يا باشا الحمار مش مكلف دا تدليس من الجزارين عشان يبعدوا الشبهه ,بس حلوة اوي من يعلن بقت يلعن .دا سيدنا عمر وقف الحدود في الرماده ومنع المتعه يعني اجتهد ومخافش ولا اتمترس بالنصوص.
عرض للطباعة
ياباشا واضح إن في لبس حاصل مع حضرتك ..فيه حديث أنا ذكرته لحضرتك في تحريم الحمر الأهلية وحضرتك ما رديتش عليا فيه ..وتمسكت بقول الشيخ الشعراوي لما قال إن لحم الحصان مفيهوش حاجه ..لكن أنا معرفش هل لو المذيع سأله وقام قايل للشيخ ..ولحم الحمر الأهلية يا شيخ حرام ؟؟؟..حضرتك متعرفش الإجابة في الحالة دي إيه ..وبعدين خلي بالك ..إن في التحريم والتحليل لازم ناخد إجابات صريحه من المفتي ..يعني ما ينفعش ناخد من كلام المفتي اللي إحنا فهمناه وخلاص ..لإن المفتي ده قاعد قدامنا وبنسأله زي ما إحنا عاوزين ..فعشان كده لازم يكون كلامه من حرام وحلال صريح وواضح ومباشر .....وبعدين إيه حكاية الزواج العرفي وزواج المتعة دي كمان ؟؟ ..هو لما النوعين دول من الزواج يحرموا ..يبقى كده سبل الحلال سدت ؟؟؟!!!!!!!!!!!!!!!
سيدنا عمر لم يوقف الحدود فى الرماده انما اوقف حد السرقة عام المجاعة و تفسير شخصى قد يكون مخطئا منى ان السارق ربما سرق لينقذ حياته و الحدود تدرأ بالشبهات
الذى حرم لحم الحمر الاهلية و المتعة هو الرسول صلى الله عليه و سلم عام خيبر--يعنى مش اجتهاد من عمر
مش عاجبنى اسلوب بعض الفقهاء لما يدور على قول شاذ او قول مخالف للنص او قول قد يكون غير معتمد من مذهب عشان عاجبه
و هل هناك نص للمغالاة فى المهور؟
هل تمترسنا بنص لمغالاة المهور فانتشرت الرذيلة؟
ام ان الناس تغالوا فى المهور و حفلات و مظهره كذابه و فى النهاية محدش عارف يتجوز؟
الذى جاء للرسول صلى الله عليه و سلم و ليس معه حتى خاتم من حديد(حتة حديدة مش عنده) و لا عنده اى شىء يدفعه مهر و بالرغم من ذلك الرسول زوجه بما معه من القران
فنحن الذى قفلنا على نفسنا باب الحلال فانفتحت امامنا ابواب الحرام
اول زياره دبله و محبس
بعد كده شبكة فوق 15 الف
هدايا كل شويه حتى الزواج
حفلة شبكة
حفلة فرح
جهاز كامل متكامل حتى الاطفال الذين لم يأتوا بعد عاملين لهم غرفة مع انهم لسه هيتحمل بيهم و يتولدوا و بعد كام سنه لما يكبروا هيناموا فى غرفة الاطفال الى ابوهم عملهالهم منذ ما لا يقل عن خمس سنوات
شقه متشطبه سوبر سوبر لوكس
العريس طالب جامعى او لسه متخرج و اهله موظفين
أين المفر؟
فالمشكلة فى المظهرة الكذابه
كل الفيلم الهندى ده عشان يتقال فلانه اتجوزت بكذا و شبكتها كذا و فرحها كذا و جهازها كذا و فلانه مش اقل من جارتها و لا اقل من بنت خالتها
و بعد الجواز بأسبوع محدش هيهمه هى نايمه على سرير او حصيرة
فقط مظاهر امام الناس اول اسبوع زواج
العقلية دى لازم تتغير مش اننا نقول لعيل و عيلة فى قعدة انس يجيبوا ورقة يكتبوا عليها عقد و لا يتجوزها بالواتس اب و لا يتجوزها اسبوعين
لا انا و لا انت نرضى لبناتنا ذلك
مجتمع يعلم ان اقلهن مهورا اكثرهن بركة و مع ذلك واخدها سبوبة و منظره
فبدلا من اصلاح المجتمع نخبط فى الدين عشان خاطر ام هذا المجتمع على اساس ان الدين هو الحيطة المايلة
و نضرب بالنصوص عرض الحائط لاجل خاطر من لا يبالى بالنص اصلا
ثم نسمي ذلك اجتهادا...اى اجتهاد؟! المرض فى المجتمع
اقرع الباب و افتحه بدلا من هدم الحائط لتخرج
و الا سينتهى هذا الاجتهاد المتبع لشهوات و اهواء من لا يبالى الى تحليل الزنا صراحة