جامده مووت والله D:
رغم ان انا من انصار الهيونداى بس ايش جاب ال بى ام للهيونداى انت اكيد كنت فاتح الشباك ومش متغطى كويس خالى بالك الشتا داخل ويمكن تقلب معاك وتسبق الجاجوار
إيه يا جدعان ده 9 صفحات من التريقه والاستظراف !!! الراجل قال حكاية مش مصدقنها ناقشوه و كل واحد حر يقتنع أو لأ أنا نفسي مش مقتنع بس ده ميمنعش اني أتكلم بإسلوب راقي مش أقول شد اللحف و استخف دمي
يعنى الناس ربنا هاديها و بيضحكوا مع بعض و بيعاكسوا بعض و مافيش حد زعلان من التانى او حد شاط شمال فى حد
ليه لزمته الكلام ده؟؟
و بعدين يا سيدى اللى بيستظرف مافيش حد اشتكى منه على حد متابعتى للبوست
حضرتم متضايق ليه؟
و برضو مافيش كلام باسلوب مش راقى
و ده كلام يفتح باب اتهتم للمشتركين بان اسلوبهم مش راقى على حد قولك
طيب ايه اللى هيحصل لمت نخش فى جدال و حوار مطول حول رؤيه حضرتك للاسلوب الراقى اللى الناس مش فاهماه
روق كده و ماتوزعش اتهامات على ناس تانيه جزافا لعدم احساسك بروح الفكاهه لديهم
حضرتك لو تلاحظ صاحب الموضوع إنسحب أصلاً من الموضوع بعد ما قال ياريت بلاش التريقة والناس مكملة فالتريقة
مش هقول لحضرتك غير إن لو فعلاً الاسلوب راقي مكنش صاحب الموضوع بعت وقال الكلام الأنا كتبت فوق وإنسحب من الموضوع
ياريت تتابع التوبيك كويس قبل ما ترد وتقول عليا بعكنن عل ناس وخلاص واني برمي تهم عل ناس بس عشان معنديش إحساس بروح الفكاهة العندهم ....
السلام عليكم و رحمة الله و بركاته
اا صاحب الموضوع و على فكرة انا يعنى !!! زعلت من الأتهام بالكذب او الفشر و لكن لم ازعل من التريقة
في الحقيقة ده الى حصل واقعيا و انا يعنى مقوتش النترا كذا او كذا لانها بالنسبة لى مرحلة و حغيرها ممكن بعد سنة ان شاء الله ولكن ده الواقع الى حصل معايا بدو اي فشر ده واقعى جدا
وعلى فكرة اول مرة شدت بيها بألنترا كانت في وصلة الجيش (القطامية) و كانت مع عربية فولكس خنفسة تقريبا موديل 2006 او 2004 بيتلز جمرك السلوم وكانت بتقودها بنت و انا كنت مشغل التكييف و العربية فيها 4 رجال و طفلين و العربية كانت عاملة 4800 كيلو فقط شديت لحد 180 كم وبعدين طفيت التكييف و جبت 210 بس برضوا البتلز عدتى ببساطة
وبرضوا انا ذكرت ان كورولا 2008 في التجميع و السرعة كانت فعلا خطيره ولكن مساوية للنترا مع فارق بسيط لصالح كورولا
وعلى فكرة كنت مسافر قنا من سنة تقريبا و فعلا كات النوبيرا منافس شرس بدون تفوق ولكن كان في سياره جيتا ايضا و لكنها سقطت من الحسابات تماما (الجيتا فاشلة)
بجد مش عارف اقولك ايه يا استاذ رامى
بس انا متأكد من ان نيتك طيبه
بس حضرتك ماكنتش حاضر التوبك ده من الاول
--ياريت تتابع التوبيك كويس قبل ما ترد وتقول عليا بعكنن عل ناس وخلاص واني برمي تهم عل ناس بس عشان معنديش إحساس بروح الفكاهة العندهم ....
و لو كلفت خاطرك كنت هتلاقى انى كتبت فيه مرتين بدل ما تقولى اتابع كويس
و حضرتك اللى هاجمت الناس مش انا
يعنى شويه موضوعيه هتكون كويسه و تيعد عنا شر الجدل و شر المناكفه على الفاضى
بصو يا جدعان
انا هقول رأيي روبنا بسهل
انا معايا لانسر بوما 1300 سى سى مانيول وليا واحد صاحبى معاه اسبرانزا A516 1600 سى سى مانيول
المهم كنا راجعين انا وهوا مرة من الكلية (الكلية فى الزقازيق واحنا من بنها)
المهم قلنا نشد مع بعض بس منحرقش على الغيار اخر الغيار 3 Rpm
المفروض ان الاسبرانزا تطلع من اللانسر بحكم ال سى سى
لكن والله انا فى الطلعة الاولى لحد الرابع ببقى انا اللى سابق
بنيجى عند الرابع هوا بيبدأ يحصلنى وعلى الخامس انا بسبق بشوية صغيرين
جيت مرة حرقت شوية صغيرة على الرابع جبت بيه 105 انا طيرت من جنبو ووصلت لحد 150 وهوا مش عارف يحصلنى وفجأه بدأ يجمع وخلاص هيبدأ يعدينى
احنا الاتنين هدينا بسرعة جدا عشان المطبات اللذيذة بتاعة طريق بنها_ الزقازيق بس اعتقد انو كان هيعدينى
بس والله انا مكنش مصدق انى هعلم على الاسبرانزا كدة
وعلى فكرة انا كنت مشغل التكيف حوالى نص الطريق بس مكنتش بعدى ال 120 وبرضو فى الطلعة الاولانيه مكنش بيعرف يعدينى
انا عربيتى 1300 سى سى 90 حصان وعربيتو 1600 سى سى 108 او 118 حصان مش عارف
معنى كلامى
ان تصميم الموتور والتكنولوجيا بتاعة اللانسر اليابانى بيدى وقوة وعزم على السرعات القليلة اعلى من الاسبرانزا بغض النظر عن السى سى
بس على السرعات العالية العزم الحقيقى بيظهر تبعا لل سى سى يعنى الاسبرانزا هتعدينى
علشان1600 سى سى وعزمها هيبقى اعلى كل ما ال Rpm بقى عالى وبكدة بنوصل لاقصى عزم للعربية
نيجى للالنترا
والله انا بموت فى العربية دى وكنت هجيبها بس استحرمت ال 101 الف على المانيول وقلت اجيب يابانى احسن
العربية بتجمع بسرعة رهيبة (ودا عن تجربة لحد 100 كم )
ووزنها مناسب
وفيه نقطة مهمة جدا
الموتور ال 1600 ال Rpm بتاعو بيعلى اكتر من البى ام 523 يعنى لما العربية بتيقى على 200 كم ال Rpm بيبقى على 6000 يعنى وصل لاعلى عزم اسرع من ال بى ام لكن البى ام معرفش هيكون كام بس اكيد اقل من 6000 Rpm يعنى موصلش لاقصى عزمو
لما نيجى نشد مع البى ام بالنترا
الالنترا هتتفوق بكل تأكيد فى الطلعة الاولى ولحد ممكن 160 170 بس بعد كدة مش هيشوف البى ام
العزم اعلى بكتير والهورس بور اعلى وال سى سى اعلى
ومعلش نصيحة
بلاش السرعات العالية انا كل يوم بقول لنفسى كدة بس مش عارف ابطل امشى بسرعة
يا ريت نحافظ على نفسينا
ونحس بتعب اهلينا فينا فى الفلوس بتاعة العربية
وتعب كل واحد فى شراء عربية
ربنا يحفظنا كلنا ويحفظ عربيتنا
أستاذ محمود زايد بعد أذنك ممكن أعلق على بعض النقاط في مداخلتك
عزم العربية بيطلع على عدد لفات أقلاقتباس:
ان تصميم الموتور والتكنولوجيا بتاعة اللانسر اليابانى بيدى وقوة وعزم على السرعات القليلة اعلى من الاسبرانزا بغض النظر عن السى سى
بس على السرعات العالية العزم الحقيقى بيظهر تبعا لل سى سى يعنى الاسبرانزا هتعدينى
علشان1600 سى سى وعزمها هيبقى اعلى كل ما ال Rpm بقى عالى وبكدة بنوصل لاقصى عزم للعربية
يمكن تصميم الموتور و تكنولوجيا الموتور له عامل في اخراج عزم أعلى مثلا
بس أنا عايز أوضحلك الصورة بطريقة أفضل
و لنفرض أن الأسبرانزا أو أي عربية تانية 1600 و عزمها مثلا 150 نيوتن - متر
ووزنها 1200 كجم
و نيجي نشد مع عربية 1300 سي سي و عزمها 120 نيوتن - متر و الوزن مثلا 1000 كجم
في الشد
الأول ال 1300 هاتطلع علشان فرق الوزن ...
بس مع الغيار الثالث و الرابع .....خلاص ال 1300 مهمتها خلصت و ال 1600 أم عزم أكبر تبدأ تشتغل لأن خلاص العربية أتحركت و الموتور مهمته أصبحت أسهل من تحريك 1200 كجم
يعني الموضوع مش مسألة سي سي بس
فيه عوامل تانية كتيرة
وزن العربية - عزم العربية - حجم المحرك - القوة الحصانية
هاديك مثال تاني
كان فيه من سنة تقريبا على المنتدى موضوع بيتكلم عن سباق تم بين عربيتين بي أم دبليو و عربية هيونداي جيتز
طبعا أنا مش فاكر موديل البي ام بصراحة
و الراجل اللي فتح الموضوع كان مذهول ان الجيتز طلعت من البي ام
بس لو عرف السبب لبطل العجب
لو نفرض ان العربيتين نفس القوة 1600 سي سي
و نفس العزم و نفس القوة الحصانية
هانلاقي ان فيه عامل مهم جدا فيمصلحة الجيتز يساعدها على الجري ألا و هو الوزن الخفيف مع ثبات بقية لعوامل الأخرى من تساوي قوة المحرك و العزم
الموضوع ملوش دعوة بماركة معينة
أهم حاجة العوامل دي
حجم المحرك - القوة الحصانية - العزم - الوزن
مفيش عربية بتطلع عزمها على 6000 ار بي اماقتباس:
الموتور ال 1600 ال Rpm بتاعو بيعلى اكتر من البى ام 523 يعنى لما العربية بتيقى على 200 كم ال Rpm بيبقى على 6000 يعنى وصل لاعلى عزم اسرع من ال بى ام لكن البى ام معرفش هيكون كام بس اكيد اقل من 6000 Rpm يعنى موصلش لاقصى عزمو
أغلب العربيات بتطلع العزم ما بين 2500 إلى 4500 لفة - دقيقة
انما عدد اللفات الكبير ده بيكون القوة الحصانية و ليس العزم
لذلك أنت لو واقف في السكون تماما
و هات عربية نص نقل دبابة مثلا ...... و أقفوا أنتوا الأثنين و أبدأو اتحركوا
النص نقل هاتطلع مع أول غيار و تعديك
ليه ؟؟؟
علشان العربيات الديزل بتطلع عزمها على عدد لفات قليل
و بعدين مش هايشوفك
لأنه خلص العزم عنده ......و معندوش قوة حصانية زيك
على عكس مثال البي ام موضع الكلام
العزم كبير و كمان القوة الحصانية كبيرة
يعني العربية الألنترا أو الجين أو النوبيرا أو الفيكترا 1600 أو أي عربية 1600
ممككن تطلع في الغيار الأول وتسبق و بعد كدا
العزم العالي مع الحصان العالي ........ هايخليها طيارة و مش عشان بي ام
لو أي موتور كبير كدا و راكب في اي عربية هايعمل اللي البي ام بتعمله
يعني هو الموضوع مش مسألة ماركات هي قوة حصانية و عزم و دول مهمين مع حيادية وزن السيارة
انا بقول ان الوقت جه عشان تكشف علي عداد السرعه بتاعك
اصل انا حاسس انه عامل زي الساعه المقدمة بتاع اسبوع كدة
يعني انت ممكن تكون ماشي علي 100 وهو مديلك 180
يباشا دانتا اسهل حاجة عنك (انا جبت 200)
اكيد العيب مش فيك ولا في العربية ولا العربيات اللي حوليك
اكيد العيب فب العداد اللي مش بيعرف يحسب اللي محطوط عندك :7bteen:
عداد قليل الذوق بصراحة بس عنده طموح برضه :002:
ياجماعه بلاش تريقه مش ممكن كده
الكلاه غير حضارى نهائى ولا يليق بهذا المنتدى العظيم الحلو اوى
يعنى ازاى بئه
حصل خير يا أستاذ human كل الموضوع اني حاسيت اني لو كنت مكان صاحب الموضوع وواحد قالي إنت كنت بحلم وشد اللحاف كنت هضايق وكمان صاحب الموضوع مبعتش أي رد بعد ما قال شكراً عل تريقة ....مش أصدي ذي ما حضرتك قلت أعمل فتن وجدل ومشاكل و بخصوص انك كتبت فالموضوع مرتين مش د الموضوع منا كتبت فيه بس كنت عايزك تلاحظ إن الردود الفيها كلام الحلم والنوم مش مشارك فيها صاحب الموضوع وكان إنسحب من زمان
عامة حصل خير
طب مع احترامى للجميع انا كنت مع قريبى فى فيرنا و بنشد على وادى النطرون مع بى ام318i و فضلنا ماشيين مع بعض لحد 190 و بعد كدة هو تراجع(مع العلم انة كان ممكن يعدى لان اعتقد العداد كان فى صالحة احنا كنا فاضلنا ثانية و العربية تتفكك)
تانىىىىىىىىى حاجة بقى و دى لكل الاخوة محبى الشد اللى معاه (سيفيك-مازدا-كورولا-لانسر- مش هقول بى أم عشان انا بحترم اللى أكبر منى)
و بيستهيييين أوى كدة بالالنترا ممكن يتكرم و يشد معايا ب عربية اخويا الالنترا 99 أوتو و لووووو مشى معايا مش طلع منى ارجو طردى من المنتدى.
للامانة ليس الا: العربية جايبنها من امريكا عداد لحد 180 ميل و طبعا مواصفات تانية خالص فى كل حاجة (مثلا 2300cc) والدعوة مفتوحة فقط لكل من سخر من الالنترا .
ملاحظة:أنا مش مع الاخ الكريم صاحب الموضوع فى حكاية 200 انها عادى و موضوع انة بياكل و يشرب و هو على ال 200 دة طبعاااااااا:No comment
ارجو من الادارة قفل الموضوع عشان هموت بالسكتة القلبية
وهذا بسبب كلمات
2300 سى سى مثلا (ودة حوض موتور النترا اية اللى يشيل )
وبعدين مش حضرتك بتحترم البى ام عشان اعلى منك
طب ازاى بقا عربيتك اللانترا ال 2300 سى سى مثلا متطلعش من 318
(اللى هيا اصلا تراجعت)
يا جماعة اكيد فى حاجة غلط فى الموضوع دة
خير اللهم اجعلة غير
كل اللى اقدر اقولهولك انى معايا 518 يعنى 1800 سى سى و كمان تسعينات وكمان العربية طلعان عنيها وكمان والدى رافع الصدادة اللى تحت دواسة البنزين رافعها فوق خالص علشان محدش يفترى على العربية يعنى الدواسة تقريبا شغالة 60% فقط او اكتر شوية
احب اقولك انة الدواسة على وضعها الحالى دة كدة العربية بتبقى ماشية 170 وفى عداد صغير كدة تحت الrpm معرفش اسمة اية بيقولك انت دايس بنزين بنسبة كام وفاضلك كام .. العداد دة بيكون لحد 30 وهيا بتبقى واصلة من 10 ل15 فقط ، يعنى فيها كتيررر لسة
وطبعا الملفات والمطبات والكلام دة كلة مش فى السكة اصلا يعنى الحاجة الوحيدة اللى بتشغلنى فى الملف انى ابقى شايف انا داخل علي اية مش اكتر
ما شاء الله يعنى ربنا يبارك فيها
بالنسبة لل523 اللى حضرتك بتتكلم عنها يمكن الراجل كان ناسى ينقل ولا حاجة وماشى على التالت او الرابع
اة معليش نسيت اقولك
العربية 4 سلندر مش 6
السلام عليكم ورحمة الله و بركاته
ياجماعة على فكرة دي الحقيقة !!!!
وفي تاس اصلا بتخاف من السرعة (ده حقها )
وانا على فكرة مش بجري الا لما اكون مستعجل (عايز احصل الجمعة مثلا و ده حصل مرة وكنت ماشي على 200 على فكرة انا ساكن امام مطار الغردقة الطريق اوتوستراد و فاضى صح ان الملف الى عند مبارك 5 كان والدى الى جنبى مش مركب الحزام راسه على صدري و اخويه الى في الكرسي الى الوره في الجنب التاني و سألنى ليه هوه انت بتجري)
وانا مسافر قنا محدش اصلا بيشعر بالسرعة تماما مفيش اي هزه لما ازنق في ملف بيكون السؤال من الى معايا (هو انت بتجري)
اما بالنسبة للأستمرارية بقول لحضرتك النترا و كورولا مسافة 102 كيلومتر في 33 دقيقة من الكمين راس غارب لكمين الزعفرانة انا كنت لوحدي و الكورولا كان معه زوجته لو السرعة ليها اثر كانت زوجته خافت او حرضته على تخفيض السرعة (مثلما تفعل زوجتى حين تكون معى)
انا اعتقد ان المساعدين الغاز بلأضافة الى الباور الكهربائي المفصول عن قاعدة العجلات (الأسكرصه)هو السبب لانك لا تشعر باي تغيير
النقطة الأخيرة الأنبهار م التسارع للوصول هذه السرعة بمجرد الضغط على الدواسة في الألنترا وقد حدث معى موقف بهذا الصدد و هو انى كنت اقود سيارة رينو كليو 2008 عاملة 5300 كيلو و عند ملفات السخنة و في مطلع و انا احاول اجتياز اتوبيس واذا بشاحنة قادمة في مواجهتى فضغط على دواسة البزين ظنا منى ان السيارة ستستجيب (مثل الألنترا) معى و لكن خذلتنى و كان الفضل لسائق الأتوبيس (جازه الله خيرا )ان افسح لي الطريق لمر الثلاث سيارات فى نفس الوقت بعد كل انبهاري للكليو من ان عدادها 240 او 250 على ما اعتقد و لكن اقصى سرعة لها 170 فقط
اما في حالتى الأولى ففي الطريق اوتوستراد بتاع الغردقة لاشي يشغلك كل 10-30 دقيقة ممكن تقابل عربية و في الأتجاه المعاكس و بعيد جدا منك
سأبذل كل جهدي ان شاء الله حتى لااسرع بالسيارة مرة اخري و اكون اكثر تحكما في نفسي ان شاء الله
على فكرة انا من تسع شهور اول ما اطبق القانون الجديد كان عندي سفرية لمرسى علم اتوكلت على الله و مشيت على سرعة 95-100 قانونى وصلت لحد القصير اتعشيت و رجعت الغردقة تاني من الملل كان فاضل 200-300 كيلو مش فاكر
السرعة القانونية في طريق الغردقة القاهرة حتى السخنة 110 كيلو وو صلة (الملفات) الطريق مزدوج و خطير 90كم و لو انت مبتدئ او سيارتك قديمة جديدة خفيفة 60 كم ووصلة الجيش 120 كم
واخيرا لااصح احد بالسرعة السرعة مش شطارة
انا قررت مش حأجري تانى (باذات انا ماشى 53000 كيلو بالكاوتش ولازم اغيره والأيام دي مفتكرش:laugh6:)
it's very common for hunday's to pass jacks, mercs and BMs, specially on Sharjah-Dubai Road:2::toot::surprise:
باشااااا انا اسف طبعا للمداخة بتاعتى بس انا استوقفنى حد هنا بيقول ان الالنترا ممكن تقطع اى عربية مهما كانت دون البى ام والمرسيدس وانه ممكن يقطع اى سيارة مهما كانت
على فكرة انا مش بحب الجرى ولا بحب اخلى اى حد اركب معاه انه يجرى بطريقة جنونية
بس للامانة العامة انا كنت راكب مع واحد صحبى كان معاه جولف 5 وكان بيشد مع النترا مش عاوز اقولك ان الجولف 5 دى عملت فيه ايه بس فعلا الجولف عربية ثابتة ثبات فوق الروعة يعنى فعلا مش هاتحس انك ماشية بسرعة كبيرة عليهااا
بس ياجامعة بلاش فعلا السرعة قاتلة
انا خلصت امتحانات midterm و لسة الموضوع الفظيع ده شغال ؟؟؟
سؤأل : لما الألنترا 1600 بتعمل كدا امال الالنترا 2000 سي سي اللى بتنزل فى الخليج بتعمل اية ؟؟؟!!!!!
( يا جماعة خلينا واقعيين بقى ... الانترا حلوة نعم ... بس طبعا مش هتوصل للبي ام ..)
ya basha ana m3akkkkkkkkkkk w 3la fekra ana kont 3aref en fe 7ad wlaheeeeee el 3azem hay2ole kda :D loooooooooooool . bas lel asaf ana bakalemak 3la wake3 wlaheeeeeeee:D . w alah 3la ma akol shahed . el wake3 fe el 3arabya 3nde 180=240 w bardo mesh ha2ol aktr mn kda zai 7adretak :D
argo mn syadtak te2ra ele ana katbo b tarkez aktr mn kda ana kateb enna sa3et ma kona benshed 3la wadi el natron m3 el bmw kan m3ana verna ya basha mesh el elantra el 2300cc w bensba l mawdo3 ezay 7od elantra yeshel 2300cc da y5alene a2ol l 7adretak en el motor mesh kol ma beb2a akwa beb2a akbr:D . b m3na en lo zai ma 7adretak bet2ol kda kan zaman el porche w el z3 w musting ad el fel b2a. w barg3 a2olak ana bakalmk 3la wak3 bardo . w yagam3a bensba lel a5 ele be2ole mawdo3 el 3adad dah eno ezay 180 mile w 240 kilo . ana 3nde fekra a7sn mn ele radet 3aleh beha . ana ya basha haswrlak el 3adad w enta to7kom w el nas bardo m3ana yshofoh. thxxxxxxxxx all
[QUOTE=ahmed21015;529962]ارجو من الادارة قفل الموضوع عشان هموت بالسكتة القلبية
وهذا بسبب كلمات
b3d el shar 3la 7adretak w alf salama . (lsa shayfha now )
انا بس حبيت اسأل هو الbmw 523 كام سيلندر؟
ايه ده :) ... مش حتكلم أكتر من اللى قالوه باقى الأعضاء .. أكيد الموضوع فيه ان
6 سيلندر و 4 سيلندر بغض النظر عن الوزن و فرق التكنلوجيا و كفاءة الأداء و الأبحاث للتطوير و تكنلوجيا الجيربوكس
لا تعليق :)
انا مصدقك و مصدق اي حاجة عن الهيونداي لأنها وحش الطريق
انا معايا فيرنا 1600 موديل 2008 و علمت علي هوندا سيفيك مو 2008 و اوبل فكترا مو 2008
الفيرنا تطلع من السيفيك والفكترا ال 1600 طبعا بس اول وتانى فقط لا غير بعد كدة بقا
الفيرنا دى فى الحمام
الفيرنا عزمها 143 علي 3000 لفة
السيفيك 151 علي 4500 لفة
يعني الفيرنا موتورها انشط من السيفيك بكتييييييير >>>>> يعني انا لو غيرت علي 3500 لفة هعدي منه بالرااااااااااحة
الفيرنا عربية جامدة جدا مش اي كلام
الفيرنا اكبر تسارع في كل العربيات ال 1600 من صفر لغاية 100
يعني اسرع من الهوندا و الاوبل واي عربية 1600 و اللي مش مصدق يجرب
that's because of the light weight. and u can't maintain the reliability of the motor, there are expenses, u lose stability, u lose brakes, u lose ur motor over time, the car can't do the acceleration or keep the high speed for long period without affecting the motor or mechanical parts because the design is not aimed for such behavior
imagine 3-4 hours where u r kicking the limits of the verna, this car will be goodbuying you, where a honda or opel will be just as cool as nothing happend
و انا مقلتش حاجة غير كدة , انا قلت الفيرنا تعدي من الهوندا علي سرعة اقل من 110 بعد كدة الفيرنا مش هتتحمل و دة في حد ذاته انجاز ان عربية بسبعين الف تعدي عربية ب 150 الف
علما بأن انا لما قلت اني علمت علي هوندا سيفيك الكلام دة كان في مكان لا يسمح بسرعات اكبر من 100 >>>>يعني انا مكنتش بألف ولا حاجة