الموضوع: أسعار البنزين المتوقعة الشهر القادم بعد المرحلة الثانية من رفع الدعم

المشاركة الأصلية كتبت بواسطة ibrahimtamim

كشفت مصادر صحفية أن الأسعار الجديدة المقرر طرحها فى يوليو المقبل ستزيد سعر لتر بنزين “80 أوكتان” من 1.60 جنيه إلى 2.10 جنيه، وبنزين “92 أوكتان” سيرتفع من 2.7 جنيه إلى قرابة 3.25 جنيهات، و”بنزين 95″ سيرتفع من 6.25 جنيهات إلى حوالى 7.5 جنيهات، والسولار من 1.8 جنيه إلى 2.10 جنيه.

المصدر
الحكومة تستقبل رمضان بطوابير البنزين والسولار تمهيدا لرفع الاسعار | ::التقرير المصري::

فات سنة أهو ومافيش حاجة من الخبر اتنفذت ؟!

ياريت ننتقي مصادرنا قبل عرض اخبارها

المشاركة الأصلية كتبت بواسطة mohamed desoky

انتى لسه فاكر الموضوع ده ؟؟؟؟؟؟؟؟؟ وبعدين بنزين ايه اللى حضرتك بتتكلم فيه ده كل حاجه غليت حتى الدواء زاد وكل فواتير البيت زادت مياه ونور وغاز انتى فاكر ان البنزين لو لو غلى الاسعار لازم هتتحرك تانى وانتى وانا هنشيل الهم من المصاريف والدخل هو هو مش بيزيد بنزين ايه اللى بتتكلمه فيه كل قطع الغيار زادة بقانون القيمه المضافه اللى مش فاهم منه اى حاجه ؟انا مش مهم عندى البنزين يزيد المهم اعرف اعيش انا واولادى لا يهمنى رئيس ولا وزير انا عايز اعيش بمرتبى عايز اعيش زى كل المصريين عايزاعيش بكرامه مش عايز احوش ولا فلوس فى البنك عايز اعيش محترم مش عايز امد ايدى ؟غير لربنا ؟

الخبر بيتكلم كلام مؤكد عن زيادة في أسعار البنزين
وفات اكتر من سنة والخبر اتضح كذبه
بطلب من السادة الأعضاء ينتقوا مصادرهم لعرض الأخبار والإبتعاد عن المواقع الصفراء

كلامي أبعد ما يكون عن الاتجاهات السياسية , انا بتكلم في نقطة محددة