السلام عليكم
انا لسه شارى عربية جديد و روحت امتحنت عشان اطلع رخصة قيادة فى مرور حدائق الأهرام اللى هو لسه فاتح جديد و مكانه فى فيصل
و للاسف سقطت فى امتحان الاشارات و قالولى بعد 3 شهور و طبعا انا مش عارف اعمل ايه و العربية هتفضل مركونة كل ده حد يعرف اى حل اعمله ؟
فيه ناس قالتلى اروم مدرسة تعليم سواقة تابعة للمرور و هاخد منهم شهادة انى امتحنت و
بس مش عارف الموضوع ده اكيد و لا ايه و مش حابب استتى ال 3 شهور حد يترف اعمل ايه ؟
انا بطاقتى على حدايق الاهرام
خد ورقك كامل و روح هناك كلم الموظف المسئول عن مدرسة المرور و خليه يحط ورقك مع ملفات قديمة من 3 شهور و خش امتحان المدرسة (السهل جداً) و هتاخد الرخصة في نفس اليوم بس أهم حاجة لازم الباشا يشرب الشاي
اقتباس:
المشاركة الأصلية كتبت بواسطة eng.mark
6
معلش تقصد اروح فين بالتحديد مرور حدايق الاهرام يعنى ؟ و حوار ال 3 شهور و الملفات ده هيتم فين ؟ فى المرور و لا مدرية السواقة معلش محتاج توضيح ☺
.......................
تروح المرور اللي انت تابع ليه و تظبط مع الراجل اللي ماسك تقديمات مدرسة المرور إنك مستعجل علي الرخصة و قوله يحط ملفك مع ملفات قديمة من 3 شهور بحيث إنك تمتحن علي طول امتحان المدرسة (من غير اختبار إشارات) و تاخد الرخصة :)
هما اللي بيروحوا يمتحنوا عن طريق المدرسة بيبقى الإمتحان بتاعهم ..كده وكده يعني ..لكن هو بيبقى في إمتحان وبتاع ...لكن طبعا ..ها ..فهمني مش كده ..المهم ...لازم تفهم الموظف أو العسكري إنك ساقط سواقه ..عشان يعرف إنك مفتوح ليك ملف ..عشان ممكن بعد ما تدفع إيصالات المدرسة يرجع يقولك الله ...إنت واخد ميعاد بعد تلات شهور ..مش هينفع ..اقتباس:
المشاركة الأصلية كتبت بواسطة eng.mark
انا سقطت اشارات و كان فيه ناس كتير سقطوا :( يعنى ممكن يكون ليها حل و لا مفيش امل ؟؟!!اقتباس:
المشاركة الأصلية كتبت بواسطة abo_mazen
ما هو السقوط وتأجيل الإمتحان بيبقى داخل في الإتنين مع بعض ..غير لو ضابط الوحده ليه رأي تاني ..يعني ممكن ضابط الوحده يعمل نظام كده مع نفسه في الوحده بتاعته إن اللي سقط قياده ييجي بعد تلات شهور يمتحن قيادة ..وإن اللي سقط إشارات ييجي بعد تلات شهور يمتحن إشارات ..وممكن يقولك لأ ..اللي سقط وأخد تأجيل يبقى يعيد الإمتحان كله ..قيادة بإشاره ..طبعا في بلدنا الجميلة دي :_Alshmokh08[1]: ما دام الفلوس دخلت في الموضوع يبقى في أمل لأي حاجه وكل حاجه ...روح بس قدم في مدرسه القيادة وقول للموظف اللي بياخد الملف إنك سقطت ..طبعا الموضوع هيبقى تسويه غير قانونيه ..فعشان كده حاول تشوف عسكري هناك يخلصك في القصة دي ..اللي هي بتاعة يلاغي الموظف إنك ساقط عشان ممكن يفتحلك ملف جديد وتعدي وخلاصاقتباس:
المشاركة الأصلية كتبت بواسطة kareemoo
بالظبط كدةاقتباس:
المشاركة الأصلية كتبت بواسطة Abo_Mazen
اقتباس:
المشاركة الأصلية كتبت بواسطة abo_mazen
تمام هروح و ربنا يسهلها يارب ينفع
المدرسه ممكن تاخد وقت
لو تعرف حد فى المرور هايخلصلك الموضوع ده ف يومين ومش لازم تنجح اختبارات
انا بدور على اى حد يقدر يتصرفلى بس الحقيقة مش لاقى اى حد يقدر يخلصلى الموضوع ده حتى لو بفلوساقتباس:
المشاركة الأصلية كتبت بواسطة j a g u a r
بفلوس أي أمين شرطة يخلصلك الموضوع بس تقل جيبك شوية لأنك ممكن تروح بعد 3 شهور و برضه ماتنجحش لا قدر اللهاقتباس:
المشاركة الأصلية كتبت بواسطة kareemoo
امين شرطة فى المرور نفسه و لا امين شرطة فى مدرسة السواقة ؟اقتباس:
المشاركة الأصلية كتبت بواسطة eng.mark
و مش مشكلة اتقل جيبى و خلاص بدل العربية متتركن الفترة ده
......................
يا سيدي أنا قطعت إيصالات مدرسة سواقه وروحت إمتحنت في ساعتها في نفس ذات اليوم ..اقتباس:
المشاركة الأصلية كتبت بواسطة kareemoo
..........
نفعت معاك موضوع المدرسة والا طلع حوار