشركات اية ياعنى تسويق هى لو نزلت العربية هاتشباك لشركة معروفة بالسيدان مش حنمشى حتى لو ممتازة زى الماتيتريا دة مش حيخلى العربية تتسوق لية ؟؟ طيب مفى شركة زى مرسيدس بتزل السمارت وال سى 180 والبى ام بتزل الفئة ال7 والهاتشباك ؟؟؟
كل سوق له الأسماء اللى بيحبها وبتعمل شغل معاه، من كام سنة لما كانت عربيات دايو بتتباع فى الخليج باسم دايو كانو معتبرينها قمامة متحركة، لما نفس العربيات بيعت لهم باسم شيفروليه خدت شريحة كبيرة جدا من السوق عندهم وبقت الناس تحلف بيها، والحال هو هو فى مصر لدرجة ان ناس كتير جدا ممن اشترو سيارات دايو التى تبيعها جنرال موتورز باسم شيفروليه لو قلت على عربياتهم دايو يعتبروا انك بتشتمهم ، ولو جبت لهم صور نفس العربية فى بلد تانى عليها علامة دايو يقولوا عليك انك كداب ومزور
كما ان فيه شركات لا تجيد انتاج فئة معينة من السيارات تشترى هذة السيارات بكميات من شركة اخرى وتضع علامتها عليها، فسيارات هيونداى فى التمانينات واوائل التسعينات كانت تباع فى امريكا تحت مسميات دودج وسيارات سوزوكى(التى تملك جزءا منها جنرال موتورز) كانت تباع فى امريكا تحت اسم شيفرولية وبونتياك لأن هذة الأسماء اكثر قبولا لدى الشعب الأمريكى، ومثلا موديلات مازدا التى بيعت فى امريكا لسنوات تحت اسم فورد وهكذا
الكيا برايد كانت بتنزل وعليها شعار فورد وشعار مازدا لأنها إنتاج مشترك بينهم
البيجو 4007 بتنزل بإسم ميتسوبيشى وبإسم سيتروين وعلى فكره بيجو وستيروين شركه واحده
الأوبترا بتنزل فى دول تانيه بإسم دايو لاسيتى
الدبابه النص نقل كانت بتتباع فى مصر بأربع أسماء شيفرليه وايسوزوا وبيدفورد وجى إم وكثيرا ما حصلت مناقشات ومناوشات وخلافات بسبب مين الأفضل الشيفرليه ولا الإيسوزوا وفيه اللى كان بيقول إن الدبابه هى البيدفورد فقط والدليل (طلع الدبابه يا على بيدفورد )
أخيرا الشيفرليه لانوس وطبعا كلنا عارفين إنها عربيه جديده كليا وما لهاش أى علاقه بالدايو لانوس
كيا كانت بتشتغل بتكنولجيا مشتراه من مازدا لسنوات طويلة والكيا السيفيا كانت هى المازدا 323 (التسعينات طبعا مش التمانينات اللى كانت عندنا) بنفس كل شئ فيها فيما عدا الفوانيس، والكيا برايد كانت هى المازدا 121 لكن موديل سابق على المازدا 121 البيضاوية اللى نزلت عندنا، ولذلك فالموديل مازدا 121 والذى كان يباع فى امريكا باسم فورد فييستا هو نفسه الكيا برايد الكورية فيما بعد وهو نفسه الذى صار الكيا سابا التى تنتجها ايران ، يعنى كانت فورد امريكانى وهى نفسها بدون تغيير بقت سابا ايرانى اللى هم بيطيقوا العمى وميطيقوش امريكا، شفت الزمن؟