عرض للطباعة
لو سمحتم انا طالب مساعده في شراء سياره شاهين
انا لسه متعلم السواقه وكنت عايز اشتري عربيه وغالبا حتكون الشاهين لرخص قطع الغيار والتحمل بتاعها
ومعروض عليا عربه موديل 97 ب31 الف جنيه ياتري السعر مناسب وصاحبها بيقول كان شاريها من شركه وحالتها حلوه
واكشف عليها أزاي؟ لان خبرتي في الميكانيكه ضعيفه
ولو حد عنده اي اقتراحت تانيه في سعر من 30الي 35 الف ممكن ينصحني بيه وشكرا
35 ممكن تجيب بيهم هيواندى اكسنت قطع غيار متوفرة وببلاش ومنظرها احسن من الشاهين بكتيررررررر
31 الف ده سعر يخوف لان المفروض سعرها الطبيعى لو هى حالتها كويسه فوق 35 الف
لو عجباك يفضل الاول ترفعها فى بنزينه كويسه و تختبر الموتور كمان
اهم حاجه حاله الشاسيه - ميكنش عامل حوادث مؤثره
و حاله الموتور فوق 80 %
و اعتقد ان باقى الحاجات يمكن تظبيها بمبلغ فى حدود 2000 جنيه زى العفشه و الفرش و الكهرباء و خلافه
+11111111111اقتباس:
المشاركة الأصلية كتبت بواسطة diesel
الف شكر علي الرد والاهتمام بالموضوع
بالنسبه للاكسنت انا كنت عايز اجيبها بس خايف من المطبات علشان العربيه واطيه شويه وفي ناس بتقولي ان صاج العربيه ضعيف خصوصا اني لسه في الاول
بالنسبه للسعر في ناس بتقولي كويس علشان سعر العربيات نزل وفي ناس بتقولي ان ممكن يكون فيها حاجه
طيب ياجماعه في ناس اقترحو عليا اني انزل سوق الجمعه واشوف عربيه من هناك واخد معايا ميكانيكي