فارق السن المناسب بين الزوجين

**حسام الغرباوي** · 18-06-2015 08:16 PM

نصيحة عامة ...لازم تكون عارف تفكيرها وهي عارفة تفكيرك كويس جدا

لان كان في موقف قبل كدا ...ان فرق بين الزوج والزوجة حوالي 10 او 12 سنة ..نفس الفرق تقريبا وحصل مشاكل كتير جدا بعد كدا نظرا لفرق السن والتفكير

هي شايفة انها لسة صغيره وعايزة تفسح وتروح وتيجي وتعيش سنها ..هو شايف انه لازم يشتغل عشان يأمن مستقبلة ومستقبل الولاد وشايف ان الفسح واللف والموضة ....الخ كلام فاضي وانو كبر

عشان كدا بقلك لازم تكونوا فاهمين النقاط دي كلها لان دا زواج وبيت وابناء فيما بعد إن شاء الله ..يعني اسرة كاملة

**طارق _عبد السلام** · 18-06-2015 09:13 PM

لو هناك توافق فكرى وحب متبادل ........ حد يطول ياراجل ياطيب

**punisher** · 19-06-2015 02:27 AM

حضرتك لو حاسس ان في تفاهم بينكم توكل علي الله

الفرق بيني وبين خطيبتي 9 سنوات والحمد لله كله تمام

استخير ربنا واستشير اهلك واهم حاجه الدين والاخلاق لو النقطه دي مش متوفره ابعد عشان هتتعب جدا

ربنا يتمملك علي خير

hh · 20-06-2015 01:44 AM

كتير قوي 12 سنة. يعني تبقى هي عندها 28 سنة و لسة في عز شبابها و انت داخل عالاربعينات!!! على فكرة الستات في مصر بتعجز و تشيل الهم عشان اهمال الرجالة ليهم و عدم الاهتمام برغباتهم فبيزهدوا و يعيشوا لولادهم و خلاص. انما مشفتش واحدة جوزها بيدلعها و يهننها و هي اللي مثلا على طول عايزة تقعد متنحة عالكنبة زي عدم وجودها، انما العكس موجود كتيييييير. الراجل بيعجز و يفقد اهتمامه و قدراته الصحية قبل الست اساسا،انما الست بتضطر توجه كل مجهودها للبيت و الطبيخ لأن ده بيتحول لجل اهتمام الزوج اللي مش بيبقى مهتم بيها هي. ده غير ان كل سن ليه اهتماماته و تفكيره و كل مرحلة ليها جمالها، انتوا تعتبروا من جيلين مختلفين.

**micromoud** · 20-06-2015 02:07 AM

المشاركة الأصلية كتبت بواسطة hh

كتير قوي 12 سنة. يعني تبقى هي عندها 28 سنة و لسة في عز شبابها و انت داخل عالاربعينات!!! على فكرة الستات في مصر بتعجز و تشيل الهم عشان اهمال الرجالة ليهم و عدم الاهتمام برغباتهم فبيزهدوا و يعيشوا لولادهم و خلاص. انما مشفتش واحدة جوزها بيدلعها و يهننها و هي اللي مثلا على طول عايزة تقعد متنحة عالكنبة زي عدم وجودها، انما العكس موجود كتيييييير. الراجل بيعجز و يفقد اهتمامه و قدراته الصحية قبل الست اساسا،انما الست بتضطر توجه كل مجهودها للبيت و الطبيخ لأن ده بيتحول لجل اهتمام الزوج اللي مش بيبقى مهتم بيها هي. ده غير ان كل سن ليه اهتماماته و تفكيره و كل مرحلة ليها جمالها، انتوا تعتبروا من جيلين مختلفين.

ممكن أعرف ايه رغبات المرأه اللى الراجل بيهملها وبتكون سبب اساسى انها تعجز

hh · 20-06-2015 02:55 AM

المشاركة الأصلية كتبت بواسطة micromoud

ممكن أعرف ايه رغبات المرأه اللى الراجل بيهملها وبتكون سبب اساسى انها تعجز

الرومانسية و الكلام الحلو. انه يحسسها انها بتوحشه و انه لسة بيشوفها جميلة و بيشتاقلها. الخروج و الفسح اللي يقضي وقت معاها فيها مش اللي عشان العيال تلعب. انه يفتكر يجيبلها حاجة صغيرة بتحبها او هدية من غير سبب. انه يحب يقضي وقت معاها و يتكلم معاها مش يبقى طول اليوم برة و يبقى زهقان يكلمها لما يرجع. انه يهتم بنفسه و بشكله في البيت عشانها مش يبقى مبهدل و منكوش. انه يحسسها انه مقدر تعبها في البيت و مع الولاد مش نظام امال انت لازمتك ايه. انه يساعدها و لو بشكل بسيط لو كانت تعبانه. انه يخصص لها وقت من وقت فراغه مش يبقى يا اما مع اصحابه يا اما في الشغل يا اما نايم. انه يشاركها في اهتماماته و احلامه و حتى مشاكله مش تحس انه صندوق مقفول متعرفش عنه حاجة. حاجات كتير قوي الست محتاجاها من جوزها و مشاعر كتير بتبقى بتنساها و تعيش و خلاص لما هو يكون مش في دماغه.

**yuong313** · 21-06-2015 02:05 PM

ناس كتير اتكلمت عن فرق الشكل وتغيرات المرأة عن الرجل والتكوين والحمل وخلافه
ولم يتطرق احد الي فرق التفكير والعقل والرغبات والافكار
انا متزوج وفارق بين زوجتي وانا 12 عام كما تفضلت ولكن زوجتي بفضل الله تفيكرها يسبق سنها وليس مثل ابناء جيلها مع الاعتبار ان المرأة مرأة مهما كبرت او صغرت فهي جينات انثوية الاعوجاج في التفكير
ولكن من خلال تجربتي بفضل الله نجاحة واحمد الله علي ذلك
من الممكن ان تتزوج واحدة من نفس سنك ايضا ولكن ممكن تشوف النجوم في عز الظهر الامر لايتعلق بالسن بالرسول عليه الصلاة والسلام تزوج السيدة خديجة وكانت اكبر منه

الامر توفيق من الله عز وجل وانصحك بالاستخارة وتوكل علي الله

**ESO101** · 21-06-2015 05:04 PM

المشاركة الأصلية كتبت بواسطة hh

كتير قوي 12 سنة. يعني تبقى هي عندها 28 سنة و لسة في عز شبابها و انت داخل عالاربعينات!!! على فكرة الستات في مصر بتعجز و تشيل الهم عشان اهمال الرجالة ليهم و عدم الاهتمام برغباتهم فبيزهدوا و يعيشوا لولادهم و خلاص. انما مشفتش واحدة جوزها بيدلعها و يهننها و هي اللي مثلا على طول عايزة تقعد متنحة عالكنبة زي عدم وجودها، انما العكس موجود كتيييييير. الراجل بيعجز و يفقد اهتمامه و قدراته الصحية قبل الست اساسا،انما الست بتضطر توجه كل مجهودها للبيت و الطبيخ لأن ده بيتحول لجل اهتمام الزوج اللي مش بيبقى مهتم بيها هي. ده غير ان كل سن ليه اهتماماته و تفكيره و كل مرحلة ليها جمالها، انتوا تعتبروا من جيلين مختلفين.

والله أنا شايف إن مهما الراجل دلع مراته إذا مكنتش هيا نفسها عندها روح الإهتمام عمرها ماهتهتم
نادر جدًا لما تلاقي بنت عربية مهتمة جدًا بالرياضة والثقافة ومش كل قضيتها في الحياة جوزي راح فين وجوزي بيعمل ايه
ولو جوزها بالوحاشة دي ماتهتمش هيا بنفسها لنفسها ليه !
البنات اللي بيتصفوا بصفات الإستقلالية والشخصية الطموحة وتبقى مثقفة وبتحب نفسها ( نادرات )
المرأة العربية بشكل عام كل همها في الحياة تسيطر على جوزها وفاكرة كل حاجة حواليها بتشكل تهديد على بيتها
وصفة سيئة جدًا ( النميمة ) .. دي قالت ودي عادت و ( التفاهة ) أكلتوا إيه وطبخنا إيه !
نادر نادر لما تشذ وحدة عن القاعدة دي
وأساسًا ربنا مدي المرأة كل المؤهلات .. سيبك من اللي بيقول بتعجز والكلام الفاضي دا .. المرأة بتكبر أبطأ من الراجل
ولكن المرأة المصرية والعربية عامة مهملة جدًا لنفسها ولعقلها إلا ماندر .. حتى لو معجزتش بتبقى مملة وتفاهة
دا ملوش علاقة بفرق السن .. أنا ضد فرق السن .. بس دي صفات منتشرة في كل الفئات وفي جميع الأعمار

hh · 21-06-2015 11:52 PM

المشاركة الأصلية كتبت بواسطة eso101

والله أنا شايف إن مهما الراجل دلع مراته إذا مكنتش هيا نفسها عندها روح الإهتمام عمرها ماهتهتم
نادر جدًا لما تلاقي بنت عربية مهتمة جدًا بالرياضة والثقافة ومش كل قضيتها في الحياة جوزي راح فين وجوزي بيعمل ايه
ولو جوزها بالوحاشة دي ماتهتمش هيا بنفسها لنفسها ليه !
البنات اللي بيتصفوا بصفات الإستقلالية والشخصية الطموحة وتبقى مثقفة وبتحب نفسها ( نادرات )
المرأة العربية بشكل عام كل همها في الحياة تسيطر على جوزها وفاكرة كل حاجة حواليها بتشكل تهديد على بيتها
وصفة سيئة جدًا ( النميمة ) .. دي قالت ودي عادت و ( التفاهة ) أكلتوا إيه وطبخنا إيه !
نادر نادر لما تشذ وحدة عن القاعدة دي
وأساسًا ربنا محدي المرأة كل المؤهلات .. سيبك من اللي بيقول بتعجز والكلام الفاضي دا .. المرأة بتكبر أبطأ من الراجل
ولكن المرأة المصرية والعربية عامة مهملة جدًا لنفسها ولعقلها إلا ماندر .. حتى لو معجزتش بتبقى مملة وتفاهة
دا ملوش علاقة بفرق السن .. أنا ضد فرق السن .. بس دي صفات منتشرة في كل الفئات وفي جميع الأعمار

مش كل الستات فيهم التفاهة و السطحية دي. الموضوع في الاخر يرجع لحسن اختيارك لشريكة حياتك. مثال بسيط لو بصيت على الميت موضوع اللي عن الجواز في المنتدى حتلاقي معظم التعليقات من نوعية ان البنت بتتناقش كتير، ان امها مشفناش منها حاجة وحشة بس شكل شخصيتها قوية، البنت شكلها متفتح و منطلقة في الكلام و ده يقلق، الى اخر التعليقات السلبية سواء من صاحب الموضوع او باقي الاعضاء لأي بادرة تقول ان البنت ليها فكر و شخصية مستقلة.و الكلام المعتاد بتاع اشكلها على مزاجي و اطبعها بطباعي زي ما يكون بيفصل بدلة مش بيختار انسانة تبقى شريكة حياه. متوقع ايه يعني لما ده يبقى مقياس الاختيار و دي دماغ الراجل و هو بيختار؟ و بعدين تلاقيه بعد فترة بيشتكي من التفاهة و انعدام الشخصية رغم انه هو اللي كان عايز اللي يقول لها شمال شمال يمين يمين. انما اللي مهتم يختار واحدة دماغها كبيرة و عندها فكر و ليها شخصية قوية و اهتمامات متعددة حيلاقي.

نقطة اهمال الزوجة لنفسها بعد الجواز حقيقي طبعا، بس هو عام على الجنسين في مصر على فكرة. بس الرجالة فاكرين ان الستات مبيفرقش معاهم و ده عكس الحقيقة تماما.