من فضل الأعضاء الكرام حد يرد عليه فى موضوع زيوت و لفر دة هو زيت كويس و لا إيه محدش رد عليه خالص مع العلم إن بدأ يبقى ليه منافذ بيع فى الإسكندريه و أسوان و القاهرة
رمضان كريم
عرض للطباعة
من فضل الأعضاء الكرام حد يرد عليه فى موضوع زيوت و لفر دة هو زيت كويس و لا إيه محدش رد عليه خالص مع العلم إن بدأ يبقى ليه منافذ بيع فى الإسكندريه و أسوان و القاهرة
رمضان كريم
انا جربته في عربية سوزوكي التو بتاعتي للأسف زيت وحش ولونه غريب عامل زي زيت الأكل !
لكن مش كل الزيوت اللي مش معروفه وحشه جربت فلفولين طلع ممتاز بس مبآش ينزل
والأعضاء بيأولوا زيوت ليكوي مولي حلوة جدا
وشكرا
السلام عليكم ورحمة الله وبركاته زميلى العزيز انا جربتة فى عربيتى شبرى 15 عاملة 30 الف كيلو بزيت موبيل وان واول مره استعمل زيت ويلفر عملت 1800 كيلو انطباعى الزيت لونة متغيرش مفيش بخر زيت فى عمة الهوا صوت الموتور هدى جدا احساس انه افضل من موبيل ده راى الخاص وانشاء الله هستعمله طول ما الموتور مرتاح معه والله المستعان
طيب هو فعلاً مستورد من ألمانيا و لا دة كلام و خلاص و هل حد إتأكد من كدة
بسم الله الرحمن الرحيم هيا علبة صفيح شكلها جميل جدا وكل الكلام مطبوع عليها وعلامة ماءية والعلبه صعب تقليدها وبتتفتح مرة واحدة ومكتوب عليها صنع فى الما نيا وشوفت الزيت على موقع روسى اسمة شيرى اموليت نغس العلبة والعلمات الماءية علشان كدة انا اطمنت واستعملتة وليك الحرية لاى نوع يريح الموتور وكل عام وانتم بخير ورمضان جاننننننننننننننننننا
أولا.. كل سنة والجميع بخير..
المفاضلة بين الزيوت بتبقى عن طريق مواصفات الزيت .. مش عن طريق لون الزيت وريحته والحاجات الجميلة دي..
احنا مش هناكله!!!
والأهم من كده.. إن مواصفات الزيت لازم تكون زي المواصفات المطلوبة في كتالوج العربية... إذا ما كانتش أحسن منها.
اللي بيقول الزيت وحش.. أكيد اشترى زيت مش مناسب لعربيته... واللي بيقول حلو.. أكيد اشتراه وهو ما يعرفش إنه مناسب لعربيته.
عموما.. مفيش فروق محسوسة بين ماركات الزيوت لما تقارن زيوتها اللي ليها نفس المواصفات.
واللي بيقول إن ماركة زيت أحسن من التانية بيبقى حاجة من اتنين:
- واحد ما يعرفش الفروق بين الزيوت.. وبيشتري بالبركة أو بالسمع.
- واحد بيشتغل في بيع الزيوت.. وبيحلي بضاعته.
الرجاء المرور على الموضوع ده للمساعدة في اختيار الزيت بطريقة صحيحة.
http://www.nilemotors.net/Nile/341680-a.html
...
طيب من فضل حضرتك أستاذ إسلام ممكن تثبتلى إن الزيت دة فعلا جاى من ألمانيا
و شكرا
أستاذ إسلام شكرا لرد حضرتك بس برضه هل هناك ما يثبت بالمستندات إن الزيت دة جاى من ألمانيا زى بوالص شحن أو إفراج جمركى و لا مش متوفرة إنما العلبه المعدن المتبرشمه و كمان مفيش أى حاجه على موقع ولفر ألمانيا إنهم بيصدروا لمصر أنا متأكد من كلامى كويس
المشكله إنى جيبت الزيت من واحد صاحبى على إتفاق إنى مش هحطه فى عربيتى غير لما أتأكد إنه فعلا من ألمانيا و العلبه بقالها عندى شهر و جيبت زيت تانى و فى إنتظار اﻹثبات هههههههه