بتركن فين في اسكندرية؟؟

سلام عليكم

كل سنة وانتم طيببن. النهاردة اول رمضان و حبيت اجيب كنافة من الحلواني الشهير اللي في شارع المشير.

جه على بالي الجراج متعدد الادوار بتاع محطة قطار سيدي جابر. دخلت و ركنت فيه . و رحت جبت كنافتي و اخدت عربيتي و زي الفل.

االانتظار اول ساعة 5 جنيه و بعد كده الساعة او كسرها 3 جنيه.

انا شايف الجراج ده اضافة لمهمةلمنطقتي سيدي جابر و سموحة و في برضه جراج الملتقى في ضهر للمحطة. اللي فيه كارفور

بس مش ده هدفي من الموضوع.

كل واحد عارف ركنات في مناطق في اسكندرية يدينا خبراته. اراضي فاضية. شوارع جانبية. جراجات. و خلافه

و برضه اللي رايح مكان و مش عارف يركن فين. يسأل و ان شاء الله يلاقي الرد.

اتفضلوا معانا الكنافة تحفة

شارع فواد

المحافظة القديمة مكانها باركينج دلوقتي الساعة بخمسة

لو رايح مشوار عند كوبري ستانلي حتركن فين؟ لأن كلمة عالبحر دي تقلق في الركنة

اقوللك انا. تقدر تركن في الشارع اللي فيه التأمين الصحي و على قمته حلواني لابوار. الركنة فيه متاحة عادة. بس المهم بعد ماتعدي التامين لومالقتش ركنة تاخد يمين عند مدرسة جيرار وو بعدين تاني يمين علشان تطلععالبحر. لأنك لو كملت على طول حتلاقيك في الهداية عالترام و اخاف تدعي عليا

اوبشن تاني انك تركن عالبحر في الباركنج اللي بعد سان جيوفاني و قدام ماك. بس في الاجارات بيبقى زحمة شوية

موضوع جميل ومتميز ومفيد جدا تحياتي لحضرتك

الصيف دخل و الاشكال الضالة اللي بتيجي اسكندرية بدأت الغزو. كله زحمة .

بروح مشوار بطريقة دورية يوم الجمعة في ميامي اخر العيسوي في تقاطعه مع اسكندر.

الحتة دي بتبقى مليانة اتوبيسات اليوم الواحد.

اركن فين ؟ علشان انا طقيت !!

انا بسيب العربية في نادي المهندسين

في حتة ارض كبيرة جراج ف الابراهيمية ترام قبل الكنيسة حلوة للي عايز يركن هناك .. و مش حيطلع عليها عمارة هي معمولة جراج ..