عندى عيب غريب ومحد\ش عارفلة واتخنقت

**zendo** · 18-06-2015 05:42 PM

بعد ماعملت التكييف فيه صوت ونة كده عامل زى وررررررر وصوت عامل زى الطيارة النفاسة معاة وبيعلى كل لما ازود السرعة ويبان فى المشى فقط على السلانسية لا رحت لتلاتة ميكانيكية واحد يقولى فتيس والتانى يقولى انت عندك عيب خبيث تعلالى وقت الجو رايق والتالت بيقولى اكشف على زيت الفتيس كشفت علية وطلع الزيت كويس والفتيس بينقل عادى زى ما هو قبل الصوت انا عندى اوتوماتيك كهربا عربية نوبيرا 2 وبقيت عامل زى الفرخة الدايخة مفيش حل او مفيش حد بيفهم يقولى العيب منين علما بانى طفيت العربية وهى ماشية والصوت موجود وعلى فكرة الصوت موجود فى حوض الموتور بس مش عارف منين

**alassaby5** · 18-06-2015 05:52 PM

شوف يا باشا هل الصوت ظهر بعد ما صلحت التكييف ولا مالوش علاقه علشان تحدد المشكله فين ولو بعد التكييف ما صلحته هل بيظهر وانت مشغل التكييف فقط ولا سواء شغال او مفصول وبعدين لو بيظهر والعربيه واقفه ودايره على السلانسيه حاول تفتح الكبوت والعربيه دايره وتحدد بودنك الصوت من اى اتجاه بالضبط

**hon** · 18-06-2015 06:37 PM

اخى الفاضل بعد التحية
احنا بنتكلم عن ونة بتزيد مع المشى يبقى اكيد (رولمان بلى - سير - تروس )
انا بقول تبدا بالكشف على رولمان بلى العجل بيعمل وررة كدا زى الى بتوصفها
ماكانش شيك على السيور وبلية الكاتينة والتكييف
مفيش برضو يبقى الفتييس
ويارب تتحل المشكلة قريبا
تحياتى

**zendo** · 19-06-2015 10:43 PM

المشاركة الأصلية كتبت بواسطة alassaby5

شوف يا باشا هل الصوت ظهر بعد ما صلحت التكييف ولا مالوش علاقه علشان تحدد المشكله فين ولو بعد التكييف ما صلحته هل بيظهر وانت مشغل التكييف فقط ولا سواء شغال او مفصول وبعدين لو بيظهر والعربيه واقفه ودايره على السلانسيه حاول تفتح الكبوت والعربيه دايره وتحدد بودنك الصوت من اى اتجاه بالضبط

الصوت موجود سواء مشغل التكييف او مش مشغلة وحتى لما اطفى العربية وهى ماشية برضة موجود الصوت ده شغال مع المشى فقط مش مع السلانسية ومش بلى عجل لانى رفعت العربية على كوريك بس رفعتها من جنب واحد اللى هو اليمين ودورتها واديتها نقلة على الd وزودت الصوت فظيع والميكانيكى قالى الاول دينمو وبعد كده قالى فتيس وبعد كده هولع فى ام العربية لانى كشفت على زيت الفتيس طلع كويس والدينمو شغال والفتيس بينقل عادى مفيش مشكلة

**asas630** · 20-06-2015 02:05 AM

غير بلي عجل امامي

**asas630** · 20-06-2015 02:11 AM

ان شاء الله سهلة
فك سير التكيف ودور العربية وزود لو راح يبقي في بلية عايزة تتغبر ممكن تكون بتاعت الشداد او في مشكلة في الكمبرسور او الدينامو او الباور

ده غلي اعتبار ان الصوت بيحصل والعربية واقفة لو ماشية 80% بلي عجل امامي

**zendo** · 20-06-2015 04:25 AM

المشاركة الأصلية كتبت بواسطة asas630

ان شاء الله سهلة
فك سير التكيف ودور العربية وزود لو راح يبقي في بلية عايزة تتغبر ممكن تكون بتاعت الشداد او في مشكلة في الكمبرسور او الدينامو او الباور

ده غلي اعتبار ان الصوت بيحصل والعربية واقفة لو ماشية 80% بلي عجل امامي

الصوت بيحصل وهى ماشية بس والميكانيكية اللى انا رحتلهم بيقولو الصوت جاى ناحية الموتور واحد منهم قالى من الفتيس بس انا مش مقتنع الفتيس بينقل عادى معايا وشفت الزيت كويس وفجاءة كده بقى ازاى فتيس

**Abo_Mazen** · 20-06-2015 09:25 AM

روح لحداد عفشه عنده بير ...وخلي واحد يقف في البير وأدخل إنت على البير والواحد ده يكون واقف في البير ...وخليه يسمع الصوت جاي منين ...لو تعرف تاخد ميكانيكي معاك وخليه هو اللي يقف في البير ..بس يفضل يكون البير ليه سكه من الناحيتين عشان حضرتك هتعدي من على البير بكامل العربية ...الله يمسيك بالخير يا رأفت ..كان عمدة الحدادين ..وكان بيعمل الحركة دي عشان يعرف الصوت اللي عامل مشكلة لصاحب العربية جاي منين..وبعدين أصلا بصرف النظر عن الفكره اللي قلت لحضرتك عليها ..حضرتك بتقول إنك رفعت العربيه وزودت بنزين والصوت كان ظاهر وفظيع كمان ..طيب ما حضرتك بودنك كده ميز الصوت جاي منين ..

**asas630** · 20-06-2015 11:03 PM

المشاركة الأصلية كتبت بواسطة zendo

الصوت بيحصل وهى ماشية بس والميكانيكية اللى انا رحتلهم بيقولو الصوت جاى ناحية الموتور واحد منهم قالى من الفتيس بس انا مش مقتنع الفتيس بينقل عادى معايا وشفت الزيت كويس وفجاءة كده بقى ازاى فتيس

غير بلي عجل امامي وبالمرة خلي الميكانيكي يشيك علي الكبالن داخلي وخارجي وخليه يكبسهملك شحم

**m_k_elhosiny** · 21-06-2015 11:49 AM

السلام عليكم ... و كل عام و أنتم بخير

ممكن أولا بلية الدينامو .... و بعد كده بلية شداد سير التكييف ... و بعد كده بلية الكومبريسور ... بلي العجل صوته بيبقى خشن و ملحوظ أكتر من السابق ذكرهم
و الله أعلم

الموضوع: عندى عيب غريب ومحد\ش عارفلة واتخنقت

LinkBack

أدوات الموضوع

عرض

-

-

-

-

المواضيع المتشابهه

عندى صوت غريب

عندى صوت غريب وتنتيشه

عندى صوت غريب

عندى صوت غريب فى العربيه

أنا تعبت وزهقت واتخنقت من الكـيــا العصفورة

الكلمات الدلالية لهذا الموضوع

المفضلات

المفضلات

ضوابط المشاركة