الموضوع: محتاج حد يشتريلي ماوس من على موقع

المشاركة الأصلية كتبت بواسطة mr.a

لو عايز ماوسات كويسه شوف راديو شاك بيكون عنده تشكيله ممتازه
برشح لحضرتك جينسس / مايكروسوفت / لوجيتك

انا لفيت سوق العصر وكل المولات اللي في الخليفه المامون زي السخاوي
والبستان .. ومول المهندسين اللي في جامعة الدول العربيه

مش عارف ايه اللي حصل .. كل المنتجات جوده رديئه .. اي ان كان سعرها حتى ابو 500 جنيه مش داخل دماغي

الماوسات الجيمنج .. كلها حجمها كبير زياده عن اللزوم وفيها زراير كتير .. وتصميم الماوس زفت
الماوسات العاديه .. فيها عيوب العالم كله

جايب حوالي تلات ماوسات لحد دلوقت في اسبوع وركنتهم بعد التجربه

اخرهم ماوس ميكروسوفت 3000 ويرليس .. ماوس تعبان وتعبلي صباعي وحجمه صغير

وموضة الويرليس دي رخمه ومش عمليه .. وبتغير في وزن الماوس علشان البطاريه .

الماوس اللي انا عايزه شركة ادفعلي حسبته ب 88 دولار لان الشحن من ماليزيا لمصر متكلف 59 دولار لوحده .. ويوصل خلال شهرين .. طبعاً كنسلت الاوردر .

حتى الكيبوردات اللي في السوق سواء عادي او احترافي .. كلها تعبانه وتصميمها تعبان

والموضه اللي طالعه تلاقي مفاتيح ملونه .. هي ناقصه خيله

كل المنتجات جوده في النازل وسعر في الطالع

انا اخر مازهئت .. جبت المفكات والعده وفكيت الماوس مليون حته .. والحمد لله صلحته واتحلت مشكلته .

هبقى اروح بردو راديو شاك اشوف ايه اللي معروض .. ويارب الاقي حاجه عدله .