نايل موتورز لحس لي مخي خلالالالالالالاصصصص

**OlaOsman** · 15-11-2008 02:31 PM

لما بادخل أي منتدى تاني أو حتى أي موقع عادي و ألاقي حد كاتب بالأحمر، لوهلة كده و لمدة أقل من الثانية بييجي في بالي إنه دلوقتي الإدارة تنبهه و بعدين بافوق لنفسي في ساعتها ان انا مش في نايل موتووووووووووووورز

كنت على كوبري 15 مايو من يومين في اتجاه ميدان لبنان الصبح، و طبعا الناحية التانية من الكوبري كالعادة واقفة تماما.. بابص لقيت سيريون مارون على الناحية التانية فيها واحد سايق و واحدة قاعدة جنبه مستنيين الفرج، قلت دول تلاقيهم ara و زوجها ياسر اللي قابلناهم في مقابلة الدايهاتساوية من شهر تقريبا و طبعا عشان انا كان طريقي ماشي مالحقتش أميز شكلهم اوي، بس رجعت افتكرت ان عربية ara غالبا مش مارون :o

لما في شغلي باعمل انترفيو لحد senior و أسأله عن الpackage اللي بياخدها من شغله و يقول لي انه داخل فيها company car بالاقي نفسي باسأله عن نوع العربية. طبعا هو ممكن يكون جزء من الانترفيو عشان أقارن باللي ممكن يقبله من وظيفة تانية الشركة عارضة برضه عربية من ضمن الباكدج، يعني السؤال داخل في صميم الانترفيو برضه، بس بيني و بينكوا انا باكون باسأل عشان جالي هوس بأنواع العربيات و ماركاتهاها، و ساعات بابقى عايزة أنصحه مثلا انه المرة اللي جاية يفكر في كذا.. و هكذا

اللي أكتر من كده اني لما باشوف CV لحد كاتب فيها بيانات عن رخصة القيادة بابقى نفسي ألاقيه كاتب ماركة عربيته.. و ده طبعا مستحيل يكون موجود في CV، و لو موجود هايبقى مش بروفيشونال خالص.

شفتوا نايل موتورز وصلني لفين

**MedaSam** · 15-11-2008 02:51 PM

و لسسه ..... و لسسه .....

أنا ساعات ببقى مش فاضي و عايز انزل و ألاقي موضوع على NileMotors ..... أقوم أقرا الموضوع ..... و لو عاجبني اخلص المشاركات ....... و أنسى الخروجه ..... الموضوع ده بجد حصلي كتير و مش عارف اتخلص منه

موضوعات الحوادث و السرقات اللي بقرأ عنها ....... هي اللي بيتأثر عليا جامد ........ و بتخليني أخلي بالي من حاجات مكنتش باخد بالي منها

**iunknown** · 15-11-2008 03:10 PM

المشاركة الأصلية كتبت بواسطة OlaOsman

لما بادخل أي منتدى تاني أو حتى أي موقع عادي و ألاقي حد كاتب بالأحمر، لوهلة كده و لمدة أقل من الثانية بييجي في بالي إنه دلوقتي الإدارة تنبهه و بعدين بافوق لنفسي في ساعتها ان انا مش في نايل موتووووووووووووورز

الموضوع ده بالذات عامل لي هسهس ماحصلشي وبأقول ربنا يكون في عون الادارة

وبعدين أفتكر اقول لنفسي اصحي بقة يا أخي

ده هناك مش هنا

بس بجد الادارة لازم تشوف لها حل في الموضوع ده
بيفكرني بايام ابتدائي

محدش يكتب بقلم احمر علشان ده قلم التصحيح بتاع الاستاذ

وياويله اللي ينظبط معاه قلم احمر

ينظبط معاه بس مش يكتب بيه

**MoToRiZeR** · 15-11-2008 04:13 PM

المشاركة الأصلية كتبت بواسطة OlaOsman

بس رجعت افتكرت ان عربية ara غالبا مش مارون :o

هههههههههههههه فعلاَ عربيتهم سودة

انا بقي لسة إنهاردة حالاَ و انا عالمحور و عديت الصحراوي لقيت قدامي سيريون فضي الدلاية الشمال مخبوطة .. قلت بس .. علي راجع من الشغل .. قعدت أجري ورا العربية لحد ما جيت جنبه و ببص في مرايته الشمال لقيت الراجل شعره أبيض ..

و إمبارح برضه كنت في هايبر وان و ركنت جنب سيريون سودة قلت ممكن يطلعوا ياسر و هند ماهم في الشيخ زايد .. و حاولت أفتكر أي حاجة مميزة في عربيتهم من المقابلة معرفتش .المفروض نركب جهاز GPS يرصد عربيات نايل موتورز القريبة في المنطقة بدل المقالب دي

أو عربيات الرادار عالمحور تديك معلومات في شكل "إنت تخطيت السرعة بمقدار 20 كيلو في الساعة .. و فيه واحد من نايل موتورز لسة معدي من شوية "

**mohamed2002** · 15-11-2008 04:26 PM

بجد بقي شئ يومي اساسي في حياتي
الصبح قبل ما انزل من البيت
الضهر وانا في الشغل
بليل وانا في البيت برضة :)
طول ما قدامي جهاز كمبيوتر اكيد نايل موتورز قدامي

**elassar2010** · 15-11-2008 05:25 PM

فعلا منتدى رائع دة احسن منتدى انا دخلتة وهو الوحيد الى بشارك فية وبستفيد من اراء المشاركين فية
ان مش خبير فى النت بس انا فعلا ماشفتش منتدى مستواة راقى كدة وعصرى كدة بيتكلم عن كل حاجة بتحصل مش متخصص فى اغانى وافلام والهجص دة زى كتير من المنتديات

**Ahmed Samy** · 15-11-2008 06:38 PM

طب والله العظيم يا أستاذة

انا و انا باكتب ورقي على الوورد (مش نت اساسا) باتفادى اللون الأحمر :) و لما احب اكتب حاجة مهمة باكتبها بنى

من اسبوعين كده اكتشفت الحكاية دي لأنى ماكنتش واخد بالى

نايل موتورز بقى جزء منى فعلا

**MTAK** · 15-11-2008 06:43 PM

فعلا اصبح عندنا انواع من الهوس بهذا المنتدى
-----------------------
منتدى المنتديات
بتاع كل العربيات
من الزمن اللى فات
و لبعد زمن الجات
-----------------------
و اكيد السبب فى كده
هو حاجات كتيرة
الشفافيه بين الاعضاء
و الاخوة
و
و
و
و

ربنا يكون فى عوننا