ماهى مميزات وعيوب الكرولا العيون؟ ولماذا الناس تخاف منها
ياريت منواقع تجربة السيارة العيون
وماهى اكثر مشاكل بها وماهى مميزاتها؟
ماهى مميزات وعيوب الكرولا العيون؟ ولماذا الناس تخاف منها
ياريت منواقع تجربة السيارة العيون
وماهى اكثر مشاكل بها وماهى مميزاتها؟
أول مره أعرف إن الناس بتتخوف من الكورولا عيون !!!!!!!!!!!!!!!
الكرولا العيون بشوف ناس كتير مبتحبهاش وبتقلق منها وعاوز اعرف السبب....
حلوة وكويسة وزى الفل
وفى رأى احسن من الموديل السابق اللى بينطلب فيه اسعار عبط
عيبها انها موديل 1998 و 1999 بس
وفى موديل 2000 عدلوا شكل الفوانيس الامامية شكل bmw
اصل عيونها مدوره فبيخافوا من حسدها.
العربيه دي ركبتها زيرو كتير سنه 2000
عربيه تحفه ناعمه جدا جدا
تكييف تلاجه
واسعه
بس بعد مرور خمسه عشر عام
الله اعلم بيها
ركبتها مره .. حلوه
يمكن علشان الناس كانت بتفضل الشكل اللى قبلها ( و كان بينزل منه الخليجى الكامل بفتحه السقف )
و برضه علشان الشكل ده لم يستمر كثيرا
كل الآراء اللي قريتها بتقول إن الناس بتفضلها أو مش بتفضلها ..لكن مش لدرجة التخوف يعني
العربية دي محترمه جدا جدا جدا وانا اعي ما اقول
العربية اعتمادية درجة اولى
عيوب مفيش غير ان الناس كانت شايفه انها ضيقة بالنسبة للموديل اللي قبلها مش اكتر
انا راكب العربية دي من الزيرو تقريبا . العربية ممتازة جدا جدا جدا . مفيش اي مشاكل نهائيا . موتور 1300 موفر في البنزين بالرغم من انو كربراتير . تكفيها بيحسسك انك قاعد في فريزر لدرجة اني مبستحملوش . العربية ناعمة جدا جدا . و عفشتها قوية جدا . و اعتمادية العربية جبارة عيوبها ممكن يكون شكلها مش بيعجب بعض الناس . و سعرها كان عالي بالنظر الي الكريستالة . اهم حاجة انك تلاقي حالة كويسة للعربية لان اخر مرة تم انتاج العربية من 17 سنة
أعتقد إن المشكلة الأساسية فيها إنها كانت أول كورولا تنزل مصر وما كانتش تقفيل ياباني (أعتقد إنها كانت تايلاندي).
ده غير إن في الفترة دي كان سوق السيارات في مصر كان منتشر فيه العربيات "المحروقة" بكثرة.. وكلمة "محروقة" مقصود بيها إن سعرها محروق وأقل من قيمتها بكتير نتيجة ممارسات كانت التجار بتعملها علشان تمشي البضاعة الراكدة عندها.
أنا فاكر كويس إن الكورولا دي كانت بتتباع "محروقة" بحوالي 45 ألف جنيه.. في حين إن سعرها من التوكيل كان حوالي 55-60 ألف.
...
فعلا الفتره دي في التسعينات كان فيه فقر في السيوله ,والتجار كانت بتحرق السعر عشان يجيبوا كاش.اقتباس:
المشاركة الأصلية كتبت بواسطة borio1704
بالمناسبه اللوجو بتاعك يا بشمهندس هو بتاع التويوتا القديم ,شفته في فورك تويوتا عتيق.
اقتباس:
المشاركة الأصلية كتبت بواسطة Mecha
أيوه.. اللوجو ده فعلا بتاع تويوتا في السبعينات والثمانينات... الفترة الذهبية لصعود السيارات اليابانية.
http://toyotaclubksa.com/forum/pictu...&pictureid=593
أنا عن نفسي بحب اللوجو ده أكتر من لوجو تويوتا الحالي.. خصوصا إنه بيفكرني بسيارة والدي "تويوتا كريسيدا 82" واللي سقتها أنا شخصيا فترة كبيرة جدا.
http://nileup.com/up/uploads/nilemotors_14347221081.jpg
...
فيه قصه ماشيه عن كريسيدا التمانينات دي ,ان شركة تويوتا بتمقتها .لانها مستنفعتش منها في قطع الغيار هههههههه.اقتباس:
المشاركة الأصلية كتبت بواسطة borio1704
العربيه دى فى السعوديه كان هناك رقابه من المرور على ترخيصها و الاهتمام بها بالذاتاقتباس:
المشاركة الأصلية كتبت بواسطة mecha
كانت سريعه جدا فى الصحراء .. و اعتقد انهم فعلوا ذلك بسبب المهربين مثلا .. الله اعلم
الله يرحم السبعينيات .. الداتسون 140 بى و الداتسون 180 بى .. و بعدين المازدا 929 الاسبور القديمه و الداتسون 240 .. عربيات جميله ايضا
مكانش لسه بقى طلع الحقن الالكتروني والمحركات الألمونيوم ..كانت الدنيا لسه سهلة في عالم الميكانيكا نوعا مااقتباس:
المشاركة الأصلية كتبت بواسطة tasaka
انا معايا كورولا عيون من سنة تقريبا
هى نفس عفشة وموتور الموديل اللى قبلها بس اختلاف الشكل وان المساعدين اقصر فى الموديل السابق
لو قدامك حالة كويسة توكل على الله
العربية كاعتمادية رقم 1
ولكن الموتور ال 1300 اداءه ضعيف شوية وان كان بيأدى برضو وبيوصل ل 140 بس مع التكييف بيموت بالذات لو الجو حر
الثبات معقول وان كان بيضيع بعد ال 120 وكمان لو فى مقطورة معدية بتحس العربية بتلعب من ورا جامد
استهلاك البنزين معقول جدا من 200 ل 230 كيلو فى الصفيحة حسب الاستخدام والقرص والتكييف
طبعا التكييف تلاجة لو مظبوط ومشحون
المساحة الداخلية ضيقة شوية من ورا خاصة انى طويل وبارجع الكرسى للاخر
طبعا الارتفاع عن الارض تعتبر واطية شوية خاصة لو محمل مش هتحك فى المطبات العادية لكن رسمى هتحك فى الجبال بتاعت الارياف
قطع الغيار معمرة وان كانت غالية شوية
يعنى الكبالن الخارجية اليابانى حوالى 600
فلتر التكييف 60 الاصلى
فلتر الزيت 45 الاصلى
فلتر الهوا 125 تقريبا الاصلى
البوجيهات تقريبا 80 جنيه الاصلى
بارات الدريكسيون 240 يابانى والاصلى 1580
طقم السيور الاصلى يعدى ال 700 جنيه
الخلاصة ... لو لقيت حاجة خليجى كاملة 1600 توكل على الله مش هتندم