عرض للطباعة
انا عندى عربية شيرى كيوكيو مانيول 2005
العربيه مره واحده الحراره بتسخن موت ولو سبتها شوية ولا لتاني يوم العربية تشتغل عادى ولا هنا
يقولولى دورة المياه مفيشهاش مشكله - حساسات الحراره كشفت كمبيوتر مفيش حاجا
قالولى شيل الثرموستات شلتها علشان لو بتقفش و غسلت الردتير و كل الشقلبه الممكنه
محدش يقدر يفدنا ايه ممكن السبب
هل اغير طرمبة المياه و محدش يعرف تقريبا تدخل فى كام فلوس ؟؟؟؟
لما العربية بتسخن ..بتلاقي المياه فايره في القربه ؟؟؟؟؟
ايوه المياة بتكون بتغلى فى الاربه
فى كلام بيقول ان ممكن طرمبة المياه تكون ضعيفه فمبتقلبش ولا حاجا بس المشكله انها بمزاجها
محدش عنده حل للموضوع دا
ويترى هل ممكن يركب فيها طرمبة الماتيز ولا لأ
ياباشا أنا سألت حضرتك وقولت ..بتبقى المياه فايره ..؟؟...مقولتش هل بتبقى المياه بتغلي ؟؟؟...فايره يعني بتبقى عاليه في القربه ...هل بتبقى المياه عاليه في القربه عن مستواها الطبيعي ..عشان ممكن يكون الهيد فيه مشكلة عندك فعشان كده أنا بسألاقتباس:
المشاركة الأصلية كتبت بواسطة tryme_nor
اولا انا بشكرك جدا علي اهتمامك بالرد وكل سنه وانت بالصحه والسلامه
والله والعربيه مفيهاش المشكله دي المياه في القزبه بتكون عادي جدا لكن لما بتقفش الميه بتكون لاخر الاربه و بتغلي والراجع بتاع دورة المياه والله انا حاسس بيكون ضعيف اكن طرمبة المياه قفشه بس شغاله مش وقفه خالص ومره وحده تلاقي كل حاجا فكت و العرييه شغاله عادي جدا اكن مفيش اي حاجا
طيب هو فككان القفشان اللي حضرتك بتقول عليه ده ..مرتبط بشغل المروحه ؟؟؟..أقصد يعني لما بتبقى الدنيا قافشه عندك والمياه عاليه في القربة وبتغلي والحرارة عاليه والزيطة دي كلها ..وبعدين تلاقي المروحه إشتغلت هوب تلاقي الدينا راقت كده فجأة ؟؟؟؟ولا إيه اللي بيحصل بالضبط؟؟؟ ..معلش عايز تفصيل ممل عشان أقدر أساعد حضرتك واحده واحده كدهاقتباس:
المشاركة الأصلية كتبت بواسطة tryme_nor
كان عندي نفس المشكلة بالضبط في موديل 2006 و دخت السبع دوخات و كانت المياه في القربة بتعلي و تطلع برة و طلع جوان وش سلندر و الحمد لله الحرارة بعدها تمام
اقتباس:
المشاركة الأصلية كتبت بواسطة habib47
والله شكلها نفس المشكله بتاعتك لسه مدبس في طرمبة ميه جديدة و شلت الترموستات و الموضوع مستمر علي الرغم كونسولتوا الميكانيكيه بيحلفوا ان الماكينه مفيهاش وش سلندر بس هو واحد بس اللي قال نفس كلامك قبل ماعمل اي حاجا بس للاسف مسمعتش كلامه واتكيفت مصاريف علي الفاضي
بس موضوع الجوان دا موضوع كبير ومكلف ولا ايه بالضبط لان العربيه مقفشتش اصلا مني
كمان نصيحه طرمبة ال ٨٠٠ ملهاش مكافئ ولا الماتيز ولا ١١٠٠ بيركبوا عليها
اخر حاجا هو الجوان دا شغال ببديل ولا لازم بتاعاها
هي حاجة بسيطة بس كانت مدوخاني زمان
ممكن تجرب تغير غطا الرادياتير
كانت عندي المشكلة دي قبل كدة والمياة كانت بتبقى زايدة في القربة واحيانا كانت بتطلع من غطا القربة كمان
الفكرة ان غطا الرادياتير بيبقى فيه حاجة كدة زي صمام بيودي المياة للقربة ويرجعها تاني
لو الصمام دا فيه مشكلة الغطا مش بيأدي دورة وبيودي المياة للقربة وبيرجعها بنسبة اقل
أنا بقول فعلا مبدئيا غير غطا الريداتير ..إبتدي بالسهل والرخيص ..هو طبعا حضرتك خلاص صرفت والموضوع فعليا فتح معاك ..بس بنقول برضه يبقى إحتمال وإنتهىاقتباس:
المشاركة الأصلية كتبت بواسطة hamaza81
اولا انا شاكر جدا اهتمامكم بالمتابعه
انا فعلا اول حاجا غيرتها كانت غطه القربه بس الموضوع متحلش
والميكانيكي اللي قالي جوان انا مصدقتوش
ورحت لكذا واحد تاني كلهم اجمعوا طرمبة المية خصوصا صوت الماتور عادي جدا والعربية شغاله كويس مفيش مشاكل
دا اللي خلاني اغير الطرمبه ولاسف وهما بيفكوا القديمه كانت قفشه لانها اول مره تتفك كسروها فولا استنفعت بالقديمة قطعة غيار اصلية ولا طلعت هي المشكله اصلا
هو السؤال موضوع الجوان تكلفته كام لاني المفروض اغير الديسك بس مش هقدر افتح كله مره وحده علشان التكلفة
مش هتعدي ال 500 جنيه
حضرتك غيرت غطا الرادياتير واللا غطا القربةاقتباس:
المشاركة الأصلية كتبت بواسطة tryme_nor
لاني بهتم جدا بغطا الرادياتير
ياباشا مفيش غطا ريداتير بس قربه و دا اللى غيرته وغيرت طرمبة المياهاقتباس:
المشاركة الأصلية كتبت بواسطة hamaza81
ممكن سؤال - هي اتحلت ولا لسه في عندك نفس المسكلة ؟
انا سكن في المقطم وعندي مشكله في كهرباء السيارة عاوز اعرف محلات قطع الغيار وكمان ميكانيكي فاهم واهم حاجة امين - لان فيه واحد في مساكن عين شمس شغال في الشيري لكن للاسف حرامي غير عمود الكامات الجداد وحطط مستعملين وبايظين واستغل اني مش واقف معاه وكان عاوز يبيعهملي كانهم استيراد - ودفعت فلوس كتيير على الفاض حسبي الله ونعم والوكيل